Բուլղարիայի թուրքերը կոչ են արել դեմ քվեարկել Թուրքիայի սահմանադրական փոփոխություններին
07/04/2017 10:59
Նմանատիպ
Բուլղարիայում թուրքերի կողմից հիմնադրված «Իրավունքների և ազատությունների շարժում» կուսակցությունը դատապարտել է Թուրքիայում նախատեսվող սահմանադրական փոփոխությունները: Ինչպես հաղորդում է «Արմենպրես»-ը, այս մասին հայտնում է գերմանական Deutsche Welle-ն:
Կուսակցության ղեկավար Մուստաֆա Քարադայը նշել է, որ Թուրքիայում նախագահական համակարգի անցնելով սպառնալիքի տակ են հայտնվում մարդու իրավունքներն ու ազատությունները:
«Իրավունքների և ազատությունների շարժում» կուսակցությունը հայտարարություն է տարածել, որում կոչ է արվում «ոչ» ասել սահմանադրական փոփոխություններին, որը երկիրը վերածում է սուլթանության, իսկ Էրդողանն այդպիսով ցանկանում է ողջ իշխանությունն անվերահսկելի կերպով իր ձեռքը վերցնել:
Բուլղարիայում բնակվել է շուրջ 700 հազար թուրք:
Հետևեք մեզ նաև Telegram-ում