Մակրոնը կոչ է անում կառուցել ավելի ուժեղ և միավորված Եվրոպա
Նմանատիպ
Ֆրանսիայի նախագահ Էմանուել Մակրոնն, ով իր կառավարման ընթացքում առաջին անգամ պետական այցով գտնվում է Հունաստանում, կոչ է անում Եվրոպան դարձնել ավելի ուժեղ և միավորված:
Այս մասին, ինչպես հաղորդում է «Արմենպրես»-ը, հայտնում է NewEurope-ը:
Բացի այդ, Մակրոնն ընդգծել է, որ Ֆրանսիան պլանավորում է Հունաստանի տնտեսության մեջ ներդրումներ կատարել:
«Ներկայումս Եվրոպայի ինքնիշխանությունն ու ժողովրդավարությունը սպառնալիքի տակ են: Չինաստանի և ԱՄՆ-ի նման մեծ ուժերի կողմից չկառավարվելու նպատակով՝ մենք պետք է կառուցենք ավելի ուժեղ և միավորված Եվրոպա: Ես հավատում եմ Եվրոպայի ինքնիշխանության ներուժին, որը մեզ թույլ կտա պաշտպանել ինքներս մեզ:
Մենք կցանկանայինք աջակցել Հունաստանի աճին և ներդրումներ կատարել նրա վերականգնման մեջ», – հայտարարել է Մակրոնը:
Ֆրանսիայի նախագահը հավելել է նաև, որ Ֆրանսիան Եվրոպայի վերակառուցման համար ճանապարհային քարտեզ կներկայացնի:
Հետևեք մեզ նաև Telegram-ում