«Ծառուկյան» դաշինքը դատապարտում է նախօրեին Երևանի կենտրոնում մահվան ելքով կրակոցների միջադեպը և ակնկալում թափանցիկ հետաքննություն
15/09/2017 14:02
Նմանատիպ
«Ծառուկյան» դաշինքի համար մտահոգիչ և դատապարտելի է նախօրեին Երևանի կենտրոնում տեղի ունեցած մահվան ելքով կրակոցների միջադեպը: Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանն այս մասին ասաց «Ծառուկյան» խմբակցության քարտուղար Վահե Էնֆիաջյանը:
«Իրավապահ մարմինները պետք է կարողանան համապատասխան միջոցառումներ իրականացնել, որպեսզի ոչ միայն Երևանում, այլ Հայաստանի Հանրապետության ողջ տարածքում քաղաքացիները իրենց պաշտպանված զգան»,- ընդգծեց Էնֆիաջյանը:
Նրա խոսքով՝ իրավապահ մարմինները Երևանի կենտրոնում սեպտեմբերի 14-ին տեղի ունեցած դեպքի հետ կապված պետք է մաքսիմալ բաց և հրապարակային վարույթ իրականացնեն և մանրամասներ ներկայացնեն զարգացումները:
Հետևեք մեզ նաև Telegram-ում