AM | RU
USD
EUR
RUB

Հայ մշակույթը կներկայացվի արտերկրում

ՀՀ կառավարության տարեկան միջոցառումների ծրագրի համաձայն 2017 թվականին արտերկրում 90 միջոցառում կանցկացվի: Դրանք կիրականացվեն Իտալիայում, Ճապոնիայում, Բուլղարիայում, Հարավային Կորեայում, Չինաստանում, Գերմանիայում, Իրանում, Լեհաստանում և այլ երկրներում: Այս մասին «Արմենպրես»-ի թղթակիցը զրուցեց ՀՀ մշակույթի նախարարության արտաքին կապերի վարչության պետ Լուսինե Քարամյանի հետ:

«Ճապոնիայում համերգային ծրագրով հանդես կգա քանոնահարուհի Մերի Մուսինյանը, կանցկացվի նաև «Արարատը հայի աչքերով» խորագրով լուսանկարչական աշխատանքների ցուցահանդես: Չինաստանում տեղի մոդելները կցուցադրեն «Տերյան» մշակութային կենտրոնի հայկական տարազները: Ինչպես Չինաստանում, այնպես էլ Հարավային Կորեայում ելույթ կունենա «Գողթ» խումբը»,-ասաց Քարամյանը և ընդգծեց, որ Ճապոնիայի, Չինաստանի հետ Հայաստանի մշակութային կապերը բավականին ամուր են: Դրա մասին է վկայում նաև այն փաստը, որ մի քանի օր հետո Հայաստանում կլինեն Ճապոնիայի նվիրաբերած շարժական կինոթատրոնները:

Հայաստանն իր մասնակցությունը կունենա նաև Կաննի կինոշուկայում: Մեր երկիրը կներկայանա Village International/Pantiero հատվածում` N226 տաղավարում: «Օտարներին կծանոթացնենք մեր կինոարտադրությանը: Կներկայացնենք նաև նոր օրենքը, որի համաձայն` Հայաստանում ֆիլմեր նկարահանող օտարերկրյա ներդրողներին կվերադարձվի 20 տոկոս հետվճար»,- նշեց վարչության պետը և հավելեց, որ ՀՀ մշակույթի նախարարությունը ցանկանում է նաև կինոյի հանձնակատարի ինստիտուտ ստեղծել:

Այդ կառույցը Հայաստանում կներկայացնի արտերկրում նկարահանված ֆիլմերը և կզբաղվի արտերկիր հայկական կինոյի արտահանմամբ: Կառույցը պատասխանատու կլինի Հայաստանում նկարահանվող բոլոր ֆիլմերի մարքեթինգի, հանրահռչակման ու եկամտի համար:

Շարունակելով կինոյի թեման` Լուսինե Քարամյանը տեղեկացրեց, որ Ուկրաինայում Հայաստանի դեսպանությունը դիմել է ՀՀ մշակույթի նախարարությանը «Հայֆիլմ» կինոստուդիայի 15 ֆիլմեր ձեռք բերելու համար, որոնք տարվա ընթացքում կցուցադրվեն ուկրաինական հեռուստաալիքներով:

Հայաստանը կմասնակցի նաև Իտալիայում կայանալիք Վենետիկի բիենալեին, որը ժամանակակից արվեստի բնագավառում ամենախոշոր միջոցառումն է:

Այս տարի Հայաստանի տաղավարը ներկայացնելու են սփյուռքից, Հայաստանից և Իտալիայից երեք արվեստագետ: 2015 թվականին Հայաստանի տաղավարը, որը նվիրված էր Հայոց ցեղասպանությանը, առաջին տեղը զբաղեցրեց` արժանանալով «Ոսկե առյուծ» գլխավոր մրցանակին:

Հայաստանը մասնակցելու է նաև Ֆրանկոֆոնիայի խաղերին, որոնք կանցկացվեն Աֆրիկայում: Մեր երկիրը յոթ մասնակից ունի այնտեղ:

«Անձամբ ներկա եմ եղել արտերկրում անցկացվող որոշ միջոցառումների ու պետք է շեշտեմ, որ ոչ միայն հայկական սփյուռքն է մեծ ոգևորությամբ այցելում կազմակերպված միջոցառումներին` համերգային ծրագրեր, ցուցահանդեսներ, գրքերի շնորհանդեսներ, այլև օտարերկրացիները»,-նշեց Քարամյանը:

Այս տարի լրանում է Հայաստանի և բազմաթիվ երկրների միջև դիվանագիտական հարաբերությունների հաստատման 25-ամյակը: Այդ կապակցությամբ տարբեր միջոցառումներ կանցկացվեն ինչպես Հայաստանում, այնպես էլ արտերկրում:

Լրահոս
«Ծառուկյան» խմբակցությունը կողմ կքվեարկի ՀՀ նախագահի պաշտոնում Արմեն Սարգսյանի թեկնածությանը Հայաստանի՝ ԵԱՏՄ-ին անդամակցության ընթացքում արտահանումն աճել է մոտ 50 տոկոսով ՀՀ Նախագահի թեկնածու Արմեն Սարգսյանը կհանդիպի ՕԵԿ ներկայացուցիչների հետ Հայոց ցեղասպանության բանաձևերին Թուրքիայի արձագանքը սպասելի էր Արմեն Սարգսյանը Լիբանանում կհանդիպի Արամ Ա կաթողիկոսի հետ Վուչիչը հայտարարել է, որ Սերբիան երբևէ պատժամիջոցներ չի կիրառի Ռուսաստանի դեմ Սոցիոլոգն առաջնային է համարում Սումգայիթի ջարդերի հարցը միջազգային իրավական դաշտ տեղափոխելը Արմեն Մարտիրոսյանն ընտրվել է «Ժառանգություն» կուսակցության վարչության նախագահ Հայաստանի նկատմամբ Ադրբեջանի նախագահի նկրտումներն արժանացան միջազգային բացասական արձագանքի. Eurasianet Մոսկվան Վաշինգտոնին և Փհենյանին կոչ է անում սկսել ուղիղ երկխոսություն Տիգրան Պետրոսյանը «Aeroflot open»-ի 4-րդ տուրում կիսեց միավորը մյուս առաջատարի հետ Արմեն Սարգսյանն այցելել է Մխիթարյան միաբանություն ԵԱՏՄ-ին ՀՀ-ի անդամակցության ընթացքում դեպի ՌԴ արտահանումն աճել է ավելի քան 250 տոկոսով Արթուր Բաղդասարյանն ընտրվեց «Օրինաց երկիր» կուսակցության նախագահ Հայաստանը ԵԱՏՄ տարածքում ամենաբարձր աճի ցուցանիշներն է արձանագրել մի շարք կարևոր ճյուղերում. փորձագետ Նախագահը ընդունել է Վրաստանի փոխվարչապետ, ՆԳ նախարար Գիորգի Գախարիային Բակո Սահակյանը և Վիգեն Սարգսյանը քննարկել են բանակաշինությանը վերաբերող մի շարք հարցեր Արցախի հետ առաջնագծում ադրբեջանական զինուժն այս շաբաթ կիրառել է 60 միլիմետրանոց ականանետ Սոմալիի մայրաքաղաքում պայթյուններն առնվազն 18 մարդու կյանք են խլել Քաբուլում մահապարտի գործողության հետևանքով զոհերի թիվը հասել է երեքի Հասմիկ Պողոսյանը նշանակվել է ՀՀ Նախագահի խորհրդական Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Սպասվում է առանց տեղումների եղանակ Գեղարքունիքում անցկացվեց «Կորյուն» ռազմամարզական խաղերի մարզային փուլը Մի շարք պատմական հուշարձաններում վերականգնման աշխատանքներ իրականացնելու համար պետբյուջեից գրեթե 200 մլն դրամ է ծախսվել Սարգիս Ադամյանի գոլն օգնել է «Յան Ռեգենսբուրգ»-ին անհավանական հաղթանակ տոնել Մոլդովական փողոցի հանրակացարաններից մեկում հրդեհ է բռնկվել. 60 բնակիչ տարհանվել է Նիգերիայում «Բոկո Հարամ» խմբավորումը 111 աշակերտուհու է առևանգել «168 ժամ». Երկու կողմից էլ պետք է լինեն ցավոտ զիջումներ. Կ. Զատուլինը՝ ԼՂ խնդրի կարգավորման մասին ՕՐՎԱ ԽՈՐՀՈՒՐԴԸ: Փետրվարի 24 Ռոբեր Պիրեսը գովեստի խոսքեր է հնչեցրել Հենրիխ Մխիթարյանի հասցեին Նախորդ տարի Արցախում արձանագրվել է հանցագործությունների բացահայտման 98.4 տոկոս ցուցանիշ Արթիկի ոստիկանապետն ազատվել է աշխատանքից Արմեն Սարգսյանն առաջադրվել է Հանրապետության նախագահի թեկնածու Համայնքների մանկապարտեզների միավորումը կբարձրացնի աշխատանքի արդյունավետությունը Զբաղվածության խթանումը՝ 2018-ի գերակայություն ԱԺ-ում Հայաստանի 4-րդ նախագահի ընտրության հարցի քննարկումները կմեկնարկեն մարտի 1-ին Վարդան Բոստանջյանն անհեռանկարային է համարում ԱԺ-ի կողմից ՀՀ նախագահի ընտրության հարցով ՍԴ դիմելու «Ելք»-ի նախաձեռնությունը ՀՀ Նախագահն ընդունել է Մադագասկարի արտաքին գործերի նախարարին Զենք՝ ուսուցիչներին և նոր հոգեբուժարաններ. Թրամփի առաջարկը
Խմբագրի ընտրություն
website by Sargssyan