AM | RU
USD
EUR
RUB

Տեսանելի ամիսներին ՌԴ-ն ԼՂ հակամարտության առումով նոր առաջարկներով հանդես չի գա, քանի որ նախադրյալներ չկան. Միհրան Հակոբյան

 
 

ԱԺ «Հայաստանի Հանրապետական կուսակցություն» խմբակցության պատգամավոր Միհրան Հակոբյանը Tert.am-ի հետ զրույցում անդրադարձել է ՀՀ Նախագահ Սերժ Սարգսյանի` աշխատանքային այցին Սոչի, որտեղ հանդիպում է նախատեսված ՌԴ Նախագահ Վլադիմիր Պուտինի հետ: Նրա կարծիքով՝ ղարաբաղյան հակամարտության հարցի շուրջ քննարկումը կլինի կոնսուլտատիվ բնույթի` մտքերի փոխանակման, նոր իրողությունների քննարկման համատեքստում: Ըստ նրա՝ տեսանելի ամիսների ընթացքում Ռուսաստանը նոր առաջարկներով հանդես չի գա, քանի որ այդ մասին տեղեկատվություն, նախադրյալներ չկան:

-Մեկ ամիս առաջ Սոչիում Վլադիմիր Պուտինն ընդունել էր Ադրբեջանի նախագահ Իլհամ Ալիևին և մամուլը նշում է, որ այս հանդիպումը պարիտետը պահելու համար կարող է լինել։ Ձեր գնահատմամբ՝ այդ համատեքստո՞ւմ կարելի է դիտարկել նախատեսված այս հանդիպումը:

-Կարծում եմ, որ հանդիպումը այդ ենթատեքստում չէ, հատկապես, որ ստեղծված իրավիճակում չկան այնպիսի լուրջ, խնդրահարույց հարցեր, որպեսզի արագ դիվանագիտական լուծումներ պահանջեն: Ես սա Ալիևի այցով չէի ցանկանա պայմանավորվել, քանի որ հայ-ռուսական հարաբերությունները մի քանի գլուխ ավելի բարձր մակարդակի վրա են, և հակակշիռների վերաբերյալ մամուլի հրապարակումները մի փոքր անտրամաբանական են: Հայ-ռուսական հարաբերությունները շատ բարձր մակարդակի են՝ քաղաքական, տնտեսական, ռազմական բաղադրիչների համատեքստում, և հենց այս առումով հանդիպումը պետք է դիտարկել:

-Իսկ կարծո՞ւմ եք, որ այս հանդիպմանը քայլ կարվի Ադրբեջան-Հայաստան նախագահների հանդիպումը կազմակերպելու նախապատրաստական աշխատանքների ուղղությամբ։

-Նախագահ Սարգսյանը «Արմենիա» հեռուստաընկերությանը տված վերջին հարցազրույցում փաստացիորեն նշեց, որ բանակցային գործընթաց, ըստ էության, առարկայական մասով այս պահին գոյություն չունի, քանի որ Ադրբեջանը հրաժարվել է մադրիդյան սկզբունքներից: ՀՀ-ի և ՌԴ-ի երկրների ղեկավարները միշտ էլ քննարկել են ղարաբաղյան հակամարտությունը տարածաշրջանային անվտանգության համատեքստում, և ես կարծում եմ, որ անդրադարձ կլինի նաև այս խնդրին, հատկապես, որ մեր տարածաշրջանը այսօր շատ բարդ իրավիճակում է: Ղարաբաղյան հակամարտության խնդիրը մեր տարածաշրջանի գլխավոր թնջուկն է, և պետք է ենթադրել, որ Հայաստանի և Ռուսաստանի նախագահներն այդ հարցին անդրադառնալու են կոնսուլտատիվ բնույթի՝ մտքերի փոխանակման, նոր իրողությունների քննարկման համատեքստում: ԵԱՀԿ Մինսկի խումբը քայլեր ձեռնարկում է, մոնիտորինգի տակ է պահում գործընթացը, հանդես է գալիս նոր առաջարկություններով` փորձելով կողմերի դիրքորոշումը հնարավորինս մոտեցնել: Ռուսական նոր մոտեցման մասին մենք տեղյակ չենք և ակնարկ էլ չկա, որ Ռուսաստանը նոր նախաձեռնություն ունի, անգամ Ռուսաստանի միջնորդությամբ Հայաստանի և Ադրբեջանի նախագահների հանդիպման նախաձեռնության մասին տեղեկություններ չկան, ուստի ենթադրություններ անելը ճիշտ չի լինի: Կարծում եմ,որ տեսանելի ամիսների ընթացքում Ռուսաստանը նման նախաձեռնողականությամբ, նոր առաջարկներով հանդես չի գա, որովհետև մենք չունենք նման տեղեկատվություն, նախադրյալներ: Խնդիրը թողնված է Մինսկի խմբի ձևաչափին, որտեղ Ռուսաստանը Ֆրանսիայի և ԱՄՆ-ի հետ հավասար մոտեցումներով փորձում է ընդհանուր հայտարարի բերել երկու կողմերին:

-Այդ դեպքում, Ըստ Ձեզ, Ռուսաստանի կողմից լիդերություն անելու շահագրգռվածությո՞ւնն է թուլացել, թե պարզապես այդ հնարավորությունը չունի` հաշվի առնելով Մինսկի խմբի մյուս երկրների դիրքորոշումները:

-Եթե մենք խնդիրը նայենք «ռեալ պոլիտիկ»-ի տեսանկյունից, ապա այս տարածաշրջանի վրա ամենամեծ ազդեցությունը և ամենամեծ լծակները Մինսկի խմբում ունի ՌԴ-ն: Բայց ներկայումս խոսել այն մասին, որ Ռուսաստանը փորձում է վերցնել նախաձեռնությունը և նոր գործընթաց սկսել, դրա վերաբերյալ նախադրյալներ չկան: Դա ո՛չ կարողության, ոչ էլ ցանկության խնդիրն է, այլ ընդհանուր քաղաքական իրողությունների խնդիրն է, քանի որ Ռուսաստանը չի ցանկանում տարածաշրջանում խախտել ռազմաքաղաքական հավասարակշռությունը, այլ փորձում է պաշտպանել տարածաշրջանի փխրուն խաղաղությունը և մեղմել սահմանային լարվածությունը, քանի որ նոր լարվածություն իրեն ձեռնտու չէ: Ռուսաստանը ստեղծված իրողություններին համապատասխան քաղաքականություն է իրականացնում:

-Հաշվի առնելով Թուրքիայի՝ ԵԱՏՄ-ի հետ ազատ առևտրի գոտու վերաբերյալ համաձայնագիր կնքելու մտադրությունը, ըստ Ձեզ, Նախագահ Սերժ Սարգսյանը Երևանի պաշտոնական ինչպիսի՞ դիրքորոշում կփոխանցի Ռուսաստանի նախագահին:

-Խնդիրը երկու բաղադրիչ ունի: Կարծում եմ, որ սրանով Թուրքիան փորձում է շանտաժի ենթարկել Եվրամիությանը, քանի որ ԵՄ-ի հետ ունեցած ազատ առևտրի համաձայնագրի ժամկետը լրացել է, և պետք է վերաստորագրվի, իսկ Թուրքիան ավելի արտոնյալ պայմաններ է ցանկանում և սրա համար շանտաժի քայլերի է գնում: Երկրորդ՝ Հայաստանն այս պրոցեսից կարող է լրջագույն դիվիդենտներ քաղել, քանի որ ԵԱՏՄ հիմնադիր անդամ պետություն է և ունի վետոյի իրավունք: Հայաստանը կարող է Թուրքիայի հետ ունեցած լրջագույն խնդիրների հարցում որոշակի առաջընթաց ունենալ, ինչը կարող է կապված լինել թուրքական սահմանի վերաբացման հետ, Ադրբեջանի առումով Թուրքիայի դիրքորոշման փոփոխության հետ: Հայաստանը կարող է իր պահանջները դնել և որոշակի օգուտներ քաղել, սակայն այս պահին դժվար է ասել, թե ուր կգնան քաղաքական գործընթացները։ Ամեն դեպքում, կարծում եմ, որ Սարգսյան-Պուտին այս հանդիպման ընթացքում նման խնդիր չի քննարկվի և հրապարակային հայտարարություն չի լինի, քանի որ Թուրքիայի կողմից դեռևս կիսատ-պռատ հայտարարություն ունենք, և եթե այն որոշակիանա, ապա Հայաստանն արդեն իր դիրքորոշումը կհայտնի:

Լրահոս
Տարոն Մարգարյանի հրաժարականի դեպքում Ալեն Սիմոնյանը կմտածի Երևանի քաղաքապետի պաշտոնը զբաղեցնելու մասին Գլխավոր դատախազը չի բացառում դատական վարույթում գտնվող քրեական գործերի առումով քննարկումների անցկացումը Հայաստանում ամենաբարձր միջին ամսական աշխատավարձը Սյունիքում է, ամենացածրը՝ Արագածոտնում ու Շիրակում Զինծառայող Մարտին Խաչատրյանի մահվան հանգամանքները պարզելու համար քննություն է տարվում Խախտվել են ջրամատակարարման կանոնները. «Վեոլիա Ջուր»-ը տուգանվել է 5 մլն դրամով Ինձ համար անհասկանալի է, որ կան քաղաքացիներ, ովքեր պատշաճ ձևով չեն արձագանքում իմ կոչին Վահրամ Բաղդասարյանի առաջարկը պատգամավորների միջև բանավեճի առիթ դարձավ Միհրան Պողոսյանն անդրադարձել է ցուցարարների նկատմամբ բռնություն կիրառելու գործով իր օգնականի ձերբակալմանը Ոստիկանությունը հայտնել է, թե տեսախցիկների ֆիքսած որ խախտումների դեպքում վարորդները կազատվեն պատասխանատվությունից Իսրայելական ինքնաթիռները Գազայի հատվածում խոցել են ՀԱՄԱՍ-ի մեկ ստորգետնյա եւ երկու ծովային թիրախներ Սուրեն Քրմոյանը կոռուպցիայի նվազեցմանն ուղղված հանդիպում է ունեցել մասնավոր հատվածի ներկայացուցիչների հետ Սուրեն Պապիկյանի հանձարարականով գնահատվում են Լեռնագոգ համայնքին հասցված վնասները Մարտական դիրքում ժամկետային զինծառայողի դի է հայտնաբերվել. կատարվում է քննություն Կրկին խոչընդոտ է ստեղծվել Սոթքի ոսկու հանքավայրի բնականոն աշխատանքի համար ԱԺ նիստ. նոր կառավարության անդամներն առաջին անգամ կպատասխանեն պատգամավորների հարցերին Խորհրդարանում Ալեն Սիմոնյանին կարող է փոխարինել Անի Խաչատրյանը «Հրապարակ». Արմեն Գրիգորյանի նշանակումն ԱԱԽ քարտուղարի պաշտոնում լավ չի ընդունվել Իրանի և ՌԴ կողմից «Հայկական ժամանակ». Տարոն Մարգարյանն արտակարգ հանդիպման է հրավիրել ավագանու ՀՀԿ խմբակցության անդամներին «Հրապարակ». Արթուր Ջավադյան. Նոր դիզայնով թղթադրամների շնորհանդեսը շուտով կլինի «Հրապարակ». «Ելք»-ում խմբակցության ղեկավարի հարցը չի լուծվի, մինչև Արամ Սարգսյանը չներկայանա ֆրակցիայի նիստին «Հրապարակ». ԱԺ կանոնակարգը թույլ է տալիս, որ պատգամավորը դուրս գա և իրեն հռչակի անկախ ՕՐՎԱ ԽՈՐՀՈՒՐԴԸ: Մայիսի 23 ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը Թոմաս դե Վաալն Արցախի մասնակցությունը բանակցային գործընթացին համարում է ակտուալ Ալեն Սիմոնյանը հրաժարվել է պատգամավորական մանդատից Ձերբակալվել է Միհրան Պողոսյանի օգնականը «Արսենալ»-ը նոր մարզչի անունը կհայտնի այս շաբաթ Կամաց-կամաց, ուզեն թե չուզեն, Արցախի ճանաչման գործընթացն սկսում է իր արդյունքները տալ. Կայծ Մինասյան ՀՀ նախագահն անդրադարձել է կոռուպցիոն շղթաների հայտնաբերման մասին ԱԱԾ պետի հայտարարությանը Ժամանակն է, որ վրացիները այն հաճախականությամբ այցելեն Հայաստան, որով հայերն են գնում Վրաստան Նիկոլ Փաշինյանը և Դեմետրիս Սիլուրիսը քննարկել են հայ-կիպրական հարաբերությունների հետագա զարգացմանն ուղղված մի շարք հարցեր Էներգետիկայի բնագավառում առկա փոխգործակցությունը հաջողությամբ կշարունակվի. Արթուր Գրիգորյան Ատեստավորման արդյունքում բարձր գնահատականներ ստացած ուսուցիչների աշխատավարձերը կբարձրանան Կրթական համակարգը պետք է քաղաքականից ազատել՝ թողնելով այն շնչի. ոլորտի փորձագետները բարձրաձայնում են խնդիրները ՀՀ վարչապետի տիկինը համաձայնել է լինել բարեգործական նոր հիմնադրամի հոգաբարձուների խորհրդի կազմում ՀՀ պաշտպանության նախարարի գլխավորած պատվիրակությունը մեկնել է Աստանա Կորեայի Հանրապետության նախագահը շնորհավորական ուղերձ է հղել Նիկոլ Փաշինյանին Բարձրագույն դատական խորհուրդը հանդիպել է Երևանի ընդհանուր իրավասության դատարանի դատավորների հետ Նախարարը գյուղոլորտի զարգացման կարևոր պայման է համարում կոոպերացիաների խթանումը Հայաստանը սպասում է ԵՄ անդամ երկրների խորհրդարանների կողմից համաձայնագրի ամբողջական վավերացմանը. ԱԳՆ խոսնակ
Խմբագրի ընտրություն
website by Sargssyan