«Հայկական ժամանակ». «Ելք»-ը բողոքարկել է «Զիբիլիքսի» գործը կարճելու վերաբերյալ ՀՔԾ որոշումը

«Ելք» դաշինքը երեկ բողոքարկել է «Զիբիլիքսի» գործը կարճելու վերաբերյալ ՀՔԾ քննիչի կայացրած որոշումը։ Բողոքը ՀՀ Գլխավոր դատախազ Արթուր Դավթյանին է ուղարկվել ԱԺ ԵԼՔ խմբակցության ղեկավար Նիկոլ Փաշինյանի կողմից։ Այս մասին գրել «Հայկական ժամանակ»-ը:

Խոսքը այս տարվա մայիսի 12-ին Երևանի ավագանու ընտրությունների նախընտրական շրջանում Տարոն Մարգարյանի Կոմիտաս 56 հասցեում տեղակայված ընտրական շտաբի մոտ հայտնաբերված չափազանց հետաքրքիր փաստաթղթերի պատմության մասին է։

Շտաբից դուրս բերված և հարակից աղբամանը նետված տրցակներում կային ուղղակի ապացույցներ ընտրակաշառքների և այլ ընտրախախտումների մասին։ Փաստի առթիվ հարուցվել էր քրգործ, սակայն հուլիսի 25-ին ՀՔԾ-ն կարճել էր այն։ Կարճելու մասին որոշումը ստացվել է օգոստոսի 18-ին, Փաշինյանի կողմից ուղարկված գրությանն ի պատասխան»։