AM | RU
USD
EUR
RUB

Ալեքսանդր Լևիտասն իր փորձը կբերի Հայաստան. «Չոր մարքեթինգ»-ում նոր պրակտիկա է ձևավորվում

Ամբողջ աշխարհում լայն տարածում ստացած կրթության ոչ ֆորմալ ձևաչափը վերջին տարիներին սկսել է զարգանալ նաև Հայաստանում: Հետզհետե ավելանում է ոչ ֆորմալ կրթություն ստանալ ցանկացողների թիվը: Դրանք հիմնականում այն մարդիկ են, ովքեր գիտակցում են, որ ժամանակակից աշխարհում բուհական կրթությամբ բավարարվող մասնագետը չի կարող պահանջված լինել երկար ժամանակ: Ոչ ֆորմալ կրթությունը կարևորողների մյուս մասը տնտեսության հետ անմիջկանորեն առնչվող մարդիկ են` գործարարները: Շուկայական մրցակցությանը դիմանալու համար գործարարը նախ` պետք է ճանաչի շուկան ու սպառողի պահանջմունքները, հետո` փորձի բավարարել դրանք: Այդ և գործունեության ընթացքում ծագող այլ հարցեր տարեկան շուրջ 600 հայ գործարարներ փորձում են լուծել «Չոր մարքեթինգ» կուրսի օգնությամբ: Այս կուրսի ու համանուն գրքի հեղինակ Վահրամ Միրաքյանի հետ Times.am-ի զրույցը` ստորև.

- Ինչպե՞ս է ծագել «Չոր մարքեթինգ» կուրսի գաղափարը:

Սեմինարը ծնվեց «Չոր մարքեթինգ» գրքից: Այն մեծ հետաքրքրություն առաջացրեց գործարարների մոտ և զգացի, որ սեմինարների պահանջարկ կա, ու մեկ-երկու փորձնական դասընթացից հետո սկսեցինք պարբերաբար կազմակերպել: Ու հիմա արդեն ունենք հստակ պարբերականությամբ, մեկ-մեկուկես ամիս տևողությամբ գործող կուրսեր, որոնց մասնակցում են գործարարներ ինչպես Երևանից, այնպես էլ մարզերից ու Արցախից: Բիզնեսը զարգացնելու համար ներդրումներից ավելի կարևոր է ճիշտ մարքեթինգը: Մենք ժամանակի ընթացքում ստեղծել ենք, այսպես ասած, մի կառույց, որը նման է մարքեթինգային դպրոցի, այսինքն` տեսնում ենք, թե ինչ խնդիր կա շուկայում և փորձում ենք գտնել լուծումները: Ոչ ֆորմալ կրթությունն, առհասարակ, արագ փոփոխությունների հնարավորություն է տալիս, ինչը հնարավոր չէ իրականացնել բուհական համակարգում:

- Ի՞նչ է տալիս կուրսը գործարարին:

-Մեր նպատակը մարքեթինգային տարբեր գործիքների միջոցով բիզնեսը զարգացնելն է, այսինքն` վաճառքների ծավալը մեծացնելը: Ավելի լավ պատկերացնելու համար, երևի, վիճակագրություն ներկայացնեմ: Անցած տարին ամփոփելով` ստացել ենք հետևյալ պատկերը. մասնակիցների 92 տոկոսի մոտ արձանագրվել է դրական աճ: Մեկի մոտ կարող է 5 տոկոս է կազմել աճը, մյուսի մոտ` 50, բայց, միջին հաշվով, 20 տոկոս աճ է գրանցվել: Աճը կարող է պայմանավորված լինել տարբեր գործոններով. մարքեթինգային ամենատարբեր գործիքների կիրառմամբ, գործարար կապերի հաստատմամբ և այլն: Վերջինը շատ կարևոր է, և կուրսի մասնակիցները ստանում են այդ հնարավորությունը`այն ավարտելուց հետո դառնալով «Չոր մարքեթինգ» ակումբի անդամ»: Դա մի հարթակ է, որտեղ ներառված են տարբեր ոլորտների գործարարներ: Նրանք միմյանց օգնում են` թե´ իրար հարթակ տրամադրելով, թե´ կիսվելով իրենց փորձով: Ներկայումս ակումբն ունի 350 գործարար-անդամ` տարբեր ոլորտներից:

- Ի՞նչ նորություններ են սպասվում «Չոր մարքեթինգ» կուրսի մասնակիցներին առաջիկայում:

-Հիմա ուզում ենք նոր պրակտիկա ձևավորել` հրավիրել արտասահմանյան մասնագետների, ովքեր իրենց գիտելիքներն ու փորձը կբերեն այստեղ: Առաջին հադիպումը նախատեսվում է Ռուսաստանում և Իսրայելում պարտիզանական մարքեթինգի ամենահայտնի մասնագետ, մի քանի բեսթսելլերների հեղինակ Ալեքսանդր Լևիտասի հետ:

- Որո՞նք են Հայաստանում գործարարությանը խոչընդոտող հիմնական գործոնները:

-Տնտեսության հիմքը գործարարներն են: «Google»-ը, «Apple»-ը, «Facebook»-ը աշխարհը գրավել են, որովհետև պայմաններ են ստեղծվել դրանց զարգացման համար: Հայաստանում չկան նման պայմաններ: Բիզնեսի զարգացման կարևոր նախապայմաններից մեկը` առողջ մրցակցությունը, բացակայում է: Ավելին` ջերմոցային պայմաններ են ստեղծված այն գործարարների համար, ովքեր կամ պաշտոն են զբաղեցնում կամ էլ ունեն հովանավոր պաշտոնյաներ: Նման ձևով առաջ գնացող բիզնեսը չի կարող երկար կյանք ունենալ: Իսկ արդար գործարարը անհավասար մրցակցային պայմաններում տուժում է: Բացի դրանից, կա ևս մեկ կարևոր խնդիր, որը նոր չի ծագել և ունի իր սուբյեկտիվ և օբյեկտիվ հիմնավորումները: Խոսքը հասարակության մեջ գործարարի հանդեպ ձևավորված բացասական վերաբերմունքի մասին է: Այն կարծատիպը, որ եթե գործարար է, ուրեմն պետք է խաբի, դեռևս խորհրդային տարիներին է ձևավորվել: Ճիշտ է` կան մարդիկ, ովքեր խաբում են, բայց դա չի նշանակում, թե բոլորն են այդպես: Մեր գլխավոր խնդիրը հենց գործարարների հանդեպ ճիշտ վերաբերմունք ու պայմաններ ստեղծելն է:

Հավատացեք, եթե գործածարության զարգացման համար պայմաններ ստեղծվեն, ապա մեր տնտեսությունը արագ տեմպերով կզարգանա: իսկ տնտեսության զարգացումը ենթադրում է նաև բնակչության կենսամակարդակի բարձրացում:

Հարցազրույցը` Լիլիթ ՊՈՂՈՍՅԱՆԻ

Լրահոս
Սիրահայերի շինարարական կազմակերպությունը կսկսի Հայաստանում իր երկրորդ շենքի կառուցումը Բեռլինի օդանավակայանը տարհանվել է կասկածելի առարկայի պատճառով Մաշտոց-Սարյան խաչմերուկում 4 ավտոմեքենա է բախվել, մեկը կողաշրջվել է ՀՀ ԱԺ նախագահ Արա Բաբլոյանն ընդունել է Հայաստանում ԱՄՆ դեսպանին Վլադիմիր Գասպարյանն արդյունավետ է գնահատել ՀՀ ոստիկանության և ՌԴ ՆԳՆ Միավորված կոլեգիայի աշխատանքը Ապրիլյան հերոսի հարազատները շարունակում են նրա կիսատ թողած գործը. ցուցադրվեցին Արամայիս Միքայելյանի քանդակները ՊՊԾ գնդի գործով 15 ամբաստանյալներ 10 ժամով հեռացվեցին դատական նիստերի դահլիճից Փաստաբանների պալատի նախագահը դիմել է ՄԻՊ-ին Վարչապետն ընդունել է Կորեայի Ջեոլաբուկ-դո նահանգի պատվիրակությանը ԻԻՀ-ում ՀՀ դեսպան Արտաշես Թումանյանն այցելել է Իրանի Գոլեսթան նահանգ Հնդկաստանի նախագահ է դարձել Ռամ Նաթ Քովինդը Առաջին բանակային զորամիավորումում անցկացվել է հրամանատարական հավաք Արցախի ՊԲ մի խումբ սպաներ մասնակցել են ԿԽՄԿ սեմինար-պարապմունքներին Յագլանդը Թուրքիայի վարչապետին իր մտահոգությունն է հայտնել իրավապաշտպանների կալանավորման առնչությամբ Արցախի խորհրդարանը քննարկել է արտահերթ նստաշրջան գումարելու հարցը Հրետանին մարտունակ է, պատրաստ առաջադրանքների կատարմանը «Աստանա Էքսպո 2017» միջազգային ցուցահանդեսում օգոստոսի 16-ին կանցկացվի Հայաստանի ազգային օր Լևոն Մնացականյանը կոչ է արել վառոդը միշտ չոր պահել Դոմիկից տուն. Գյումրիում բազմանդամ ընտանիքը տուն կստանա Քաղաքագետը կարևորում է հայ-ռուսական հարաբերություններում Սերժ Սարգսյանի մոտեցումը «Հայաստան» գրությամբ շապիկով իրանցի զբոսաշրջիկն իրարանցում է առաջացրել Բաքվում Նախագահին աշխատանքի և սոցիալական հարցերի նախարարը զեկուցել է ոլորտում իրականացվող բարեփոխումների մասին Մատենադարանը վերակազմավորվում է հիմնադրամի Հայաստանն էլեկտրոնային առողջապահության համակարգը կոնցեսիոն կառավարման է հանձնում մասնավորին Կառավարության աջակցությամբ Երասխում կիրականացվի ինտենսիվ այգիների կառուցման ներդրումային ծրագիր Մոլդովայի արտգործնախարարը հայ-մոլդովական կապերի ընդլայնման հույս է հայտնել Աշոտ Ղուլյանն ամերիկահայ երիտասարդների հետ քննարկել է Արցախ-Սփյուռք կապերը Դոնբասում զոհվել է 9 և վիրավորվել 5 ուկրաինացի զինվորական Արաբական երկրները հայտնել են Կատարին ներկայացվող պահանջների ցուցակը Կարեն Կարապետյանը Պետգույքի կառավարման վարչությունից ակնկալում է գումարների ինտենսիվ մուտք Մարզերում գծատերեր այլևս չեն լինի. Վահան Մարտիրոսյան Աշխատանքի և սոցիալական հարցերի նախարարը ՀՀ Նախագահին զեկուցել է ոլորտում իրականացվող բարեփոխումների մասին Հայաստանում արևային համակարգային կայանների կառուցման նկատմամբ հետաքրքրությունն ավելանում է Հոգեբան Ռուբեն Պողոսյանի մահվան հանգամանքները պարզելու համար քննություն է տարվում Համաքայլ լինելու և միասին հարցեր լուծելու անհրաժեշտությունը կա. Վահրամ Բալայան ՀՀ վարչապետը հանձնարարել է հստակեցնել պետական մարմինների կողմից լիցենզիաների և այլ փաստաթղթերի տրամադրման գործընթացը ՍԱՊԾ-ն ուսումնասիրություններ է կատարում կաթնամթերք վերամշակող և պաղպաղակ արտադրող ընկերություններում Լոքյանը կառավարությունից ՀՅԴ-ի դուրս գալու լուրերը համարում է հնարված սուտ Քուվեյթը վտարում է 15 իրանցի դիվանագետների Ռուսաստանն Իրաքին տանկեր կվաճառի
Խմբագրի ընտրություն
website by Sargssyan