AM | RU
USD
EUR
RUB

Ծովինարի պատրաստած տիկնիկները հատուկ վերաբերմունքի են արժանանում շատերի կողմից

Ծովինար Սանթուրյանի ձեռագրին ծանոթ մարդիկ նրա տիկնիկներին ճանաչում են անմիջապես. գանգրահեր, ժպտերես ու բարի` այնպես, ինչպես հեղինակն է: Ծովինարի հերոսներին սկզբում չէր հաջողվում «ժպտալ», քանի որ հելյունով ժպիտ ստանալ հնարավոր չէր, դրա համար էլ հեղինակը հելյունից անցավ տեքստիլի: Եվ քիչ անց լուրջ տիկնիկների կողքին հայտնվեցին արև-տիկնիկներն ու մյուս ժպտերեսիկները: Նրանց շարքը համալրելու մասին հեղինակը վաղուց է մտածում, միայն թե ժամանակը չի հերիքում: Բայց խոստանում է` նոր հերոսները շուտով պատրաստ կլինեն, և արև-տիկնիկի կողքին կհայտնվեն ծառ-տիկնիկը, երկինք-տիկնիկը, լուսին-տիկնիկը և այլն, այսինքն` այն ամենը, ինչ սիրում է հեղինակը: «Տիկնիկներս արտացոլում են իմ ներաշխարհը: Այն, ինչ ուզում եմ տեսնել, զգալ, նրանց միջոցով արտահայտում եմ, դրա համար էլ նրանք ինձ համար շատ թանկ են, ուղղակի տիկնիկ չեն: Նրանք իմ ընկերուհիներն են, որոնց հետ զրուցում եմ, կիսվում, պատմում իմ մտահոգություններն ու երազանքները»,-ասում է Ծովինարը: Տիկնիկների հանդեպ հատուկ վերաբերմունքը Ծովինարի մոտ ձևավորվել է մանկության շրջանում: Բազմազավակ ընտանիքում ծնված աղջնակը հնարավորություն չի ունեցել սրտի ուզածի չափ հանել-հագցնել անխոս «ընկերուհիներին»: Մանկուց կիսատ մնացած երազանքներն այսօր կյանքի են կոչվում. « Փոքր ժամանակ շատ տիկնիկներ չեմ ունեցել, քանի որ չորս քույր էինք, և ծնողներս չէին հասցնում շատ տիկնիկներ առնել: Այն, ինչ այն ժամանակ չեմ կարողացել անել, հիմա եմ անում. նկարազարդում եմ նրանց հագուստը, գեղեցիկ կոշիկներ ու գուլպաներ եմ կարում նրանց համար: Իմ տիկնիկներին հագցնում ու զարդարում եմ այնպես, ինչպես աղջկաս կհագցնեի»,-անկեղծանում է տիկնիկագործը:

Իր ստեղծած հերոսների հանդեպ առանձնահատուկ վերաբերմունքն է պատճառը, որ նրանց հրաժեշտ տալուց հետո էլ Ծովինարը հետաքրքվում է տիկնիկների ճակատագրով. «Իմ աշխատանքները ներկայացված են հուշանվերների խանութներում: Շատերն իրենք են ցանկացել, որ ներկայացնեմ իրենց մոտ: Մի անգամ խանութներից մեկում նկատեցի, որ տիկնիկս մի անկյունում հենց այնպես ընկած է: Վատ զգացի ու խանութի տիրոջն ասացի, որ չեմ ուզում այլևս համագործակցել իր հետ: Անմիջապես վերցրեցի տիկնիկն ու դուրս եկա»:

Նման դեպքեր, սակայն, մեկ-մեկ են լինում: Տիկնիկագործն, ընդհանուր առմամբ, գոհ է այն վերաբերմունքից, որին խանութում արժանանում են իր հերոսները, իսկ ավելի շատ ոգևորվում` հեզ հերոսների համատարիմ «ընկերուհիների»` երեխաների վերաբերմունքից: «Գիտեք հետաքրքիրը որն է, որ նույն տեսակի ոչ մի տիկնիկ մյուսներին նման չի լինում, նրանք ասես, մարդիկ լինեն` և´ իրար շատ նման, և´ տարբեր: Գուցե դա է պատճառը, որ երբեմն մեծ դժվարությամբ եմ բաժանվում նրանցից: Բայց այնքան մեծ բավականություն եմ ստանում` տեսնելով, թե ինչ հոգատարությամբ են երեխաները վերաբերում նրանց և ուրախանում»,-ասում է Ծովինարը:

Եվ քանի որ գանգրահեր հերոսները հիմնականում դառնում են երեխաների անբաժանելի ընկերները, ուստի Ծովինարը երբեք չի մտածել դրանք կավից սարքելու մասին. «Տիկնիկը պետք է լինի փափուկ ու ջերմ, որ գրկես ու ջերմություն զգաս»:

Ծովինարի հեղինակած տիկնիկների տեսականին խայտաբղետ է` թե´ հասակով, թե´ հագուկապով նրանք տարբեր են: Ամենափոքր տիկնիկն ունի ընդամենը 14 սմ հասակ, իսկ ամենամեծը` 40 սմ: Ըստ այդմ` տարբեր են նաև գները` 4000-40000: Այդ միջակայքը, հեղինակի խոսքով, պատահականորեն չի ընտրվել. «Յուրաքանչյուր դետալի վրա մանրամասն աշխատում եմ` մատների, աչքերի, ականջների և այլն: Կան մոդելներ, որոնց համար կարում եմ կաշվից կոշիկներ, բազմաշերտ զգեստներ: Այսինքն` տիկնիկի արժեքը կախված է նրա վրա արված աշխատանքից, զգեստից ու աքսեսուարներից: Ու նաև բոլոր հաճախորդներին պարտադիր հարցնում եմ` հավանել են, թե ոչ: Եթե ինչ-որ բան չեն հավանում, նորը պատրաստում ուղարկում եմ անվճար»,-բացատրում է տիկնիկագործը: Բայց դժգոհության առիթներ չեն եղել, բացատրությունը Ծովինարը տեսնում է հաճախորդների նմանության մեջ. «Հետաքրքիրն այն է, որ իմ բոլոր հաճախորդները շատ նման են իրար, նրանց աշխարհը նման է իմին, երևի այլապես չէր էլ կարող լինել, քանի որ, հակառակ դեպքում, նրանք չէին կարող հավանել ու հասկանալ իմ տիկնիկներին»:

Ծովինարի տիկնիկները մի քանի անգամ ներկայացվել են ցուցահանդեսներում, բայց մյուս տարի հեղինակը նախատեսում է անհատական ցուցահանդես կազմակերպել, որին տարբեր տիկնիկներ կցուցադրվեն. հնարավոր է`նրանց մեջ լինեն նաև ասեղնագործած հայկական զարդանախշերով զգեստներ կրող տիկնիկներ:
Ապագայի հետ կապված շատ ծրագրեր ունի Ծովինարը, որոնցից մեկն էլ մանկական հագուստ ու աքսեսուարներ կարելն է. բնականաբար, այստեղ ևս տիկնիկներն իրենց տեղը կունենան. դրանց վրա պատկերված կլինեն դարձյալ տիկնիկներ:

Լիլիթ ՊՈՂՈՍՅԱՆ 

Լրահոս
«Ժամանակ». ՌԴ-ի օգնությամբ Հայաստանի ազգային ավիափոխադրող ստեղծելու ուղղությամբ ոչ մի աշխատանք չի տարվում «Փաստ». Հայաստանում սենսացիոն ձերբակալություններ են սկսվել «Հրապարակ». «Ժառանգություն»-ը փող չունի «Փաստ». Թռչնամսի ներկրմամբ զբաղվող ընկերության ղեկավարը պնդում է՝ ՍԱՊԾ-ն վարկաբեկում է իրենց «Ժամանակ». Հունվարից ուսուցիչների աշխատավարձը կկրճատվի «Հրապարակ». ՀՀ-ԵՄ համաձայնագրի ստորագրումից հետո Կարեն Կարպետյանն անգլերենի արագացված դասընթացներ է անցնում «Ժողովուրդ»․ 2018 թ. ապրիլի 1-ից կարգելվի աջ ղեկով տրանսպորտային միջոցների ներմուծումը Հայաստան «Հրապարակ». Ինչպե՞ս են երկրի առաջին դեմքերը ծանոթանում լրատվությանը ՕՐՎԱ ԽՈՐՀՈՒՐԴԸ: Դեկտեմբերի 16 Սեւան համայնքի 2017 թվականի տարեկան բյուջեն կատարվել է 103 տոկոսով ԿԸՀ-ն մերժել է Զարուհի Փոստանջյանի դիմումը Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է Կյանքից հեռացել է գրականագետ Ֆելիքս Մելոյանը Նյու Յորքում հայ նկարիչների ցուցահանդեսի հասույթը կտրամադրվի Զինծառայողների ապահովագրության հիմնադրամին ԱՀ Նախագահը Հայաստանի հետ փոխգործակցությունը համարում է Արցախի զարգացման կարեւորագույն հիմքերից մեկը Հունաստանի ԱԳ նախարարը առաջարկում է անցկացնել Հունաստանի, Հայաստանի եւ Կիպրոսի խորհրդարանների ղեկավարների հանդիպում Երուսաղեմում բախումներ են տեղի ունեցել ցուցարարների և ոստիկանների միջև ՀՀ վարչապետ Կարեն Կարապետյանը պաշտոնական այցով ժամանել է Արցախի Հանրապետություն Քրտնաջան աշխատանք, ճշգրիտ հաշվարկներ. Հայաստանը պատրաստվում է 2018-ին սպասվող խոշոր միջոցառումներին Պատգամավորը կարևորում է խորհրդարանական վերահսկողությունը պաշտպանության ոլորտում արդյունավետ կառավարման համար ՍՏԾՀԿ-ն քաղաքականացնելու որոշ անդամ երկրների փորձերը հարցականի տակ են դնում կազմակերպության հեղինակությունը. ԱԳ նախարար Համոզված եմ` ՀՀԿ գերակշիռ մեծամասնությունը խնդրելու է, որ Նախագահ Սերժ Սարգսյանը ստանձնի վարչապետի պաշտոնը. Միհրան Հակոբյան Հայաստանը 2018 թ. առաջին կեսին ԵՄ-ի հետ կսկսի վիզայի ազատականացման հարցի շուրջ երկխոսությունը Վարչապետի ներկայությամբ տրվել է Մեղրի ազատ տնտեսական գոտու գործունեության մեկնարկը Վտանգավոր են թռչնամսի ոչ թե բոլոր, այլ կոնկրետ խմբաքանակներ. ՍԱՊԾ-ն պարզաբանում է Ռուս սահմանապահները հայ-թուրքական սահմանի սահմանային պահակակետերի արդիականացման աշխատանքներ են իրականացնում Մսի շուկայում հայտնաբերվել է անհայտ ծագման 880կգ միս Վաչե Գաբրիելյանը մասնակցել է ԱՊՀ տնտեսական խորհրդի նիստին «Մեղրի» ազատ առևտրի գոտին ԵԱՏՄ-ի, ԵՄ-ի, Իրանի հետ բիզնեսը զարգացնելու շատ լավ հարթակ է. ՀՀ վարչապետ ԵՄ-ի երկրների ղեկավարները հաստատեցին անցումը Brexit-ի շուրջ բանակցությունների երկրորդ փուլին Վահան Մարտիրոսյանը հյուրընկալել է ՀՄՄ ռադիոկապի գրասենյակի տնօրենին Էդվարդ Նալբանդյանը ստանձնել է ՍՏԾՀԿ նախագահությունը Հայաստանը պարտադրված է ունենալ այն նվազագույն սպառազինությունը, որը թույլ կտա լուծել անվտանգության խնդիրները Որքան բարեկեցիկ ապրի իրանցի ժողովուրդը, այնքան դա օգտակար է Հայաստանին Տարկետումը չի հանվել, փոխվել է փիլիսոփայությունը. ՀՀ նախագահ ՀՀ գյուղնախարարն Ուզբեկստանի փոխվարչապետի հետ քննարկել է համագործակցության հեռանկարները Կորյուն Նահապետյանը բանակի նկատմամբ հանրության մեծ վստահությունն անհրաժեշտություն է համարում ՀՀ ԱԺ պատվիրակությունը հանդիպել է Լատվիայի Սաեյմայի նախագահի տեղակալի հետ «Մեղրի» ԱՏԳ-ն առաջին պայմանագրերը ստորագրեց տնտեսավարողների հետ Նախորդ տարիներին լավագույն մարզչի ընտրությունները սխալ են եղել. Ռուբեն Հայրապետյան
Խմբագրի ընտրություն
website by Sargssyan