ՌԴ-ի, Իրանի եւ Սիրիայի ԱԳ նախարարները Մոսկվայում կքննարկեն Սիրիայի ռազմաքաղաքական իրադրությունը
Նմանատիպ
ՌԴ-ի, Իրանի եւ Սիրիայի արտաքին գործերի նախարարներ Սերգեյ Լավրովը, Մոհամադ Ջավադ Զարիֆը եւ Վալիդ Մուալեմը ապրիլի 14-ին եռակողմ հանդիպում կանցկացնեն Մոսկվայում: Այդ մասին, ինչպես տեղեկացնում է «Արմենպրես»-ը, հայտնել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան:
«Ապրիլի 14-ին Մոսկվայում կկայանա եռակողմ հանդիպում՝ Ռուսաստանի, Սիրիայի եւ Իրանի արտաքին քաղաքական գերատեսչությունների ղեկավարների մասնակցությամբ»,-ասել է դիվանագետը: Նրա խոսքով՝ բանակցություններում գլխավորը կլինի Սիրիայի ռազմաքաղաքական իրադրության քննարկումը:
«Հանդիպման մասնակիցները կքննարկեն եռակողմ կոորդինացման միջոցները՝ իրադրության դեգրադացում եւ Սիրիայում քաղաքական կարգավորման ջանքերի վիժեցում թույլ չտալու նպատակով՝ Դամասկոսի դեմ ԱՄՆ-ի զինված ագրեսիայի պայմաններում»,– ընդգծել Է Զախարովան, հաղորդել Է ՏԱՍՍ-ը:
Հետևեք մեզ նաև Telegram-ում