AM | RU
USD
EUR
RUB

ԵԱՏՄ երկրների շարքում Հայաստանը միջին ամսական անվանական աշխատավարձի ցուցանիշով գերազանցում է Բելառուսին և Ղրղզստանին

 
 

ԵԱՏՄ երկրների շարքում Հայաստանի միջին ամսական անվանական աշխատավարձի ցուցանիշը 2016 թվականի դեկտեմբերին 28 հազար 797 ՀՀ դրամով գերազանցել է Բելառուսի, իսկ 95 հազար 105 ՀՀ դրամով Ղրղզստանի համապատասխան ցուցանիշները: Ինչպես հաղորդում է «Արմենպրես»-ը, այս մասին նշվում է Եվրասիական տնտեսական հանձնաժողովի հրապարակած տվյալների բազայում:

Հայաստանի Հանրապետությունում միջին ամսական անվանական աշխատավարձը 2016 թվականի դեկտեմբերին կազմել է 234 հազար 227 դրամ: 2017 թվականի հունվարին այն նվազել էր մինչև 180 հազար 354-ի, իսկ փետրվարին կազմել է 182 հազար 525 դրամ:

Բելառուսում միջին ամսական անվանական աշխատավարձը 2016 թվականի դեկտեմբերին կազմել էր 8 մլն 20 հազար բելառուսական ռուբլի:

Մեկ բելառուսական ռուբլու փոխարժեքը 0,03 ՀՀ դրամ է, ըստ այդմ, Բելառուսում 2016 թվականի դեկտեմբերին միջին ամսական անվանական աշխատավարձը կազմել է 205 հազար 430 ՀՀ դրամ, ինչը նշանակում է, որ Հայաստանում 2016թ. դեկտեմբերին միջին ամսական անվանական աշխատավարձը գերազանցում էր Բելառուսի միևնույն ցուցանիշը 28 հազար 797 դրամով կամ 1 մլն 124 հազար 236 բելառուսկան ռուբլով: Սակայն Բելառուսում 2017 թվականի հունվարին միջին ամսական անվանական աշխատավարձը նվազել է` իջնելով 7 մլն 210 հազար բելառուսական ռուբլու կամ 184 հազար 682 ՀՀ դրամի, ինչը 4 հազար 328 ՀՀ դրամով կամ 1 68 965 բելա ռուսկան ռուբլով գերազանցում է Հայաստանի 2017 թվականի հունվարի միջին ամսական անվանական աշխատավարձի ցուցանիշը: 2017 թվականի փետրվարին Բելառուսում միջին ամսական անվանական աշխատավարձը կազմել է 7 մլն 170 հազար բելառուսական ռուբլի կամ 183 հազար 657 ՀՀ դրամ: Այն 1132 ՀՀ դրամով կամ 44 հազար 193 բելառուսկան ռուբլով գերազանցել է 2017 թվականի փետրվարի Հայաստանի միջին ամսական անվանական աշխատավարձի ցուցանիշը:

Ղազախստանում 2016 թվականի դեկտեմբերին միջին ամսական անվանական աշխատավարձը կազմել է 154 հազար 632 ղազախական թենգե: Եթե այն վերածենք հայկական դրամի (1 ՀՀ դրամը համարժեք է 1.65 ղազախական թենգեի), ապա 2016 թվականի դեկտեմբերի Ղազախստանում միջին ամսական անվանական աշխատավարձը կկազմի 241 հազար 231 ՀՀ դրամ, ինչը կգերազանցի Հայաստանի 2016 թվականի դեկտեմբերի միջին ամսական անվանական աշխատավարձի ցուցանիշը մոտ 7 հազար դրամով կամ 4 հազար 487 ղազախական թենգեով: ԵՏՀ պաշտոնական վիճակագրական տվյալներում Ղազախստանի 2017 թվականի հունվարի և փետրվարի միջին ամսական անվանական աշխատավարձի ցուցանիշները ներկայացված չեն:

Ղրղզստանում 2016 թվականի դեկտեմբերին միջին ամսական անվանական աշխատավարձը կազմել է 19 հազար 578 սոմ կամ շուրջ 139 հազար 122 ՀՀ դրամ (1 ՀՀ դրամը համարժեք է 0,14 ղրղզական սոմի): Եթե համեմատելու լինենք 2016 թվականի դեկտեմբերի Հայաստանի և Ղրղզստանի միջին ամսական անվանական աշխատավարձի ցուցանիշները, ապա կարելի է ասել, որ Հայաստանում այն 95 հազար 105 ՀՀ դրամով կամ 13 հազար 383 ղրղզական սոմով գերազանցում է Ղրղզստանի ցուցանիշը: 2017 թվականի հունվարին Ղրղզստանում միջին ամսական անվանական աշխատավարձը նվազել է` կազմելով 13 հազար 768 սոմ կամ 97 հազար 836 ՀՀ դրամ: Չնայած Հայաստանում 2017 թվականի հունվարին միջին ամսական անվանական աշխատավարձը ևս նվազել էր, սակայն համապատասխան ժամանակահատվածում այն գերազանցում է Ղրղզստանի ցուցանիշը 82 հազար 518 ՀՀ դրամով կամ 116 հազար 612 ղրղզական սոմով: ԵՏՀ պաշտոնական վիճակագրական տվյալներում Ղրղզստանի 2017 թվականի փետրվարի միջին ամսական անվանական աշխատավարձի ցուցանիշը ներկայացված չէ:

ԵԱՏՄ անդամ երկրներում ամենաբարձր միջին ամսական անվանական աշխատավարձը գրանցվել է ՌԴ-ում: 2016 թվականի դեկտեմբերին այն կազմել է 47 հազար 554 ռուսական ռուբլի կամ 405 հազար 234 ՀՀ դրամ: Այն գերազանցում է Հայաստանի 2016 թվականի դեկտեմբերի ցուցանիշը շուրջ 171 հազար ՀՀ դրամով կամ 20 հազար 67 ռուսական ռուբլիով: 2017 թվականի հունվարին Ռուսաստանում միջին ամսական անվանական աշխատավարձի ցուցանիշը նվազել է 12 հազար 185 ռուբլիով (103 հազար 835 ՀՀ դրամով)` կազմելով 35 հազար 369 ռուբլի կամ 301 հազար 399 ՀՀ դրամ: Այն գերազանցում է Հայաստանի միջին ամսական անվանական աշխատավարձի ցուցանիշը 121 հազար 45 ՀՀ դրամով: Փետրվարին Ռուսաստանում միջին ամսական անվանական աշխատավարձը կազմել է 35 հազար 900 ռուբլի կամ 305 հազար 924 ՀՀ դրամ` Հայաստանի փետրվարի ցուցանիշը գերազանցելով 123 հազար 399 դրամով:

Այսինքն` եթե ամփոփելու լինենք Հայաստանի և ԵԱՏՄ անդամ այլ երկրների միջին ամսական անվանական աշխատավարձերի ցուցանիշները, ապա կարող ենք արձանագրել, որ 2016 թվականի դեկտեմբերի ( որոշ երկրների հունվարի կամ փետրվարի ցուցանիշները ներկայացված չեն) ցուցանիշներով Հայաստանի միջին ամսական անվանական աշխատավարձը գերազանցում է Բելառուսի ցուցանիշը 28 հազար 797 ՀՀ դրամով և Ղրղզստանի ցուցանիշը` 95 հազար 105 ՀՀ դրամով, Ղազախստանի ցուցանիշին կզիջի 7 հազար ՀՀ դրամով, իսկ Ռուսաստանի` 171 հազար ՀՀ դրամով:

Լրահոս
ԱԱԾ-ն մանրամասներ է հրապարակել Մանվել Գրիգորյանի նկատմամբ քրեական գործի քննության ընթացքից Գյումրիում տեղադրվեց Քըրք Քըրքորյանի հուշարձանը Աղասի Դարբինյանն ընտրվել է Վարչական դատարանի նախագահ Հայտնաբերվել է հասցեատիրոջը չհասած ծաղկեպսակ. ԱԱԾ նոր տեսանյութը Մանվել Գրիգորյանի՝ Արցախի տան խուզարկությունից (Տեսանյութ) Պարզվել են «Կոմայգի» կոչվող տարածքում տեղի ունեցած խուլիգանության դեպքի բոլոր հանգամանքները Սերժ Սարգսյանի եղբայրը բերման է ենթարկվել ոստիկանություն Վրաստանում ադրբեջանցուն սպառնում է 2-6 տարվա ազատազրկում Հայաստանի դեմ գրառման համար Նախարարությունը հորդորում է բացառել կրեմային հրուշակեղենի և լցնովի փափուկ պաղպաղակի օգտագործումը Վերապատրաստված ուսուցիչները պահանջում են տարրական դասարաններում «Տեխնոլոգիա» առարկայի դասաժամերի տրամադրում Վահան Շիրխանյանն ազատ է արձակվել ԱԱԾ-ն բերման է ենթարկել Վաչագան Ղազարյանին ՀՔԾ-ն Մանվել Գրիգորյանի կնոջը ձերբակալելու որոշում է կայացրել Հրազդանի քաղաքապետ Արամ Դանիելյանը հրաժարական կտա «Շատ հավանական է, որ արդեն որոշված է այդ խնդիրը, ուղղակի դեռ հարց է՝ ո՞վ է փոխարինելու Տարոն Մարգարյանին» Դանակահարություն Տիգրան Մեծ պողոտայում (Տեսանյութ, լուսանկարներ) Ավստրալիայում Հայոց ցեղասպանությանն առնչվող բանաձև է դրվել քննարկման Ռազմական ոստիկանները շուրջօրյա ծառայություն կիրականացնեն «Զվարթնոց» օդանավակայանում Սերժ Թանկյանը Հայաստանի հետ կապված հավակնոտ ծրագրեր ունի Վաղարշյան փողոցում 14-ամյա Հայկի որոնողական աշխատանքներն ավարտվել են անարդյունք ՀՀ ոստիկանության աշխատակիցների կողմից գործողություններ են իրականացվում «Էլիպս» ընկերությունում Փաշինյանի գլխավորությամբ Անվտանգության խորհրդի նիստ է գումարվել Բողոքի ակցիա՝ Սեւան-Երեւան ավտոմայրուղում Լիոնել Մեսիին ծննդյան օրը 60-կիլոգրամանոց տորթ են հանձնել Բրոնիցիում Անձնագրային համակարգում ոստիկանություն կարևոր փոփոխություններ է խոստանում Մանվել Գրիգորյանի ծննդավայր արշալույսցիները պահանջում են գյուղապետի հրաժարականը Մենք չենք պարտադրելու, բայց մեծամասամբ ձայնը տալու ենք ՔՊ-ին․ ԵԿՄ ԵԿՄ վարչության շարքերը պետք է լքեն ևս 65 հոգի. ԵԿՄ փոխնախագահ Կպատասխանեմ ամենաշատ like հավաքած 10 հարցերին Մասիսի քաղաքապետին նոր մեղադրանք է առաջադրվել, նա մեղադրվում է խուլիգանության մեջ ԱԻՆ-ը հորդորում է ցերեկային ժամերին խուսափել արեգակի ուղիղ ճառագայթներից ՊԵԿ-ը Երևանում բացահայտել է կեղծ կոնյակի խոշոր խմբաքանակ Բողոքի ակցիա՝ քաղաքապետարանի դիմաց. պահանջում են Տարոն Մարգարյանի հրաժարականը (տեսանյութ) Մանվել Գրիգորյանի որդուն մեղադրանք է առաջադրվել. նա ներգրավված է ՊԲ-ի համար նախատեսված «ՈՒԱԶ»-ների հափշտակման գործում Սրտի ստենտավորման արժեքը կարող է նվազել շուրջ 100 հազար դրամով Հայաստանում հունիսի վերջին օրերին թեժ է լինելու. սպասվում է +40 աստիճան Թուրքիայի նախագահի պաշտոնում վերընտրված Էրդողանին չեն գոհացրել խորհրդարանական ընտրության արդյունքները Երևանում քաղաքացին «Ֆեյսբուք»-ով սպանության սպառնալիքներ պարունակող հաղորդագրություններ է ուղարկել ՄԻՊ-ը մտահոգիչ է համարում պետական իրավասու մարմինների լռությունը լրագրողներին ուղղված սպառնալիքների դեպքերին Էրդողանը Թուրքիայի նախագահական ընտրություններում կրկին հաղթանակ է տանում Թուրքիայում ընտրելու գործընթացն ավարտված է. ահազանգեր կան քրդաբնակ շրջաններում լուրջ ընտրախախտումների մասին
Խմբագրի ընտրություն
website by Sargssyan