Վերանորոգվում է Ստեփանակերտի մշակույթի և երիտասարդության պալատի դահլիճը
Նմանատիպ
Ստեփանակերտի մշակույթի և երիտասարդության պալատի համերգային դահլիճում վերանորոգման-վերակառուցման աշխատանքները սկսվել են ընթացիկ ամսվա սկզբին:
Շինհրապարակում այժմ աշխատանքների առաջին փուլն է ընթացքի մեջ: Քանդմանը զուգահեռ կատարվում է մասնակի ձևափոխում: Նախագծի համաձայն, վերափոխվելու է համերգասրահի բեմահարթակը, տեղադրվելու են նոր լուսաձայնային էֆեկտներ: Դահլիճից հանվել են նստարանները, հինջեռուցման համակարգերը: Ծրագրով նախատեսված 400 տեղանոց դահլիճը կհամալրվի նոր, ժամանակակից նստելատեղերով: Իսկ ահա ջեռուցումը կիրականացվի օդային ջեռուցիչ համակարգով:
Նախագիծը համաձայնեցվել է Մշակույթի և երիտասարդության հարցերի նախարարության հետ:
Աշխատանքներն իրականացվում է պետական միջոցներով, «Շինվեր պլյուս» ՍՊԸ շինկազմակերպության կողմից: Պատվիրատուն և վերահսկողության պատասխանատուն Քաղաքաշինության նախարարությունն է:
Հետևեք մեզ նաև Telegram-ում