Ձերբակալվել է թուրքիայի քրդամետ կուսակցության ևս մեկ պատգամավոր
02/08/2017 16:58
Նմանատիպ
Ձերբակալվել է Թուրքիայի ընդդիմադիր քրդամետ ժողովուրդների դեմոկրատական կուսակցության (HDP) Վանի նահանգից ընտրված պատգամավոր Լեզգին Բոթանը:
Այս մասին, ինչպես հաղորդում է «Արմենպրես»-ը, հայտնում է թուրքական «Հուրիյեթ» պարբերականը:
Պատգամավորը ձերբակալվել է Վանի Ֆերիթ Մելեն Օդանավակայանում, երբ ցանկացել է մեկնել Անկարա:
Դեռևս ձերբակալության պատճառների նվերաբերյալ հայտարարություն չի արվել:
Հուլիսի 29-ին Թուրքիայի քրդամետ Ժողովուրդների դեմոկրատական կուսակցության մեկ այլ պատգամավոր Սաադեթ Բեջերիքլին Բաթմանի օդանավակայանում ինքնաթիռից իջնելուց անմիջապես հետո ձերբակալվել է:
Բեջերիքլիին ձերբակալելու մասին որոշում էր կայացվել դեռևս հուլիսի 18-ին: Նա մեղադրվում է «հանցախմբի քարոզչություն» իրականացնելու մեջ:
Հետևեք մեզ նաև Telegram-ում