AM | RU | EN
USD
EUR
RUB

Թե ինչպես ծնվեց «Այլ կերպ»-ն ու «վարակեց» ինտելեկտուալներին. հայերեն լեզվով խաղ` մեծերի ու փոքրերի համար

«Այլ կերպ». խթանելով հայերեն խոսքն ու միտքը

Անահիտի, Էլինայի ու Սոֆյայի նույն տեղում աշխատելը ստիպեց նրանց այլ կերպ մտածել: Ինտելեկտուալ խաղերի սիրահարներին սեղանի շուրջ հավաքող աշխատանքային ընդմիջումներն իրենց գործն արեցին: Մտքի արագությունն օրեցօր ռեկորդներ էր սահմանում, հայերենի բառապաշարն էլ` իր տեղը զիջում ռուսերենին ու անգլերենին: Սեփական օրինակով զգալով, որ մայրենիի դիրքերն աստիճանաբար թուլանում են, երիտասարդ աղջիկները որոշեցին անձամբ լուծել խնդիրը:

Համարձակ նախաձեռնությունն անսպասելի արձագանք ունեցավ ինտելեկտուալների շրջանում: Հայերեն լեզվով սեղանի ինտելեկտուալ խաղի առաջին տարբերակը`«Այլ կերպ»-ը, կարճ ժամանակահատվածում ձեռք բերեց մեծ թվով սիրահարներ: Այն դարձավ սիրված խաղ թե´ տարբեր հաստատություններում և թե´ բազմաթիվ ընտանիքներում:

Երևակայությունն ու մտքի արագությունը զարգացնելուն, հայերեն բառապաշարը հարստացնելուն միտված «Այլ կերպ»-ի վրա համահիմնադիրներ Անահիտը, Սոֆյան ու Էլինան մոտ յոթ ամիս աշխատել են: «Քանի որ խաղի կարևորագույն նպատակը հայերենը զարգացնելն է, ուստի պետք էր ամեն ինչ անել ճիշտ ու գրագետ: Դրա համար որոշեցինք այն ներկայացնել և´ԿԳՆ Լեզվի պետական տեսչություն, և´ Կրթության ազգային ինստիտուտ: Երկուսն էլ հաստատեցին, որ խաղը, որպես օժանդակ նյութ, կարող է օգտագործվել արտադասարանական ժամերին: Ինքներս նվիրել ենք մի քանի դպրոցների ու զարգացման կենտրոնների, ու անգամ մրցաշարեր են անցկացվել դրանց հիման վրա»,-ուրախությամբ փաստում է Անահիտը:

Խաղի անվան շուրջ համահիմնադիրները երկար չեն մտածել: Քանի որ մասնակիցն իր թիմակիցներին պետք է խաղաքարտի վրա գրված բառը բացատրի այլ կերպ` առանց նույնարմատ բառեր օգտագործելու, ուստի և խաղն անվանեցին հենց այդպես` «Այլ կերպ»:

«Այլ կերպ»-ը, որը պարունակում է 301 խաղաքարտ` յուրաքանչյուրի մեջ` 7 բառ, համահեղինակների խոսքով, նախատեսված է 14-ից բարձր տարիքի մարդկանց համար, ուստի դժվարություն էր առաջացնում այն խաղալ ցանկացող փոքրիկների մոտ: Ահա թե ինչու որոշ ժամանակ անց աղջիկները թողարկեցին նաև խաղի մանկական տարբերակը` «Այլ կերպիկ»-ը:

«Այլ կերպ»-ի ճուտիկը, մի շնչով ստեղծված «Մի շնչով»-ն ու դեռևս գրախանութ չհասած «Զիլ Զառ»-ը

«Երեխաների համար նախատեսված տարբերակի վրա ևս բավականին երկար ենք աշխատել: Քանի որ այս դեպքում գործ ունեիք փոքրիկների հետ, հաշվի ենք առել ամեն մի մանրուք. բառերը, նկարները, կերպարներն ընտրել ենք հոգեբանի հետ քննարկումներից ու վերլուծություններից հետո միայն: Բացի այդ, նաև փորձարկումներ ենք արել. մանկապարտեզներում, ծանոթ-բարեկամների երեխաների շրջանում բազմիցս խաղեր ենք անցկացրել, անհրաժեշտ փոփոխություններն արել և դրանից հետո միայն` թողարկել»,-ասում է Սոֆյան:

«Այլ կերպիկ»-ն, ըստ էության, համակցված տարբերակ է. երկկողմանի խաղաքարտերը նախատեսված են երկու տարիքային խմբերի` 4-8 և 8-14 տարեկաններ համար: Ավելի փոքրերի համար քարտի մի կողմում պատկերված են հեքիաթների ու մուլտֆիլմերի հերոսներ, իսկ մյուս կողմում` բառեր, արտահայտություններ` 8-14 տարեկանների համար: Երկու դեպքում էլ երեխաները թիմակիցներին պետք է բացատրեն, թե ինչ է պատկերված կամ գրված` առանց բառը կամ հերոսի անունը նշելու:

Միանշանակ, «Այլ կերպ»-ը համանուն կազմակերպության «առաջնեկն» է, բայց դրանից հետո թողարկված տարբերակները`«Մի շնչով»-ը, «Այլ կերպիկ»-ը, «Այլ կերպի հավելված»-ն ու «Զիլ Զառ»-ը ոչնչով չեն զիջում նրան:

«Մի շնչով»-ը ևս պարունակում է 301 հիմնական խաղաքարտ, ինչպես նաև` 52 լրացուցիչ: Ինչու «Մի շնչով», որովհետև խաղի մաս կազմող ավազե ժամացույցը հարցին պատասխանելու համար տալիս է ընդամենը 7 վայրկյան ժամանակ:

Ի դեպ, «Այլ կերպ»-ի, «Մի շնչով»-ի ու «Զիլ Զառ»-ի խաղաքարտերի քանակը` 301, պատահական չի ընտրվել. այն նշանավորում է Հայաստանում Քրիստոնեության ընդունման տարեթիվը:

Հատուկ հայերեն տարբերակով ինտելեկտուալ խաղերի ստեղծման նպատակով հիմնված «Այլկերպ» ՍՊԸ-ն բոլորովին վերջերս թողարկել է ևս մեկ խաղ` «Զիլ Զառ»-ը` կրկին 301 հիմնական ու 77 հատուկ խաղաքարտերով: Վերջինը վաճառքում կլինի ապրիլի 26-ից:
Հայերեն լեզվով ստեղծված ինտելեկտուալ խաղերը ներկայացված են ոչ միայն Երևանի տարբեր գրախանութներում ու խաղալիքների խանութներում, դրանք հնարավոր է ձեռք բերել նաև Գլենդելում ու Մոսկվայում:

Լիլիթ ՊՈՂՈՍՅԱՆ

Լրահոս
Ավելացել են Հայաստանի առևտրաշրջանառության, արտահանման և ներմուծման ծավալները Էրդողանը Թուրքիայի՝ Եվրոպա տանող ճանապարհին «մեծ քար» դրեց. Շավարշ Քոչարյան Որևէ մեկը իրավասու չէ Արցախի փոխարեն որոշել առնվազն երկու հարց. Քոչարյան Հայաստանի փողի բազան ավելացել է շուրջ 68 միլիարդ դրամով Օդեսայում ՀՀ գլխավոր հյուպատոսը Ցեղասպանության 102-րդ տարելիցի առնչությամբ հարցազրույց է տվել տեղական լրատվամիջոցներին «Ելք» դաշինքը նախընտրական քարոզարշավը շարունակել է Դավիթաշեն վարչական շրջանում Արգենտինայի Ռոսարիո քաղաքի Հիշողության թանգարանում Հայոց ցեղասպանությանը նվիրված մաս է հատկացվել Վահրամ Խուդոյանը ոչ պրոֆեսիոնալ մարզիկների օլիմպիական խաղերի հաղթող Տաքսի ծառայություն մատուցող բոլոր մեքենաները պետք է լիցենզավորվեն. Վահան Մարտիրոսյան Սփյուռքի նախարարությունում Ուդմուրտիայի հայ համայնքի ներկայացուցիչների հետ տեսաժողով է կայացել Այսօրվա հակամարտությունների բացարձակ մեծամասնությունն անհնար է լուծել զենքի միջոցով. Վիգեն Սարգսյան Մոսկվայում ընթանում է Հայ-ռուսական ռազմարդյունաբերական համաժողովը Ագաթանգեղոս-Արշակունյաց-Գր. Լուսավորիչ խաչմերուկում ապրիլի 29-ից կկատարվի երթևեկության կազմակերպման փոփոխություն Վիգեն Սարգսյանը Մոսկվայում հանդիպել է ՌԴ-ում սովորող հայ ուսանողների հետ Տիգրան Մանսուրյանը պարգևատրվեց սփյուռքի նախարարության ոսկե հուշամեդալով Երևանը վերակառուցելու համար պետք է ունենալ հստակ քաղաքականություն. Զարուհի Փոստանջյան Կառավարությունում քննարկվել են Հայաստանի տարածքային զարգացման հիմնադրամի 2017 թ. ծրագրերը Պատժամիջոցներից Արեւմուտքի կորուստները կազմել են 100 մլրդ դոլար. ՄԱԿ-ի հատուկ զեկույց Գերմանիայի ԱԳ նախարարն առաջարկել է դյուրացնել վիզային ռեժիմը թուրք ընդդիմադիրների համար Թուրքիայի ԶՈՒ-ն հայտնել է Սիրիայի քրդերի դիրքերին հարվածելու մասին Freedom House-ն Ադրբեջանին կրկին դասել է ամենաանազատ երկրների շարքը Բակո Սահակյանն ընդունել է Հայաստանի պետական տնտեսագիտական համալսարանի ռեկտորին Սերժ Սարգսյանն ընդունել է Լիբանանի պետնախարար Միշել Պիեռ Ֆարաոնին Գյումրու բժշկական կենտրոնը համալրվել է աչքի հետազոտության ժամանակակից սարքավորումով ՀՀ գյուղնախարարն ընդունել է Եվրասիական թռչնաբույծների ասոցիացիայի նախագահին Աղվան Հովսեփյանը Սանկտ Պետերբուրգում առանձնազրույցներ է ունեցել ՌԴ և ԲՀ քննչական կոմիտեների նախագահների հետ Գերմանիայում Հայաստանի դեսպանը հարցազրույց է տվել գերմանական Тagesspiegel պարբերականին Մեջլիսի հայ պատգամավոր Սելինա Դողանին վիրավորած անձը մեղավոր է ճանաչվել, սակայն չի պատժվել Արցախում զոհված հայ զինծառայողը հետմահու պարգեւատրվել է «Մարտական ծառայություն» մեդալով Վարակված տիզը կարող է դառնալ մարդու մահվան պատճառ, իսկ հումակեր շունը` էխինակոկի աղբյուր Կարեն Կարապետյանն ընդունել է Չեխիայի առողջապահության նախարարության պատվիրակությանը Ճապոնիայում հրաբուխն ավելի քան 3 հազար մետր բարձրությամբ մոխրի սյուն է արտանետել Հայաստանի խոշոր հարկ վճարողների հասույթն աճել է 18,4 տոկոսով Վաչե Գաբրիելյանի գլխավորած պատվիրակությունը մասնակցել է Եվրասիական տնտեսական խորհրդի նիստին Իսպանիայի Վիյենա քաղաքը պաշտոնապես ճանաչում և դատապարտում է Հայոց ցեղասպանությունը Գյուղացիներին այս տարի ևս դիզվառելիքը կտրամադրվի 1 լիտրը 280 դրամով ԵԽԽՎ-ն Պեդրո Ագրամունտին վեհաժողովի նախագահի պաշտոնից հեռացնելու համար կփոխի կանոնակարգը Փաստաբան Տիգրան Աթանեսյանի հաղորդման հիման վրա հարուցվել է քրեական գործ Զինադադարի խախտում իրականացնելով Ադրբեջանը վտանգել է բանակցային գործընթացը. Տիգրան Բալայան Մակրոնը մեծացնում Է հաղթելու շանսերը Ֆրանսիայի նախագահի ընտրությունների երկրորդ փուլում. OpinionWay
Խմբագրի ընտրություն
website by Sargssyan