AM | RU
USD
EUR
RUB

Երեխայի դիակի շահարկումը Ադրբեջանի կողմից հակառակ էֆեկտն ունեցավ

Հուլիսի 5-ի հայտարարությունից հետո ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) նոր հայտարարությամբ են հանդես եկել հուլիսի 6-ին՝ ԵԱՀԿ մշտական խորհրդի նիստի ընթացքում: Համանախագահները կրկին անդրադարձել են հուլիսի 4-ի հրադադարի ռեժիմի խախտումներին՝ դրանք որակել են «սադրիչ գործողություն» և խստորեն պահանջելով վտանգի տակ չդնել քաղաքացիական անձանց:

Հակամարտության նոր սրացման մասին խոսել է նաև ԱՄՆ պետդեպարտամենտի խոսնակ Հիզեր Նոյերթը՝ նշելով, որ Միացյալ Նահանգները խիստ մտահոգված է այս դեպքերի առնչությամբ, որոնք պատճառ դարձան կորուստների քաղաքացիական անձանց շրջանում: Վաշինգտոնը ԵԱՀԿ Մինսկի խմբի համանախագահների հետ միասին կոչ է անում կողմերին դադարեցնել ռազմական գործողությունները և վերադառնալ բանակցային սեղանի շուրջ:

Արցախա-ադրբեջանական շփման գծում տեղի ունեցած վերջին իրադարձություններին վերաբերող միջազգային հայտարարությունների մասին «Առաջին լրատվական»-ի հետ զրույցում խոսել է քաղաքագետ Հրանտ Մելիք-Շահնազարյանը՝ ասելով, որ դրանք զուտ դիվանագիտական, արարողակարգային հայտարարություններ են և էապես չեն նպաստի հակամարտության խաղաղ կարգավորմանը:

– Ինչպե՞ս կմեկնաբանեք Մինսկի խմբի և ԱՄՆ պետդեպարտամենտի հայտարարությունները, և ի դեպ, կարող ենք անդրադառնալ նաև Թուրքիայի արտգործնախարարության արձագանքին:

– Գիտեք, ավելի քան համոզված եմ, որ համանախագահների անունից հնչեցված այս հայտարարությունը և նախորդը նույնպես զուտ արարողակարգային, դիվանագիտական գնահատականներ են, որոնք կոչված են ևս մեկ անգամ ցույց տալու այն փաստը, որ իրենք հետևում են զարգացումներին և ոչինչ ավելին: Որևէ խնդիր չէր լուծվում այս հայտարարություններով և դրանք որևէ կերպ չեն նպաստում խաղաղ կարգավորման գործընթացին: Ես այնտեղ չտեսա որևէ մեխանիզմ, մեղադրանքների հասցեականություն և այլն: Այս տեսանկյունից՝ սա նորից դատարկ կրակոց էր, որը, ցավոք սրտի, ո՛չ կկայունացնի վիճակը սահմանում, ո՛չ ավելի կանխատեսելի կդարձնի:

Ինչ վերաբերում է Թուրքիայի մոտեցումներին և ոչ միայն արտգործնախարարության հայտարարությանը, այլև Էրդողան-Ալիև զրույցին, ապա պարզ երևում է, որ սա թուրք-ադրբեջանական փոխգործակցության դրսևորում է: Պաշտոնական Բաքուն ամեն ինչ անում է իրավիճակին ավելի մեծ հնչեղություն տալու և դրա էմոցիոնալ ֆոնն ապահովելու համար: Այդ խնդիրը լուծելու նպատակով դիմում են իրենց գործընկերներին՝ փորձելով կատարվածին նոր հնչեղություն տալ: Վստահ եմ՝ այն, ինչ անում է պաշտոնական Բաքուն այս օրերին տարբեր միջազգային հարթակներում, ընդամենը հայատյաց քարոզչության դրսևորում է: Ադրբեջանը փորձում է ցույց տալ, որ չի կարող կամ չի պատրաստվում խաղաղ ճանապարհով լուծել հիմնախնդիրը, փնտրում է լրացուցիչ գործիքներ բանակցային գործընթացից խուսափելու համար:

– Կոնկրետ այս փուլում ի՞նչ նպատակներ է հետապնդում Ադրբեջանը՝ սադրելով ռազմական բախումեր և հնչեղություն տալով տեղի ունեցածին:

– Համոզված եմ, որ սահմանին նրանց կողմից իրականացված սադրանքի նպատակը բուլղարական մամուլում Ադրբեջանի մասին հրապարակված փաստաթղթերի կոծկումն էր, համաձայն որոնց Ադրբեջանն աջակցել է և շարունակում է աջակցել «Իսլամական պետություն» ահաբեկչական խմբավորմանը: Գիտեն, որ դա խնդրահարույց հարց է, տեսնում են դրա բացասական հետևանքներն իրենց քաղաքականության համար ապագայում և փորձում են կոծկել, մի կերպ շրջանցել այդ խնդիրը: Սա առիթներից մեկն է: Կա նաև Մեծ քսանյակի (G20) գագաթնաժողովի գործոնը: Հասկանալի է, որ այնտեղ նույնպես պիտի քննարկվեն տարածաշրջանային անվտանգության խնդիրներ, և Ադրբեջանն այդպիսի շանտաժի միջոցով փորձում է ստեղծել մի իրավիճակ, որ միջնորդները հրաժարվեն ապրիլյան իրադարձությունները մանրաքննին ուսումնասիրելու գաղափարից և դրանք գործոն չեն դարձնի իրենց հետագա միջնորդական առաքելության մեջ: Ուզում են քաղաքական բարենպաստ պայմաններ ստեղծել՝ վախեցնելով լայնածավալ պատերազմի հեռանկարով, նաև նման տեսարաններ ցուցադրելով: Փորձում են ազդել քաղաքական իրավիճակի փոփոխության գործընթացի վրա:

– Հայկական զինուժը, Ձեր կարծիքով, դիմագրավեց այն մարտահրավերներին, որոնք առաջադրեց ադրբեջանական կողմը այս օրերին և արդյո՞ք դա ինչ-որ նոր մարտահրավեր էր ռազմական առումով:

– Ըստ էության, որևէ նոր բան չկար: Եկեք հարցը բաժանենք երկու բաղադրիչի՝ քաղաքական և ռազմական: Ռազմական առումով խնդիրը շատ հեշտ լուծվեց, որովհետև կային ադրբեջանական կրակակետերը՝ ճիշտ է, տեղակայված էին խաղաղ բնակավայրերում, բայց դրանք հայտնաբերվեցին և ոչնչացվեցին, և հիմա այնտեղից որևէ սպառնալիք մեզ համար այլևս չկա:

Ինչ վերաբերում է քաղաքական-քարոզչական կողմին, ապա Ադրբեջանի իշխանությունները, կարծես, իրենք օգնեն մեզ այս գործում միջազգային ադեկվատ գնահատականներ կամ ընկալումներ ապահովելու համար, որովհետև նույն այդ երեխայի դիակի շահարկումը, որը շատ հատուկ է «Իսլամական պետության» ահաբեկիչների գործելաոճին, հակառակ էֆեկտն ունեցավ: Դատելով միջազգային լրատվամիջոցների գնահատականներից՝ կարելի է ասել, որ Ադրբեջանը ձախողվեց իր քարոզչության մեջ, այդ գնահատականները շատ հավասարակշռված էին: Իսկ երբ Ադրբեջանի իշխանությունները սկսեցին երեխայի դիակը շահարկել արդեն Ադրբեջանի ներսում, բացասական արձագանք ստացան նաև ադրբեջանական հանրության կողմից:

– Այո, ըստ երևույթին՝ ադրբեջանական կողմը, շահարկելով այդ հանգամանքը, ակնկալում էր, որ միջազգային հանրությունը դատապարտող հայտարարություն կանի Հայաստանի հասցեին:

– Նրանք փորձում էին դա անել, փորձում էին Հայաստանի «ահարկու տեսքը» ցույց տալ միջազգային հանրությանը, բայց փաստերը շատ խոսուն էին: Երբ մարդիկ տեսան, որ խաղաղ բնակչությունը որպես վահան է օգտագործվել ադրբեջանի զինուժի կողմից, և այդ փաստերն անհերքելի էին, նաև տեսան երեխայի զոհվելու անբարոյական շահարկումը, արդեն ամեն ինչ պարզ դարձավ միջազգային հանրության համար: Նորից եմ ասում, որ կարելի է ճիշտ հակառակ արձագանքն ակնկալել, որ քննադատության կենթարկվի հենց Ալիևի վարչակազմը և ոչ թե հայկական կողմը:

Լրահոս
Հայաստանում այս տարի ավագ դպրոցների քանակը կավելանա 5-ից 6-ով 2018 թվականին ռոբոտաշինության ոլորտում ներդրվելու է 280 մլն դրամ Եվրախորհրդարանի 16 պատգամավորներ Մոգերինիին հարցրել են, թե ինչու ԵՄ պաշտոնյաները երբեք Արցախ չեն այցելել Էրդողանն ու Պուտինը քննարկել են Սիրիայում տիրող իրավիճակը Եվրախորհրդարանում պատգամավորները կրկին կխոսեն Արցախի մասին Երևանում նախատեսվում է պլանետարիում կառուցել ՎՏԲ բանկի վրա հարձակում գործած անձինք ատրճանակի սպառնալիքով գումար են հափշտակել. Երևանի փոխոստիկանապետը մանրամասնում է Արցախի ԱԳՆ-ն կարևորում է առաջնագծում իրավիճակի կայունացման գործում իրական ներդրումը Արցախի վերածննդի օրվա առթիվ Նախագահի նստավայրում պարգևատրում է տեղի ունեցել Մասիս Մայիլյանը վստահ է` Արցախի հետ ուղղակի և բաց երկխոսության հաստատումը կնպաստի տարածաշրջանում կայունության ամրապնդմանը Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Սերժ Սարգսյանն ընդունել է ՌԴ Արտաքին հետախուզության ծառայության տնօրենին Էլեկտրոնային առողջապահության համակարգը էլեկտրոնային դեղատոմսերի մասով կգործարկվի մինչ տարեվերջ ՎՏԲ բանկի վրա զինված հարձակում է տեղի ունեցել. տուժածներ չկան Լևոն Մկրտչյանը կողմ է ՀՀ նախագահի պաշտոնում Արմեն Սարգսյանին տեսնելուն Վարդան Դևրիկյանը գիտության բոլոր ոլորտների աշխատանքները հայերեն թարգմանելու անհրաժեշտություն է տեսնում Թուրքագետը մատնանշում է Մյունխենում ՀՀ նախագահի ելույթի կարևոր շեշտադրումները հայ-թուրքական հարաբերությունների վերաբերյալ Դեղերի պատկանելության մեջ անճշտություններից խուսափելու համար դեղամիջոցների ցուցակները վերանայվելու են Նախագահը բանիմաց զրուցակից է. հրատարակչությունների տնօրենները Սերժ Սարգսյանին ներկայացրել են ոլորտի խնդիրները Դեղատոմսերի հին ձեւերի օգտագործումն ամբողջությամբ կբացառվի հաջորդ տարվանից Ադրբեջանը նպատակաուղղված կերպով ձգձգում է տարածաշրջանում կայուն խաղաղության հաստատումը. Արցախի ԱԳՆ Կոնստանտին Կոսաչովը բարձր է գնահատում ՀՀ Նախագահ Սերժ Սարգսյանի ելույթը Մյունխենում Արցախի ԱԳՆ-ն ակնկալում է Անջեյ Կասպշիկի գրասենյակի և նրա դիտարկման կարողությունների ընդլայնում Մյունխենում Հայաստանը ՀՀ Նախագահի շուրթերով խոսեց խաղաղության մասին. Շիրակ Թորոսյան Թուրքիայում քրդամետ կուսակցության նախկին պատգամավորը ձերբակալվել է Մինչև 2022 թ-ը Հայաստանը պետք է համատարած անցում կատարի ներառական կրթության. Լևոն Մկրտչյան Մարտի 1-ից հակաբիոտիկները, հորմոնային պրեպարատներն ու կոդեին պարունակ դեղերը բաց կթողնվեն բացառապես դեղատոմսով Հայաստանում հնարավոր կլինի դեղերը ձեռք բերել էլեկտրոնային դեղատոմսով Նախագահ Սարգսյանը Գիրք նվիրելու օրվա կապակցությամբ այցելել է «Բուկինիստ» գրախանութ Այս երկիրը շախմատի ծագող աստղերի սերունդ է մեծացնում. BBC-ի անդրադարձը շախմատային Հայաստանին Հայտնի է Լիբանանի նախագահի՝ Հայաստան այցի օրը ԱՄՆ-ում դպրոցականները երթեր կկազմակերպեն հաջակցություն զենքի նկատմամբ վերահսկողության խստացման Հայաստանում փետրվարի 20-ին ջերմաստիճանը կբարձրանա Շահերի համադրմամբ հասնել առաջընթացի. միջազգային ԶԼՄ-ների անդրադարձը ՀՀ Նախագահի մյունխենյան ելույթին Կնեսետում Հայոց ցեղասպանության ճանաչման ջատագով Yesh Atid կուսակցությունը կշարունակի պայքարը. բացառիկ մեկնաբանություն Ջրային տնտեսության պետական կոմիտեում քննարկվել են ՎԶԵԲ-ի հետ իրականացվող ծրագրերը Երևանի քաղաքապետարանի ավագանու նիստում տեղի ունեցած միջադեպի առնչությամբ հարուցվել է քրեական գործ Ալիևի հայտարարություններին միջազգային հանրության լռությունը կարող է նոր լարվածության առիթ դառնալ. Տիգրան Աբրահամյան Ջերմուկն առաջիկայում կարող է մոտ 100 հազար զբոսաշրջիկ ընդունել. համայնքը շվեյցարացիների հետ զարգացման հեռանկարային պլան է մշակել Սիրիական Ղամիշլիում ահաբեկիչներն ավտոմեքենա են պայթեցրել. կան զոհեր և վիրավորներ
Խմբագրի ընտրություն
website by Sargssyan