Նրա դրամատուրգիան միշտ կմնա ազդեցիկ ու արդիական
Նմանատիպ
ՀՀ վարչապետ Կարեն Կարապետյանը ցավակցական խոսք է հղել Պերճ Զեյթունցյանի մահվան կապակցությամբ: Ինչպես տեղեկացրին ՀՀ կառավարության տեղեկատվության և հասարակայնության հետ կապերի վարչությունից, ցավակցական խոսքում մասնավորապես նշվում է.
«Պերճ Զեյթունցյանը մեր ժամանակների ամենամեծ հեղինակություն վայելող մտավորականներից էր:
Անչափ մեծ է նրա ավանդը հայ արձակի զարգացման ասպարեզում: Հնարավոր չէ պատկերացնել վերջին տասնամյակների հայ դրամատուրգիան և թատրոնն առանց նրա ծանրակշիռ դերակատարության: Բազմաթիվ բեմերից նրա դրամատուրգիան խոսել է և շարունակելու է խոսել ինչպես պատմության ու ներկայի, այնպես էլ մեր ապագայի հետ՝ միշտ մնալով ազդեցիկ ու արդիական: Մի առիթով Պերճ Զեյթունցյանը մեջբերել էր մեր մեծ բանաստեղծ Համո Սահյանի հայտնի խոսքերը՝ «Ինձ բացակա չդնեք», և այսօր պետք է ասեմ, որ մեր բոլորի համար, հայ ժողովրդի համար նա միշտ «ներկա է լինելու»:
ՀՀ կառավարության և անձամբ իմ անունից մեր խորին ցավակցությունն եմ հղում Պերճ Զեյթունցյանի ընտանիքին ու մտերիմներին, ինչպես նաև բազմաթիվ ընթերցողներին»: