«Նաիրիտ» գործարանի մոտակայքում հրդեհ է բռնկվել

Երևանի «Նաիրիտ» գործարանի տարածքում օգոստոսի 28-ին հրդեհ է բռնկվել:

Այս մասին տեղեկացրին ՀՀ արտակարգ իրավիճակների նախարարությունից: Փրկարարները մեկնել են դեպքի վայր: Մանրամասները կտրամադրվեն մի փոքր ուշ:

13:37. ԱԻՆ պաշտոնական հաղորդագրության համաձայն՝ օգոստոսի 28-ին, ժամը 13:10-ին ահազանգ է ստացվել, որ հրդեհ է բռնկվել Երևան քաղաքի «Նաիրիտ» գործարանի տարածքում: Հրդեհի բարդության «թիվ 2» կանչով դեպքի վայր է մեկնել վեց մարտական հաշվարկ:

14:03. Արտակարգ իրավիճակների նախարարության տրամադրած նոր տվյալներով՝ հրդեհի բարդության «թիվ 3» կանչով դեպքի վայր է մեկնել ինը մարտական հաշվարկ:

14:16. ԱԻՆ-ը հրապարակել է նոր հաղորդագրություն, որում ասվում է. «Օգոստոսի 28-ին, ժամը 13:10-ին ահազանգ է ստացվել, որ Երևան քաղաքի «Նաիրիտ» գործարանի տարածքում պայթյունի ձայն է լսվել և հրդեհ է բռնկվել:

Հրդեհի բարդության «թիվ 3» կանչով դեպքի վայր են մեկնել տասը մարտական հաշվարկ և Ճգնաժամային կառավարման կենտրոնի արտակարգ իրավիճակների արձագանքման և օպերատիվ խմբերը:

Կտրվի լրացուցիչ տեղեկություն»:

Հետևեք մեզ նաև Telegram-ում