Խորհրդարանում մեկնարկել է կառավարության հրավիրած արտահերթ նիստը. ՈՒՂԻՂ

Ազգային ժողովում մեկնարկել է ՀՀ կառավարության հրավիրած արտահերթ նիստը: Ինչպես հաղորդում է «Արմենպրես»-ը, գրանցվել է 90 պատգամավոր:

Նիստի օրակարգում ներառված է 5 օրենսդրական նախաձեռնություն:

Արտահերթ նիստի ընթացքում պատգամավորները կքննարկեն կառավարության ներկայացրած «Պետական պաշտոններ զբաղեցրած անձանց սոցիալական երաշխիքների մասին» Հայաստանի Հանրապետության օրենքում փոփոխություն կատարելու մասին օրենքի նախագիծը և հարակից նախագծերի փաթեթը:

Այնուհետև խորհրդարանը կքննարկի Հեռուստատեսության եւ ռադիոյի մասին» Հայաստանի Հանրապետության օրենքում փոփոխություններ եւ լրացում կատարելու մասին օրենքի նախագիծը:

Պատգամավորները հաջորդիվ կանդրադառնան «Միջազգային պայմանագրերի մասին» Հայաստանի Հանրապետության օրենքում փոփոխություններ եւ լրացումներ կատարելու մասին օրենքի նախագծի քննարկմանը:

Օրակարգի 4-րդ հարցով պատգամավորները կքննարկեն «Իրավական ակտերի մասին» Հայաստանի Հանրապետության օրենքում փոփոխություն կատարելու մասին օրենսդրական նախաձեռնությունը:

Օրակարգի վերջին հարցով էլ խորհրդարանը կքննարկի «Պետական պաշտոններ զբաղեցնող անձանց վարձատրության մասին» Հայաստանի Հանրապետության օրենքում փոփոխություններ կատարելու մասին օրենքի նախագիծը և հարակից նախագծերի փաթեթը:

Հետևեք մեզ նաև Telegram-ում