Գյուղացիներին այս տարի ևս դիզվառելիքը կտրամադրվի 1 լիտրը 280 դրամով

Գյուղացիներին այս տարի դիզելային վառելանյութը կտրամադրվի 1 լիտրը 280 դրամով, ինչպես եւ նախորդ տարի էր: «Արմենպրես»-ի հաղորդմամբ լրագրողների հետ հանդիպմանը ՀՀ գյուղատնտեսության փոխնախարար Աշոտ Հարությունյանն ասաց, որ այժմ ընթանում են գյուղացիներին սերմերի եւ պարարտանյութի մատակարարման աշխատանքները:

«Համայնքների մեծ մասին արդեն իսկ 13200 տոննա պարարտանյութը բաժանվել է, եւ մենք հուսով ենք, որ մինչեւ մայիսի առաջին տասնօրյակը հողօգտագործողի պահանջարկն ամբողջությամբ կապահովվի»,- հավելեց Հարությունյանը:

Պարարտանյութի գնման մրցույթին մասնակցած 19 ընկերությունից ամենացածր գինն առաջարկել են 3-ը՝ հայաստանյան «Մասիսի բերրիություն», ռուսական «Դոնսկոյ ագրոխիմ» և իրանական «Բարան գրուպ» ընկերությունները:

Դիզելային վառելիքի գնման մրցույթին մասնակցել է 2 տեղական կազմակերպություն՝ «Ֆլեշը» և «Մաքս հուրը»:

Հետևեք մեզ նաև Telegram-ում