«Հրապարակ». ՍԱՍ-ի Արտակը գտել է ընտրություններին ծախսած գումարը հետ բերելու ձևը

«Հրապարակ». ՍԱՍ-ի Արտակը գտել է ընտրություններին ծախսած գումարը հետ բերելու ձևը

«Հրապարակ»-ում կարդում ենք. «ՍԱՍ-ի Արտակը գտել է ընտրություններին ծախսած գումարը հետ բերելու ձևը: Ազգային ժողովում ձկան պես լուռ այս պատգամավորը գործարարի «լավ նյուխ» ունի։ Դեռևս 2015թ․ նա Արշակունյաց պողոտայի վրա բացեց «SAS food court» սննդի կենտրոնը, որը կարճ ժամանակում բավական հայտնի դարձավ։ Օրվա որ ժամին մտնեք, միշտ լեփ-լեցուն է։

Սուպերմարկետներ, հագուստի խանութներ ունեցող Արտակ Սարգսյանը հասկացավ, որ հարկավոր է ներդրում անել սննդի կետում, որը կարճ ժամանակում մեծ գումար կբերի։ Ուստի վերջերս երկրորդ նման կետն է բացել․ Կոմիտասում՝ «ՍԱՍ» սուպերմարկետի մոտ գտնվող «SAS home»-ը դարձրել է food court։ Տնային թանկարժեք ապրանքներն այդքան հեշտ չէին վաճառվում, իսկ սննդի կետով շուտ և շատ գումար կաշխատի։

Ի դեպ, 2017թ. հունվար-մարտ ամիսներին, 2016թ. հունվար-մարտի համեմատ, «ՍԱՍ գրուպը» կրկնակի ավելացրել է հարկերը՝ հասցնելով 424 մլն․ դրամի։ Սա էլ թերևս ՊԵԿ ստուգումների արդյունքն է՝ ստիպված է ստվերից դուրս բերել բիզնեսի որոշ մասը»։

Հետևեք մեզ նաև Telegram-ում