Ղրղզստանում նախագահի թեկնածություն է ներկայացրել 41 գործիչ
Նմանատիպ
Ղրղզստանում կայանալիք նախագահական ընտրություններին մասնակցելու նպատակով 41 գործիչ իրենց թեկնածությունն են ներկայացրել երկրի կենտրոնական ընտրական հանձնաժողով: Այս մասին հայտնում է «ՌԻԱ Նովոստի»-ն:
33 թեկնածու ինքնաառաջադրվել են, իսկ ութին առաջարկել են Ղրղզստանում գործող քաղաքական կուսակցությունները:
Ղրղզստանում նախագահական ընտրությունները տեղի կունենան հոկտեմբերի 15-ին: Թեկնածուների գրանցումը սկսվել է հունիսի 15-ից և կշարունակվի մինչև օգոստոսի 31-ը: Համաձայն երկրի սահմանադրության՝ նախագահն ընտրվում է մեկ՝ վեցամյա ժամկետով: Ցանկացած մարդ կարող է միայն մեկ անգամ զբաղեցնել այդ պաշտոնը:
Նախագահի թեկնածուները պետք է մինչև օգոստոսի 26-ը հավաքեն 30 հազար ստորագրություն և ԿԸՀ դնեն շուրջ 15 հազար ԱՄՆ դոլարի չափով գրավ: Նրանք նաև պետք է պետական լեզվի իմացության թեստ անցնեն:
Հետևեք մեզ նաև Telegram-ում