Թուրքիայի նախագահ Ռեջեփ Թայիփ Էրդողանը մտադիր է մեկնել Կատար
10/07/2017 13:10
Նմանատիպ
Թուրքիայի նախագահ Ռեջեփ Թայիփ Էրդողանը հուլիսի 15-ին ռազմական հեղաշրջման տապալված փորձի մեկ ամյակի միջոցառումներից հետո մտադիր է մեկնել Կատար: Ինչպես հաղորդում է «Արմենպրես»-ը՝ վկայակոչելով թուրքական «Միլլիեթ» պարբերականը, այս մասին Էրդողանը Համբուրգից վեռադառնալիս լրագրողների հետ խոսել է ինքնաթիռում:
Նա նշել է, որ մտադիր է այցելել Կատար, այնուհետև Քուվեյթ և Սաուդյան Արաբիա՝ քննարկելու Կատարի շուրջ ստեղծված իրադրությունը, երկխոսություն սկսելու ներգրավված երկրների միջև:
Էրդողանն ընդգծել է, որ այդ այցը չպետք է դիտարկվի որպես միջնորդության փորձ: Նա հայտնել է նաև, որ խնդրի մասին քննարկումներ է ունեցել G-20 գագաթնաժողովի շրջանակում ԱՄՆ և ՌԴ նախագահների հետ հանդիպումների ժամանակ:
Հետևեք մեզ նաև Telegram-ում