Թուրքիայում գյուլենականության մեղադրանքով ձերբակալել են 831 մարդու
31/07/2017 14:58
Նմանատիպ
Թուրքիայի իշխանությունները արտակարգ դրության ռեժիմի շրջանակում հետևողականորեն շարունակելով Ֆեթուլլահ Գյուլենի կողմնակիցների «որսը»` մեկ շաբաթում ձերբակալել են 831 մարդու:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Ձերբակալվածների բջջային հեռախոսներում հայտնաբերվել է Bylock հավելվածը, որը համարվում է գյուլենականների գաղտնի հաղորդակցության միջոցը:
Հավելվածը օգտատերերին հնարավորություն է տալիս հաղորդակցվել հատուկ ծածկագրերի միջոցով:
Թուրքիայի իրավապահ մարմինները նախորդ շաբաթ Քրդստանի բանվորական կուսակցության(PKK) անդամ լինելու կասկածանքով ձերբակալել են 213 մարդու:
Հետևեք մեզ նաև Telegram-ում