Չեմ կարծում, որ խոսքը համատարած կրիմինալիզացիայի մասին է. Ռուստամյանը՝ Երևանի կենտրոնում կրակոցների մասին
15/09/2017 15:17
Նմանատիպ
Ազգային ժողովի ՀՅԴ խմբակցության ղեկավար Արմեն Ռուստամյանն անդրադարձել է սեպտեմբերի 14-ին Երևանի կենտրոնում մահվան ելքով կրակոցների միջադեպին: Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանը Արմեն Ռուստամյանը, մեկնաբանելով տեղի ունեցած միջադեպը, չհամաձայնեց դիտարկման հետ, թե Հայաստանում կրիմինալը իր գագաթնակետին է հասել:
«Այդպիսի երևույթներ միշտ էլ տեղի են ունենում, սակայն չեմ կարծում, որ համատարած կրիմինալիզացիայի մասին է խոսքը գնում: Սովորական կենցաղային կամ այլ հարցերի հետ կապված վեճեր են, որ կարող է ցանկացած երկրում տեղի ունենալ»,- ընդգծեց Ռուստամյանը:
Նրա խոսքով՝ կարևոր է, որպեսզի իրավապահ մարմինները ժամանակին արձագանքեն և կարողանան հնարավորինս կանխել նման զարգացումները:
Հետևեք մեզ նաև Telegram-ում