Պուտինը պահանջել է արագացնել գերծանր հրթիռի մշակման աշխատանքները

Ռուսաստանի նախագահ Վլադիմիր Պուտինը խնդիր է դրել արագացնել գերծանր հրթիռի մշակման աշխատանքները: Այդ մասին տեղեկացրել է ՌԴ առաջին փոխվարչապետ Դմիտրի Ռոգոզինը՝ ներկայացնելով տեղի ունեցած խորհրդակցության արդյունքները:

«Խոսակցությունն ընթացել է նաև լուրջ հեռանկարների՝ գերծանր հրթիռի ստեղծման հեռանկարների մասին: Նախագահը խնդիր է դրել Ռոսկոսմոսի առջև ապահովել այդ աշխատանքների արագացումը՝ այն բոլոր տեխնոլոգիաների մշակման հաշվին, որոնք ներկայացվել են գլխավոր կոնստրուկտորների կողմից»,- ինչպես փոխանցում է «Արմենպրես»-ը, վկայակոչելով ՏԱՍՍ-ը, ասել է Ռոգոզինը: