Երևանի Թիվ 1 տուն-ինտերնատի որոշ աշխատակիցներ նկատողություն են ստացել
16/06/2017 15:09
Նմանատիպ
Տարեցների նկատմամբ վատ վերաբերմունքի համար Երևանի Թիվ 1 տուն-ինտերնատի որոշ աշխատակիցներ նկատողություն են ստացել: Այս մասին նշեց Թիվ 1 տուն-ինտերնատի տնօրենի ժամանակավոր պաշտոնակատար Վահան Զուրաբյանը:
«Տարեցների նկատմամբ վերաբերմունքի մասով կարող եմ ասել, որ նկատել եմ վատ վերաբերմունք աշխատողների կողմից: Ես համապատասխան քայլեր եմ ձեռնարկել, մասնավորապես, նկատողություն եմ տվել: Չի բացառվում, որ տարեցներն աշխատակցին հունից հանել են, սակայն այդ պատճառաբանությունն ինձ համար ընդունելի չէ: Ցանկացած դեպքում տարեցներին պետք է վերաբերվել հոգատարությամբ ու խնամքով»,-ասաց Վահան Զուրաբյանը:
Վահան Զուրաբյանը տեղեկացրեց, որ լինում են դեպքեր, երբ տարեցներն են միմյանց ծեծում: Այդ դեպքում նրանց հետ առանձին աշխատում են սոցիալական աշխատողները, հոգեբանները:
Հետևեք մեզ նաև Telegram-ում