Արցախի «Կենտրոնական ավտոկայանի» կողմից կես տարում դեպի Հայաստանի իրականացվել է 1677 երթ

Արցախի «Կենտրոնական ավտոկայանի» կողմից կես տարում դեպի Հայաստանի իրականացվել է 1677 երթ

Արցախի «Կենտրոնական ավտոկայան» ՓԲԸ կողմից 2017թ. առաջին կիսամյակում գրանցվել են միջշրջանային և ներշրջանային 22 950 երթ, 2016թ. նույն ժամանակահատվածի համեմատ երթերի թիվը աճել է 1109-ով (21 841 երթ): Ինչպես տեղեկացրին Արցախի Հանրապետության էկոնոմիկայի նախարարությունից, նույն ժամանակահատվածում դեպի Հայաստանի Հանրապետություն իրականացվել է 1677 երթ, որը նախորդ տարվա նույն ժամանակահատվածի համեմատ աճել է 97-ով (1580 երթ):

2017թ. առաջին կիսամյակում միջշրջանային և ներշրջանային ավտոբուսային երթերի արդյունքում փոխադրող կազմակերպությունների կողմից տեղափոխել են 239 156 ուղևոր, նախորդ տարվա նույն ժամանակահատվածում ուղևորների թիվը կազմել էր 227 739: ՀՀ հետ կապող միջպետական ավտոբուսային երթուղիների սպասարկման արդյունքում գրանցվել է 17 147 ուղևոր, նախորդ տարվա 17 419 ուղևորի փոխարեն: Միջշրջանային և ներշրջանային ավտոբուսային երթուղիների ցանցում ընդգրկված են 166 բնակավայր և սպասարկվում է բնակչության մոտ 85 տոկոսը՝ 126 հազ. մարդ: Ընկերությունը միջշրջանային և ներշրջանային երթուղիների սպասարկումն իրականացնում է 102 ավտոբուս, իսկ միջպետական ուղևորափոխադրումները՝ 21:

Հետևեք մեզ նաև Telegram-ում