Հարլեմ Դեզիրը վերստին հորդորել է Թուրքիային ազատ արձակել լրագրողներին
Նմանատիպ
ԵԱՀԿ մամուլի ազատության հարցերով ներկայացուցիչ Հարլեմ Դեզիրը հերթական անգամ կոչ է արել Թուրքիայի իշխանություններին հանել լրագրողների դեմ ներկայացված մեղադրանքները և ազատ արձակել նրանց: Ինչպես տեղեկացրին ԵԱՀԿ գրասենյակից, Դեզիրը կարևոր քայլ է համարել հուլիսի 28-ին դատարանի կողմից ընդունված վճիռը «Ջումհուրիեթ» պարբերականի կալանավորված 11 աշխատակիցներից յոթին ազատ արձակելու վերաբերյալ:
«Սակայն այն փաստը, որ լրագրողների զգալի մասը վերադարձել է բանտ և շարունակում է լուրջ քրեական հետապնդումների ենթարկվել, ապացույցն է նրա, որ Թուրքիայում մեդիայի ազատությունը կրիտիկական վիճակում է»,- ասել է Դեզիրը:
Նա ուշադրություն է հրավիրել նրա վրա, որ դատական առաջին լսումների ժամանակ չի ապացուցվել լրագրողների դեմ ներկայացված մեղքը: «Բոլոր լրագրողները պետք է ազատ արձակվեն՝ առանց կամայական բերման ենթարկման»,- հայտարարել է ԵԱՀԿ հանձնակատարը:
Հետևեք մեզ նաև Telegram-ում