AM | RU
USD
EUR
RUB

Հայկական իրականության մեջ առաջին օնլայն տաքսին

Հեղաշրջում` տաքսի ծառայության ոլորտում

2012թ. վերջին և 2013թ. սկզբին հայկական տաքսի ծառայության ոլորտում Taxoline-ը հեղաշրջում արեց: «Մեկ քաղաք, մեկ հեռախոսահամար» կարգախոսով շուկա մտած ծառայությունը հնարավորություն էր տալիս մեկ հեռախոսազանգով տաքսի պատվիրել քաղաքի ցանկացած կետից, և ընդամենը մի քանի րոպեից մեքենան տեղում էր լինում: Տեղեկատվական տեխնոլոգիաների ընձեռած հնարավորությունները տաքսի ծառայության ոլորտում կիրառելու և մարդկանց փոխադրումը հեշտ, արագ ու հաճելի կազմակերպելու միտքը ծագել էր Արմեն Բաղդասարյանի մոտ:

«Շուկայում հիմնականում թաղամասային տաքսի ծառայություններ էին: Մարդիկ զանգում էին իրենց թաղամասի տաքսի ծառայություն ու մեքենա պատվիրում` կարծելով, որ ծառայության գրասենյակը մոտիկ է տեղակայված ու մեքենան շուտ կմոտենա: Իրականում դա խաբկանք էր. ինչո՞ւ, որովհետև շատ հաճախ նրանց մեքենաները գտնվում էին քաղաքի տարբեր մասերում` պատվեր էին կատարում, ու մարդիկ ստիպված էին միջինը 30-40 րոպե սպասել մինչև կմոտենար մեքենան` այն դեպքում, երբ նույն պահին տարածքում բազմաթիվ այլ մեքենաներ կային`տարբեր տաքսի ծառայություններից: Զգացի, որ դա խնդիր է, որը արագ լուծում է պահանջում»,-պատմում է Taxoline-ի հիմնադիր Արմեն Բաղդասարյանը:

Ծրագրավորողների թիմը կարճ ժամանակ անց թողարկեց Taxoline հավելվածը, որը հեռախոսի մեջ ներբեռնելով` պատվիրատուն առանց զանգի պատվիրում էր մեքենա և ընդամենը 3-4 րոպեից մեքենան տեղում էր լինում:

Շուկայում նոր մշակույթ ներմուծած կազմակերպությանը, ինչպես և կանխատեսվում էր, բազմաթիվ դժվարություններ էին սպասվում. «Այդ մշակույթը նորություն էր, ուստի կարծրատիպ էր կոտրում թե´ վարորդների, թե´ հաճախորդների մոտ: Վարորդները սովոր էին, որ իրենց պարտադիր պետք է զանգեն կամ ռացիայով ասեն` այսինչ հասցեում պատվեր կա: Ստիպված եղանք շատ երկար աշխատել նրանց հետ, մինչև սովորեցին, թե ինչպես պետք է աշխատել: Կրկնում եմ` վարորդներին աշխատանքի նոր սկզբունքները հասկանալի դարձնելու համար շատ ջանք ենք թափել: Քիչ չենք աշխատել նաև հաճախորդների հետ, ովքեր չէին պատկերացնում, որ հնարավոր է առանց զանգի մեքենա պատվիրել, բայց կարևորն այն է, որ հաղթահարել ենք այդ դժվարությունները, և այսօր թե´ զանգի, թե´ հավելվածի, թե´ մեր կայքի միջոցով` ում ինչպես հարմար է, մեքենա են պատվիրում: Մեքենա, ոչ թե տաքսի, որովհետև մենք մեզ տաքսի ծառայություն չենք համարում, այլ` կազմակերպություն, որը մարդկանց փոխադրումն իրականացնում է արագ, ապահով ու հաճելի: Իսկ հիմա Taxoline-ը անվանափոխվեց Rocket-ի, քանի որ մտադրված ենք մեր լուծումները կիրառենք նոր ոլորտներում»,-անցյալից ներկա անցումը կարճ-կոնկրետ ներկայացնում է հիմնադիրը` չմոռանալով նշել` վարորդների վարքին ու կեցվածքին խստորեն հետևում են առաջին իսկ օրվանից: Արդյունքում հավաքվեց վարորդների մի թիմ, որը մատուցում է պատշաճ ու որակով ծառայություն:

Տաքսի ծառայության ոլորտում արված նորամուծությունը անմիջապես գրավեց թե' տեղական, թե´ արտասահմանյան ընկերությունների ուշադրությունը: Rocket-ը համագործացության առաջարկներ ստացավ տարբեր ոլորտի կազմակերպություններից` բանկերից, հյուրանոցներից, դեսպանատներից, ծրագրավորման ընկերություններից, լրատվական ծառայություններից և մի
շարք այլ հաստատություններից: «Ներկա պահին 100 ընկերությունների ենք սպասարկում. այդ առումով ամենախոշորն ենք: Մենք շահավետ լուծումներ ենք առաջարկում նաև կորպորատիվ հաճախորդներին: Նրանք հավելվածի միջոցով կարող են կորպորատիվ երթեր կատարել: Նրանց տրամադրում ենք պրոմոկոդ, որը կորպորատիվ ընկերության և մեր ծառայության աշխատանքը համակարգող ներկայացուցիչը տրամադրում է ընկերության աշխատակցին և վերջինը հանգիստ մուտք է գործում համակարգ, գրանցվում և օգտվում կորպորատիվ փաթեթից: Նրա երթերը ավտոմատ գրացվում են կազմակերպությանը տրամադրած համակարգում, և ընկերությունը կարողանում է տեսնել կատարված երթերն ու ինքնուրույն ռեփորթ անել»:

Տեխնոլոգիաների զարգացմանը համաքայլ ընթանալով

Ամբողջ գործընթացը թափանցիկ կազմակերպելու արդյունքում կորպորատիվ ընկերությունը ցանկացած պահի կարող է ստուգել իր հաշվեկշիռը, լիցքավորել կամ ուղղակի վերահսկել երթերը:

Իսկ անհատ պատվիրատուների համար ստեղծել ենք Ընտանեկան փաթեթ, որը հնարավորուտյուն է տալիս ընտանիքի անդամներին երթևեկել մեկ հաշվեկշռից: Արմեն Բաղդասարյանը խոստանում է` շուտով հաշվեկշիռը լիցքավորելու համար ավելորդ ժամանակ չի պահանջվի` վճարման համակարգի մոտ հասնելու համար. ընտանեկան փաթեթին կկցվի քարտից վճարման հնարավորությունը: Ով կցանկանա` վճարային, ով կցանկանա, քարտային համակարգով կլիցքավորի իր հաշվեկշիռը կամ անմիջապես կվճարի իր կատարած երթի համար:

Նորամուծությունների ուղղությամբ Արմեն Բաղդասարյանի թիմն աշխատում է ամեն օր. դա են թելադրում թե´ ժամանակաշրջանը, թե´շուկան: Շուկայում այլ ներկայացուցիչների հայտնվելը Rocket-ի հիմնադիրը դրական ու ոգևորիչ է համարում: Ըստ նրա` մրցակցությունն է առաջ տանող ուժը, այն դրդում է անընդհատ աշխատել, մտածել, կատարելագործվել: Ասում է` այսօր նմանօրինակ գրեթե բոլոր ընկերություններն էլ, մեծ հաշվով, ֆունկցիոնալ առումով նման են. պատվիրատուն հավելվածի միջոցով պատվիրում է մեքենա, իմանում, թե ինչքան ժամանակից այն կլինի տեղում, իր հեռախոսով հետևում ընթացքին և այլն: Բայց տեղեկատվական տեխնոլոգիաների դարում օնլայն տաքսի ծառայությունների ֆունկցիոնալ հագեցվածության առկա մակարդակը բավարար չի համարում ծրագրավորման վեց լեզվի տիրապետող Արմեն Բաղդասարյանը. «Այս ոլորտում դեռ շատ անելիքներ կան: Հաճախորդները պատվեր տալու ժամանակ պետք է ընտրության լայն հնարավորություններ ունենան, ինչպես նաև կարելի է ավելի հետաքրքիր ու հագեցած դարձնել ուղևորության ընթացքը: Փակագծերը դեռ չեմ ուզում բացել, միայն ասեմ, որ մեր ծրագրավորողների թիմն աշխատում է այդ ուղղությամբ և շուտով կունենանք ֆունկցիոնալ առումով ավելի հագեցած ու շահավետ ծառայություն: Որոշ նորամուծություններ 6-8 ամսից արդեն կներդրվեն»:

Տեղեկատվական տեխնոլոգիաների ընձեռած հնարավորությունները Արմեն Բաղդասարյանի թիմը միայն տաքսի ծառայության ոլորտում չէ, որ մտադիր է ներդնել: Այլ ոլորտների ավտոմատացման ուղղությամբ արված քայլերի մասին Rocket-ի հիմնադիրը խոստացավ մոտ ապագայում խոսել:

Լիլիթ ՊՈՂՈՍՅԱՆ

Լրահոս
Ռոբեր Պիրեսը գովեստի խոսքեր է հնչեցրել Հենրիխ Մխիթարյանի հասցեին Նախորդ տարի Արցախում արձանագրվել է հանցագործությունների բացահայտման 98.4 տոկոս ցուցանիշ Արթիկի ոստիկանապետն ազատվել է աշխատանքից Արմեն Սարգսյանն առաջադրվել է Հանրապետության նախագահի թեկնածու Համայնքների մանկապարտեզների միավորումը կբարձրացնի աշխատանքի արդյունավետությունը Զբաղվածության խթանումը՝ 2018-ի գերակայություն ԱԺ-ում Հայաստանի 4-րդ նախագահի ընտրության հարցի քննարկումները կմեկնարկեն մարտի 1-ին Վարդան Բոստանջյանն անհեռանկարային է համարում ԱԺ-ի կողմից ՀՀ նախագահի ընտրության հարցով ՍԴ դիմելու «Ելք»-ի նախաձեռնությունը ՀՀ Նախագահն ընդունել է Մադագասկարի արտաքին գործերի նախարարին Զենք՝ ուսուցիչներին և նոր հոգեբուժարաններ. Թրամփի առաջարկը Դիզելային վառելիքն ու պարարտանյութը կսուբսիդավորի պետությունը Պետությանը ծառայել եմ անկեղծ և նվիրված. Արմեն Սարգսյանը հյուրընկալվել է Հայաստանի ամերիկյան համալսարանում Նարեկ Սարգսյանի կարծիքով՝ նորակառույց շենքերի բարձր սեյսմակայունությունը համեմատելու եզր անգամ չունի հին շենքերի հետ Մարտ ամսից Հայաստանում ներդրվելու է համայնքներում տնտեսական ծրագրերի սուբսիդավորման գաղափարը Վրաստանի ՆԳՆ պատվիրակությունն այցելեց Հայոց ցեղասպանության զոհերի հուշահամալիր ՀՀ կառավարությունում քննարկվել են մտավոր սեփականության ոլորտին վերաբերող հարցեր Ադրբեջանի հանդեպ եվրոպական կառույցների կողմից համարժեք գնահատականները հանրային պահանջ են. Արմեն Աշոտյան Արա Բաբլոյանը պարգեւատրել է Արցախի Ազգային ժողովի նախագահին Թուրքական զինված ուժերը կրակ են բացել Աֆրին ուղևորվող մարդասիրական ավտոշարասյան ուղղությամբ. կա մեկ զոհ Թշնամու ատամները փշրել ենք եւ պիտի փշրենք, որովհետեւ մենք անսասան ենք Արմեն Ամիրյանին մտահոգում է «Քարերի Սիմֆոնիա»-ի տարածքում իրականացվող շինարարությունը Ռուս զինծառայողի սպանության գործով դատական նիստը Գյումրիում կրկին հետաձգվեց Տավուշում ժամկետային զինծառայող է հրազենային վիրավորում ստացել Մադագասկարի նախագահի այցը լավ հնարավորություն է երկկողմ տնտեսական հարաբերություններին նոր թափ հաղորդելու համար. Էդվարդ Նալբանդյան Սուրեն Կարայանն ընդունել է ՀՀ-ում Բելառուսի դեսպանին Լոքյանը համայնքապետին է մեղավոր համարում «Քարերի սիմֆոնիա»-յի տարածքում ապօրինի շինարարության համար Մադագասկարի արտգործնախարարը տպավորված է Հայաստան կատարած այցից Շինարարության ծավալների աճ է արձանագրվել Արարատի և Սյունիքի մարզի բազմաթիվ բնակավայրեր մինչ տարվա վերջ կստանան գլխավոր հատակագծեր Արամ արքեպիսկոպոս Աթեշյանը սկսել է ազատվել իր համար անցանկալի գործիչներից Ադրբեջանը վաղ թե ուշ պատասխանատվություն է կրելու իր հանցագործությունների համար Լիտվան միանում է կոչին՝ ձեռնարկել միջոցներ նվազեցնելու լարվածությունը ԼՂ հակամարտության գոտում Արցախը պետք է աշխատի բոլոր սպառնալիքները վերացնելու ուղղությամբ Սամվել Ֆարմանյանը մարտի 1-ի դեպքերն հայոց պետականության ճակատին աններելի խարան է համարում Հայաստանի ստեղծագործական և գիտական մտավորականության ներկայացուցիչները զսպվածության կոչ են անում Ռուբեն Գրիգորյանին Սերժ Սարգսյանն ընդունել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցչին Հարավային ռազմական օկրուգի ռազմաբազայում նշվեց Հայրենիքի պաշտպանի օրը «Այլևս երբեք»-ը չպետք է լինի սոսկ կարգախոս. Մադագասկարի ԱԳ նախարարը հարգել է Հայոց ցեղասպանության զոհերի հիշատակը Մարտի 1-ի զոհերից Սամվել Հարությունյանի՝ հրազենային վիրավորում ստանալու վերաբերյալ քննական մարմինը որևէ տվյալ չունի Իշխող կոալիցիան Արմեն Սարգսյանի թեկնածությունը կառաջադրի ՀՀ 4-րդ նախագահի պաշտոնում
Խմբագրի ընտրություն
website by Sargssyan