«Հրապարակ». Կարամելի Հարութը գնացել է ԿԸՀ և խնդրել, որ հետ վերցնեն մանդատը

«Ծառուկյան դաշինքի» ինքնաբացարկների թեմայով մանրամասներ են ի հայտ գալիս։ Լավատեղյակ աղբյուրը պատմում է, որ ԿԸՀ-ի ժամը 15։00-ի նիստից հետո, երբ բոլոր «ընդվզողները» գնացել ու հետ են վերցրել իրենց դիմումները, ժամը 17-ի սահմաններում Հարություն Կարագյոզյանը՝ Կարամելի Հարութը, կրկին գնացել է ԿԸՀ և խնդրել, որ հետ վերցնեն իր մանդատը՝ ուժի մեջ թողնելով ինքնաբացարկի դիմումը։ Սակայն ԿԸՀ-ում նրան պատասխանել են, որ արձանագրությունն արդեն կազմված է, մանդատն արդեն հանձնվել է, և դրանից հրաժարվելը հիմա այլ ընթացակարգ է ենթադրում՝ ԱԺ նիստի ժամանակ դիմում, ապա 15 օր անց դիմումը հաստատել և այլն։ Այս մասին գրել է «Հրապարակ»-ը:

Հ․ Ղարագյոզյանը երեկ չի պատասխանել թերթի զանգերին, բայց ԿԸՀ-ից հաստատել են տեղեկությունը և ասել, որ, իրոք, Ղարագյոզյանն ավելի ուշ այցելել է հանձնաժողով և ճշտել մանդատից հրաժարվելու կարգը։

Հետևեք մեզ նաև Telegram-ում