Իսրայելը խորհուրդ է տվել իր քաղաքացիներին խուսափել Թուրքիա մեկնելուց

Իսրայելում ահաբեկչության դեմ պայքարի գրասենյակը նախազգուշացրել է այդ երկրի քաղաքացիներին սեպտեմբերի 20-ից սկսվող արձակուրդի ընթացքում խուսափել Թուրքիա և Սինայի թերակղզի մեկնելուց: Ինչպես հաղորդում է «Արմենպրես»-ը, այս մասին հայտնում է թուրքական CNN Turk-ը:

Հայտարարության մեջ նշվել է, որ Թուրքիան ու Սինայի թերակղզին ջիհադիստների թիրախում են, հետևաբար այդ տեղերում մեծ է հնարավոր ահաբեկչության վտանգը: