Իրանի նախագահի ընտրությունները կարեւոր իրադարձություն Է առանձնահատուկ տարածաշրջանում. Զարիֆ

Իրանի արտաքին գործերի նախարար Մոհամադ Ջավադ Զարիֆը հայտարարել Է, որ երկրի նախագահի ընտրությունները կարեւորագույն իրադարձություններից մեկն Է Մերձավոր Արեւելքի կյանքում, տեղեկացնում Է «Արմենպրես»-ը:

«Իրանում ժողովրդի համատարած մասնակցությամբ նախագահական ընտրությունների հանդիսավոր անցկացումը կարեւոր իրադարձություններից մեկն Է առանձնահատուկ տարածաշրջանում, որտեղ գտնվում Է Իրանը»,-նախարարի խոսքը մեջբերում Է ISNA գործակալությունը:

Իրանի ԱԳ նախարարը նշել Է, որ Պահապանների խորհրդի հետ համագործակցությամբ, որի գործառույթներից մեկն ընտրություններում թեկնածությունների հաստատումն Է, ինչպես նաեւ բուն ընտրություններին հետեւելը, արտաքին գործերի նախարարությանը հաջողվել Է նախագահի ընտրությունները կազմակերպել աշխարհի 102 երկրներում:

Զարիֆի խոսքով՝ արտասահմանում ընտրությունները կազմակերպվել են Ասիայի 41, Եվրոպայի 26 երկրներում, ամերիկյան մայրցամաքի 12, Աֆրիկայի՝ 22 երկրներում:

Նախագահի թեկնածուները չորս են՝ գործող նախագահ Հասան Ռոուհանին, այաթոլլա Էբրահիմ Ռայիսին, նախկին փոխնախագահ Մոստաֆա Հաշեմի-Թաբան եւ պահպանողականներից թեկնածու Մոստաֆա Աղա-Միրսալիմը: Եթե նրանցից ոչ ոք առաջին փուլում չհավաքի 50 տոկոսից ավելի ձայն, մեկ շաբաթ անց կկայանա երկրորդ փուլը այն երկու թեկնածուների մասնակցությամբ, որոնք առավել մեծ թվով ձայներն են հավաքել:

Բոլոր չորս թեկնածուներն արդեն քվեարկել են, հաղորդել Է ՌԻԱ Նովոստին: