AM | RU
USD
EUR
RUB

Բրիտանիայում պահանջում են հետաքննություն սկսել Ադրբեջանի կողմից փողերի լվացման գործով. Բաքուն կրկին մեղադրում է հայերին

 
 

Միացյալ Թագավորության ընդդիմության ներկայացուցիչները հորդորել են վարչապետ Թերեզա Մեյին հետաքննություն սկսել՝ կապված Ադրբեջանի իշխանությունների կողմից փողերի լվացման գործի և դրանում բրիտանական ընկերությունների ունեցած ներգրավվածության հետ: Այս մասին հայտնում է բրիտնական հեղինակավոր The Guardian պարբերականը:

Ի պատասխան ընդդիմության ներկայացուցիչների կողմից հնչեցված պահանջի՝ Մեյի խոսնակը հայտնել է, որ Հանցագործությունների ազգային գործակալությունը կուսումնասիրի լրատվամիջոցների կողմից հրապարակված տեղեկությունները: «Գրասենյակը կուսումնասիրի՝ արդյոք կարիք կա հետաքննություն սկսելու»,- ասել է խոսնակը:

«Ժամանակն է հրապարակայնորեն լվանալ կեղտոտ սպիտակեղենը և հստակ պարզել, թե ով է ում վճարել և ինչու: Մենք ամբողջական հետաքննության կարիք ունենք՝ համոզվելու, որ կեղտոտ փողերը չեն օգտագործվել Միացյալ Թագավորությունում ազդեցություն գնելու նպատակով»,- ասել է Լիբերալ-դեմոկրատների նախկին առաջնորդ Թիմ Ֆարոնը:

Բրիտանիայի խորհրդարանի անդամ Մարգարիտ Հոդջն ընդգծել է, որ քանի դեռ իրենք չգիտեն, թե ովքեր են տնօրինել իրենց երկրում անօրինական գործունեություն ծավալած չորս ընկերությունները, նման անընդունելի փորձառությունը կարող է կրկվել:

Լեյբորիստական կուսակցության գլխավոր քարտուղար Փիթեր Դոուդը նշել է, որ փողերի լվացումը մեծապես վնասում է Միացյալ Թագավորության տնտեսությանը և կոռումպացնում հասարակությունը:

Անգլո-ադրբեջանական հանրության անդամ Ջովդաթ Գուլիևը, ով եղել է անօրինական գումարային փոխանցումների շահառուներից մեկը, այդ մասին բացահայտումից րոպեներ անց հրաժարական է տվել: Նա ստացել է շուրջ 400 հազար ֆունտ ստերլինգ գումար: British Petrolium-ի նախկին աշխատակիցն աշխատում է Ադրբեջանի պետական նավթային ընկերության համար:

Անգլո-ադրբեջանական հանրության համանախագահ, Լիբերալ-դեմոկրատ Լորդ Գերմանը նշել է, որ Գուլիևը հեռացել է The Guardian-ում արված հրապարակումից 9 րոպե անց: Նա ընդգծել է, որ Գուլիևին արված վճարումներից և ոչ մի գումար չի փոխանցվել հանրությանը:

Գերմանին ուղղված էլեկտրոնային նամակում Գուլիևը չի բացահայտել, թե որտեղից է ստացել գումարը, սակայն ասել է, որ այն օրինական է և «անձնական օգտագործման համար»:

Ուշագրավ է, որ պաշտոնական Բաքուն Ալիևների ընտանիքի հերթական ապօրինի գործունեության բացահայտմանը շատ բուռն է արձագանքել՝ անմիջապես մեղադրանքներ հղելով The Guardian-ի, հայկական սփյուռքի հասցեին: Առաջին պաշտոնական արձագանքի հեղինակը՝ Ադրբեջանի նախագահի օգնական Ալի Հասանովը, հայտարարել է, թե Ալիևների ռեժիմը դարձել է «բրիտնական հետախուզության, հայկական սփյուռքի և Միացյալ Նահանգների կողմից կազմակերպված սկանդալային արշավի զոհը»: «Ե՞րբ է The Guardian-ը գրել ճշմարտությունն Ադրբեջանի մասին: Այս պարբերականը տասնյակ տարիներ հայտնի է հակաադրբեջանական բնույթով»,- նշել էր Հասանովը՝ հրապարակված զեկույցը «կողմնակալ, անհիմն ու սադրիչ» անվանելով:

Ավելին, Ադրբեջանի նախագահի մամուլի ծառայությունից հայտարարել են, թե բացահայտումների թիկունքում կանգնած են ամերիկացի հայտնի ներդրող և միլիարդատեր Ջորջ Սորոսը և նրա հետ համագործակցող հայկական լոբբիստական ընկերությունները: «Այն փաստը, որ The Guardian-ում հրապարակված հոդվածի հեղինակներից մեկը հայ Դինա Նահապետյանն է, խոսում է այն մասին, որ այդ մեղադրանքների հետևում հայկական լոբբին է»,- ասվում է նախագահականի հայտարարության մեջ:

Ալիևների կողմից փողերի լվացման մասին նոր բացահայտումից անմիջապես հետո Ադրբեջանի իշխանություններն արգելափակել են երկրի ներսում հասանելիությունը Կազմակերպված հանցագործության և կաշառակերության լուսաբանման նախագծի (Organized Crime and Corruption Reporting Project) կայք: Հենց այս նախագիծն էր, որ հրապարակել էր այսպես կոչված «Ադրբեջանական լվացքատուն» անունը ստացած գործի մանրամասները:

«Ադրբեջանական լվացքատուն»-ը գործել է երկու տարի՝ մինչև 2014 թվականը: Կազմակերպված հանցագործության և կաշառակերության լուսաբանման նախագծի զեկույցում նշվում է, որ թեպետ գումարի աղբյուրը հայտնի չի եղել, սակայն կան «բավարար ապացույցներ նախագահ Իլհամ Ալիևի ընտանիքի հետ կապ ունենալու վերաբերյալ»:

Նշվում է, որ գումարի մեծ մասը վճարվել է լոբբիստներին, լրագրողներին, քաղաքական գործիչներին ու գործարարներին: Վճարման սխեման հատկապես հաջող է անցել Եվրախորհրդի Խորհրդարանական վեհաժողովում 2013 թվականին Ադրբեջանի համար խիստ կարևոր զեկույցի քվեարկության ժամանակ: Այդ քվեարկությունը, որը կապված է Ադրբեջանում քաղբանտարկյալների հետ, ներկայումս հետաքննության տակ է, դրա հետ կապված զեկույցը պատրաստ կլինի 2017 թվականի վերջին:

Ստվերային գործունեություն ծավալող ընկերությունները, որոնց միջոցով գումարները վճարվել են, գործել են Միացյալ Թագավորությունում՝ երկուսը Անգլիայում, երկուսը՝ Շոտլանդիայում: Դրանք այժմ լուծարված են: Եվրոպական հայտնի բանկերից մեկը՝ դանիական Danske Bank-ը, այդ ընկերություններին վճարումներ է արել Էստոնիայի իր մասնաճյուղի միջոցով:

 

Լրահոս
ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը Թոմաս դե Վաալն Արցախի մասնակցությունը բանակցային գործընթացին համարում է ակտուալ Ալեն Սիմոնյանը հրաժարվել է պատգամավորական մանդատից Ձերբակալվել է Միհրան Պողոսյանի օգնականը «Արսենալ»-ը նոր մարզչի անունը կհայտնի այս շաբաթ Կամաց-կամաց, ուզեն թե չուզեն, Արցախի ճանաչման գործընթացն սկսում է իր արդյունքները տալ. Կայծ Մինասյան ՀՀ նախագահն անդրադարձել է կոռուպցիոն շղթաների հայտնաբերման մասին ԱԱԾ պետի հայտարարությանը Ժամանակն է, որ վրացիները այն հաճախականությամբ այցելեն Հայաստան, որով հայերն են գնում Վրաստան Նիկոլ Փաշինյանը և Դեմետրիս Սիլուրիսը քննարկել են հայ-կիպրական հարաբերությունների հետագա զարգացմանն ուղղված մի շարք հարցեր Էներգետիկայի բնագավառում առկա փոխգործակցությունը հաջողությամբ կշարունակվի. Արթուր Գրիգորյան Ատեստավորման արդյունքում բարձր գնահատականներ ստացած ուսուցիչների աշխատավարձերը կբարձրանան Կրթական համակարգը պետք է քաղաքականից ազատել՝ թողնելով այն շնչի. ոլորտի փորձագետները բարձրաձայնում են խնդիրները ՀՀ վարչապետի տիկինը համաձայնել է լինել բարեգործական նոր հիմնադրամի հոգաբարձուների խորհրդի կազմում ՀՀ պաշտպանության նախարարի գլխավորած պատվիրակությունը մեկնել է Աստանա Կորեայի Հանրապետության նախագահը շնորհավորական ուղերձ է հղել Նիկոլ Փաշինյանին Բարձրագույն դատական խորհուրդը հանդիպել է Երևանի ընդհանուր իրավասության դատարանի դատավորների հետ Նախարարը գյուղոլորտի զարգացման կարևոր պայման է համարում կոոպերացիաների խթանումը Հայաստանը սպասում է ԵՄ անդամ երկրների խորհրդարանների կողմից համաձայնագրի ամբողջական վավերացմանը. ԱԳՆ խոսնակ Էլեկտրոնային կառավարման հարցում Էստոնիան պատրաստ է իր փորձը փոխանակել Հայաստանի հետ Նիկոլ Փաշինյանին շնորհավորական ուղերձ է հղել Ֆինլանդիայի վարչապետը Մեկնարկել են հայերենի դասեր Երևանի «Հատուկ կացարանի» բնակիչների համար ԿԳ նախարարը վստահեցնում է՝ «Քաղաքացիական պայմանագիր» կուսակցություն տնօրեններ կամ ռեկտորներ չեն ընդունվել Իսրայելի հետ հարաբերությունները զարգացնելու ուղենիշը շարունակական է լինելու. ԱԳՆ խոսնակ Սփյուռքի նախարարը Գարեգին Բ Կաթողիկոսին է ներկայացրել ոլորտի առաջնահերթությունների վերաբերյալ իր տեսլականը Ավստրալիայի Ռայդ քաղաքն ընդունել է Արցախի Հանրապետության անկախությանը սատարող բանաձև Փաշինյանը հանձնարարել է 10-օրյա ժամկետում ներկայացնել գերատեսչությունների կանոնադրությունների վերջնական տարբերակները Նիկոլ Փաշինյանն իմ երազած վարչապետը չէ, բայց ցանկացած բանակցություններում նրա մեջքին կանգնած եմ. Շարմազանով Պատկան մարմիններն աշխատում են դպրոցներում դրամահավաքները կանխելու ուղղությամբ Շարմազանովն այս պահին արտահերթ ընտրությունների անցկացման իրավական և քաղաքական հիմնավորումներ չի տեսնում Արտահերթ ընտրությունների անցկացմանը երկիրը պետք է պատրաստ լինի. Արարատ Միրզոյան Լեհաստանի նախարարների խորհրդի նախագահը հայ-լեհական հարաբերությունների զարգացման հույս է հայտնել Զինծառայող Լևոն Թորոսյանի մահվան գործով մեղադրանք է առաջադրվել կրտսեր սերժանտին Հայաստանը դուրս չի գա Բոլոնյան կրթական համակարգից Համատեղ ուժերով կարող ենք հասնել համազգային նպատակների կենսագործմանը. ՀՀ սփյուռքի նախարար Շարմազանովին անհանգստացնում է ռազմահայրենասիրական դաստիարակության վերաբերյալ ԿԳ նախարարի դիրքորոշումը Մոնղոլիայի վարչապետը շնորհավորել է ՀՀ վարչապետին Զինծառայողները կարող են բարձրաձայնել իրենց մտահոգությունների մասին 1-16 թեժ գծի համարով Ես մտահոգվելու առիթ չունեմ. Շարմազանովն անդրադարձել է ԱԱԾ տնօրենի խոստացած բացահայտումներին Բալայանը ԱԳՆ-ում կադրային փոփոխությունների մասին հարցին պատասխանեց՝ հղում անելով Նիկոլ Փաշինյանին Գևորգ Պետրոսյանը «Ծառուկյան» դաշինքի և Փաշինյանի միջև տարաձայնությունների վերաբերյալ տեղեկություն չունի
Խմբագրի ընտրություն
website by Sargssyan