Մակրոնը կոչ է արել հնարավորինս սեղմ ժամկետներում վերացնել Կատարի դեմ էմբարգոն
15/09/2017 22:27
Նմանատիպ
Ֆրանսիայի նախագահ Էմանուել Մակրոնը կոչ է արել որքան հնարավոր է արագ վերացնել Կատարի նկատմամբ էմբարգոն: Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, Ֆրանսիայի նախագահը Փարիզում հանդիպում է ունեցել Կատարի էմիր Թամիմ Բին Համադ Ալ Թանիի հետ:
Ելիսեյան պալատում տեղի ունեցած հանդիպումից հետո Ֆրանսիայի նախագահը նշել է, որ էմբարգոն վնասում է Կատարի բնակչությանը:
Սաուդյան Արաբիան, ԱՄԷ-ն, Բահրեյնը և Եգիպտոսը հունիսի 5-ին խզել են դիվանագիտական հարաբերությունները Կատարի հետ և դադարեցրել տրասնպորտային կապն այդ երկրի հետ՝ մեղադրելով Կատարին ահաբեկչությանը սատարելու և իրենց երկրների գործերին միջամտելու մեջ:
Հետևեք մեզ նաև Telegram-ում