Հայաստանը բիզնեսի համար լավագույն երկրների ցուցակում առաջ է անցել Ռուսաստանից ու Ադրբեջանից

«Եվրոպական պալատ»-ը (European Chamber) հրապարակել է 2017 թվականին գործարարության համար լավագույն եվրոպական երկրների ցուցակը, որում Հայաստանը 46 երկրի շարքում զբաղեցրել է 39-րդ հորիզոնականը: Ինչպես հաղորդում է «Արմենպրես»-ը, «Եվրոպական պալատ»-ը գործարար միջավայրի տեսանկյունից երկրները գնահատում է 0-100-ն ընկած բալերի միջակայքում, որտեղ 0-ն համարվում է ամենավատ ցուցանիշը, իսկ 100-ը՝ ամենալավը: Ուսումնասիրությունն իրականացվում է՝ հիմնվելով Համաշխարհային բանկի և «Թրանսփարենսի ինթերնեյշնլ» կազմակերպության ինդեքսների վրա:

Գործարար միջավայր ապահովող լավագույն եվրոպական երկրների եռյակում են հայտնվել Դանիան, Շվեդիան և Ֆինլանդիան:

Հայաստանի հարևան Վրաստանը 18-րդ հորիզոնականում է, Թուրքիան՝ 37-րդ, Ադրբեջանը՝ 45-րդ: Ցուցակը եզրափակում են Ռուսաստանը, Ադրբեջանն ու Ուկրաինան: