«Իրավունք». Վարդան Ղուկասյան. Գյումրեցին այն մարդն է, որ եթե նրա նկատմամբ մի ոտնձգություն անես, քաղաքից քեզ կվռնդեն
Նմանատիպ
Ծառուկյան դաշինքի պատգամավոր, Գյումրու նախկին քաղաքապետ Վարդան Ղուկասյանը ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովում խոսել է գյուղերին և քաղաքներին տրվող սուղ ֆինանսական միջոցների մասին, որոնցով հնարավոր չէ լուծել գյուղի կան քաղաքի խնդիրները: «Դա խայտառակություն է»,- ասել է Վարդան Ղուկասյանը:
«Իրավունք»-ը Գյումրու նախկին քաղաքապետից հետաքրքրվել է՝ եթե գյուղերի ու քաղաքների խնդիրների լուծման համար հատակցվող միջոցները քիչ են, ինչպես են որոշ գյուղապետներ ու քաղաքապետներ մեծ ունեցվածք դիզել: «Էդ գնա, իրենց հարցրա: Դրանց նկատմամբ պետք է հասարակությունն ու դատաիրավական ոլորտն իր վերաբերմունքը հայտնի»,- ասել է նախկին քաղաքապետը:
Թերթը նախկին քաղաքապետին հիշեցրել է, որ տարբեր լրատվամիջոցներ ժամանակին հրապարակումներ են արել Վարդան Ղուկասյանի ունեցվածքի մասին: Հարցը դուր չի եկել պատգամավորին: Վերջինս, ինչպես միշտ, իր ուրույն ձևով սկսել է քննադատել մամուլին, ասելով, որ պատվերներ են կատարել՝ փող են վերցրել, իր դեմ նյութեր գրել: «Գյումրեցին այն մարդն է, որ եթե նրա նկատմամբ մի ոտնձգություն անես, քաղաքից քեզ կվռնդեն»,- ասել և հեռացել է պատգամավորը:
Հետևեք մեզ նաև Telegram-ում