Մակրոնի կողմնակիցները հաղթել են Ազգային ժողովի՝ Ֆրանսիայից դուրս անցկացված վաղաժամկետ ընտրություններում
Նմանատիպ
«Առաջ, հանրապետություն» նախագահական շարժումից թեկնածուները հաղթանակ են տարել Ազգային ժողովի՝ Ֆրանսիայի սահմաններից դուրս 11 ընտրատարածքներում անցկացված ընտրությունների առաջին փուլում: Նրանք առաջատարն են դրանցից տասում: Այդ մասին վկայում են հանրապետության ԱԳ նախարարության հրապարակած տվյալները: Արտերկրում քվեարկության առաջին փուլը հունիսի 3-4-ը տեղի Է ունեցել 11 ընտրատարածքում: Արտասահմանում ապրող Ֆրանսիայի քաղաքացիները կարող Էին քվեարկել 717 ընտրական տեղամասերում: Երկրի ԱԳ նախարարության տեղեկատվության համաձայն՝ ընտրություններին մասնակցությունը կազմել Է 19,1 տոկոս:
Արտերկրում ընտրությունների երկրորդ փուլը պլանավորված Է հունիսի 18-ին: Ֆրանսիայում Ազգային ժողովի ընտրությունները նշանակված են հունիսի 11-ին եւ 18-ին: Խորհրդարանն ընտրվում Է մեծամասնական համակարգով. բոլոր կուսակցություններից եւ ընտրադաշինքներից թեկնածուները պայքարում են 577 միամանդատ ընտրատարածքներում: Քվեարկության արդյունքից կախված կլինի այն, թե Ֆրանսիայի նորընտիր նախագահ Էմանուել Մակրոնը կկարողանա արդյոք առաջիկա հինգ տարում ունենալ սեփական խորհրդարանական մեծամասնությունը, որի կազմած կառավարությունն ընդունակ կլինի իրագործել նրա քաղաքական ծրագիրը: Հասարակական կարծիքի բազմաթիվ հարցումների համաձայն, «Առաջ, հանրապետություն» շարժումը Ազգային ժողովի ընտրությունների առաջին փուլում կարող Է ստանալ ձայների բացարձակ մեծամասնությունը՝ առաջ անցնելով մնացած քաղաքական կուսակցություններից: Այսպես, օրինակ, Opinionway-ի հարցման տվյալներով, որն անցկացվել Է մայիսի 30-ից մինչեւ հունիսի 1-ը, «Առաջ, հանրապետությունը», որը հանդես Է գալիս «Դեմոկրատական շարժում» կուսակցության հետ համատեղ, առաջին փուլում կհավաքի ձայների 29 տոկոսը: «Հանրապետականներ» եւ «Դեմոկրատների եւ անկախների միություն» կուսակցությունների կոալիցիայից աջ կենտրոնամետները կարող են ստանալ ձայների 20 տոկոսը, իսկ «Ազգային ճակատից» թեկնածուները՝ ձայների 18 տոկոսը: Առաջատարների այս խմբին հաջորդում են Ժան Լյուկ Մելանշոնի «Ըմբոստ Ֆրանսիա» շարժումից թեկնածուները, Ֆրանսիայի Սոցիալիստական կուսակցությունը, Ձախ արմատական կուսակցությունը եւ ուրիշներ, հաղորդել Է ՏԱՍՍ գործակալությունը:
Հետևեք մեզ նաև Telegram-ում