ԱՄՆ-ի Կոնգրեսում պահանջել են հետաքննություն անցկացնել Թրամփի նկատմամբ

ԱՄՆ-ի Կոնգրեսում պահանջել են հետաքննություն անցկացնել Թրամփի նկատմամբ

ԱՄՆ-ի Կոնգրեսի Ներկայացուցիչների պալատի հսկողության եւ պետական բարեփոխման կոմիտեի, ինչպես նաեւ ստորին պալատի իրավաբանական կոմիտեի բոլոր 33 դեմոկրատները մայիսի 16-ին հանդես են եկել երկրի նախագահ Դոնալդ Թրամփի, արդարադատության նախարար, գլխավոր դատախազ Ջեֆ Սեշնսի եւ Վաշինգտոնի վարչակազմի բարձրաստիճան պաշտոնատար անձանց նկատմամբ հետաքննություն վարելու օգտին: Այս մասին, ինչպես տեղեկացնում է «Արմենպրես»-ը, ասված է հրապարակված նամակում, որն ուղարկվել է երկու կոմիտեների հանրապետական նախագահներին: 

Դեմոկրատները նրանց կոչ են արել «անհապաղ հետաքննություն սկսել եւ պարզել, թե Թրամփը եւ նրա վարչակազմի բարձրաստիճան պաշտոնատար անձինք մասնակցում են արդյոք այն հետաքննությանը խոչընդոտելու դավադրությանը», որն ԱՄՆ-ի Հետաքննությունների համապետական բյուրոն, արդարադատության նախարարությունը եւ Կոնգրեսը վարում են «նրա (Թրամփի) նախագահական ընտրարշավի անդամների եւ ռուս պաշտոնատարների հետ նրանց շփումների նկատմամբ», հաղորդել է ՏԱՍՍ-ը:

Հետևեք մեզ նաև Telegram-ում