AM | RU
USD
EUR
RUB

Ադրբեջանին պետք է թաղել իր փորած «ատելության փոսում»

 
 

Վերջին ամիսների Ադրբեջանի ներքին և արտաքին քաղաքականության ուսումնասիրությունը ցույց է տալիս, որ Բաքվում ոչ մի կերպ չեն կարողանում հրաժարվել դեռևս 2000-ականների կեսերին որդեգրված քարոզչական դոկտրինից: Հայաստանին, Արցախին և համայն հայությանը տոտալ պատերազմ հայտարարած պաշտոնական Բաքուն կամ չի գիտակցում, որ աշխարհը վաղուց արդեն փոխվել է, և որևէ մեկին չի հետաքրքրում «20 տոկոսի և մեկ միլիոն փախստականների» մասին պատեհ-անպատեհ հայտարարությունները, կամ էլ` չի գտնում նոր իրողություններին համապատասխան դոկտրին, ուստի և իներցիայի ուժով գործարկում է ժամկետանց մոտեցումները: Ալիևյան քարոզչական մեքենան հաշվի չի առնում նաև այն հանգամանքը, որ վաղուց արդեն միջազգային իրավունքի ազգերի ինքնորոշման սկզբունքը չի ստորադասվում տարածքային ամբողջականության սկզբունքին:

Բաքվում չեն ցանկանում հասկանալ, որ Կոսովոյի, Հարավային Օսիայի, Աբխազիայի, Ղրիմի ժողովուրդների ինքնորոշման իրավունքի իրացման ճանաչումը գուցե աշխարհաքաղաքական կենտրոնների համար հակոտնյա մոտեցումներով է եղել, բայց բոլոր դեպքերում էլ ազգերի ինքնորոշման իրավունքը իրացվել է: Արևմուտքը չի կարող ոչ բարոյական, ոչ էլ իրավական բացատրություն տալ, թե ինչու՞ Կոսովոն կարող է անկախ պետություն լինել, իսկ Արցախը` ոչ: Նույն կերպ Ռուսաստանը չի կարող բացատրել, թե ինչու՞ օսերի, աբխազների և Ղրիմի բնակիչների ինքնորոշման իրավունքը պետք է հարգվի, իսկ արցախցիներինը` ոչ: Այլ կերպ ասած` ազգերի ինքնորոշման սկզբունքի մասին համառորեն լռող Բաքվի «ջայլամային քաղաքականությունը» վաղուց սպառել է իրեն, և միջազգային հարթակներում չունի այն հաջողությունը, ինչ ուներ 1990-ականներին:

Սեպտեմբերի սկզբին լեհական Կրինիցայում կայացած ամենամյա տնտեսական համաժողովին վերջնականապես համոզվեցի, որ միջազգային հարթակներում Ադրբեջանի հակահայկական մոտեցումները իսպառ հնացել են, բայց Ադրբեջանից գործուղվածները փորձում են ինչ-որ բան անել հենց վերը նշված սպառված դոկտրինի համատեքստում: Գաղտնիք չէ, որ Կրինիցայի համաժողովի նման հարթակներ Ադրբեջանը պատահական մարդկանց չի գործուղում, և հենց այդ պատճառով էլ կարելի է մեծ համոզվածությամբ պնդել, որ Բաքվում չեն կարողանում հրաժարվել քարոզչական պատերազմի վաղուց իրեն սպառած մեթոդաբանությունից: Ուշագրավ է, որ նման միջոցառումներին ադրբեջանցի մասնակիցների հետ մասնավոր զրույցները որպես կանոն ստացվում են(ադեկվատության մասով): Բայց հրապարակային պահվածքում ակնհայտ է, որ յուրաքանչյուրը փորձում է ապացուցել իր նվիրվածությունը ալիևյան «20 տոկոսի և մեկ միլիոն փախստականների» պաշտոնական դոկտրինին` Բաքվում խնդիրներ ունենալուց ապահովագրվելու համար:

Խնդիրն այն է, որ Ադրբեջանում իշխանությունը պահելու լավագույն գործիքը շարունակվում է դիտարկվել հայաֆոբիան ու վայրի ռևանշիզմը: Այլ բան, կարծես, իշխող վերնախավը չի կարողանում առաջարկել ոչ ներքին լսարանին, ոչ էլ արտաքին քաղաքականության շահառուներին: Այս պարագայում մարդիկ, ովքեր պետք է ներկայացնեն Ադրբեջանը միջազգային հարթակներում, ստիպված են շարժվել սպառված քարոզչական դոկտրինի կանոններով` հնարավորինս ընդգծելով իրենց նվիրավծությունն այս քաղաքականությանը: Եվ, բնավ, նրանց հետաքրքիր չէ, որ միջազգային հարթակներում վաղուց հոգնել են տարածքային ամբողջականության, 20 տոկոսի և մեկ միլիոն փախստականների մասին ադրբեջանական հին «բայաթիներից», կարևորը` իրենք հնչեցնեն, իսկ արդյունքը` էական չէ:

2016թ. ապրիլյան ռազմական արկածախնդրությունն ու բլոգեր Լապշինի պատմությունն էլ ապացուցեցին, որ Ադրբեջանի ղեկավարությունը, փաստացիորեն, քաղաքական ու քարոզչական ցայտնոտի մեջ է: Ուժի ցուցադրության այսրոպեական «հաճույքի» համար Բաքվում պատրաստ են վճարել հայրենակիցների հարյուրավոր դիակների գնով և հետագա քարոզչական աղետով: Չէ որ 2016թ. ապրիլյան մարտերը պայթեցրեցին ալիևյան այն միֆը, թե հաշված ժամերի ընթացքում ադրբեջանական բանակն ունակ է գրավել ողջ Արցախը: Իսկ Լապշինի պարագայում Իլհամ Ալիևը ստացավ հանրաճանաչ մեկին, ով բոլորին հասկանալի լեզվով ներկայացնելու է Ադրբեջանի իշխող ռեժիմի անմարդկային ու դիկտատորական էությունը:

Ինչևէ, Ադրբեջանում ստեղծված այս իրավիճակը մեզ մոտ երկակի զգացողություն պետք է առաջացնի: Մի կողմից` հայաֆոբիայի աճը վտանգ է մեզ համար, որ կարող է պայթել մեր սահմաններին, մյուս կողմից` հայաֆոբիան այն փոսն է, որի մեջ կարելի է թաղել ադրբեջանական պետականությունը:

Ամենալավ օրինակը Մերձավոր Արևելքի բռնապետություններն են, երբ հակահրեականությունն ու հակաիսրայելականությունը տարիներ շարունակ խթանվեցին, բայց վերջում ատելության ռումբը պայթեց ոչ թե Իսրայելի սահմանին, այլ այդ երկրների կենտրոնում: Հայաֆոբիան հենց այն փոսն է, որ կարող է թաղել ադրբեջանական պետականությունը: Քանի որ ռազմական ճանապարհով չի հաջողվում խնդիր լուծել, ապա իշխանությունը պահելու և իր սերունդներին փոխանցելու գործում Իլհամ Ալիևի ռեսուրսը ոչ թե Հայաստանի և Արցախի հետ պայմանավորվելն ու հակամարտությունը լուծելն է, այլ հայաֆոբիան պետական կրոնի մակարդակի բարձրացնելը: Իսկ ի՞նչ պետք է անենք մենք: Կարող է տարօրինակ թվալ, բայց այս հարցում պետք է օգնենք Ադրբեջանին: Պետք է օգնենք` ուժեղ լինելով` դեմոգրաֆիական առումով, տնտեսական ու ռազմական պոտենցյալի մեծացմամբ, ռազմական դաշնակիցների հետ հարաբերությունների խորացմամբ: Մենք շանս ունենք Ադրբեջանի հետ պատերազմը հաղթելու առանց պատերազմի: Մեր հզորությունը թույլ չի տալու ատելության էներգիան պայթեցնել մեր սահմաններին, և այդ էներգիայի ժայթքման այլ տեղ չի մնալու, քան դրա վերափոխված տարբերակի պայթյունը Ադրբեջանի ներսում` կրոնական, էթնիկ կամ տնտեսական(միջկլանային) պատճառներով: Եթե անկեղծ, ապա այլ ճանապարհ մենք չունենք: Այս պատերազմում հաղթելու տարբերակը մեկն է` մի քայլ առաջ լինել Ադրբեջանից պետական կառավարման արդյունավետությամբ և տնտեսության կազմակերպվածությամբ: Մնացածը` անկախ մեր կամքից է լինելու, մենք իրական հնարավորություն ունենք Ադրբեջանին թաղելու իր փորած ատելության փոսում: Ի վերջո, ոչ ֆիզիկայի օրենքներն է հնարավոր փոխել, ոչ էլ` պատմությանը խաբել…

Միհրան ՀԱԿՈԲՅԱՆ

Լրահոս
Ատոմ Ջանջուղազյանը ԱԺ-ին ներկայացրեց կուտակային կենսաթոշակների մասին օրենքում փոփոխությունների նախագիծը Ինչպե՞ս կարող էր բանակի գեներալը նման քայլ անել. Սասուն Միքայելյանը ծանր է տանում Մանվել Գրիգորյանի հետ կապված ԱԱԾ-ի բացահայտումը ՀՀ գլխավոր դատախազը խոստանում է տեղեկություններ ներկայացնել հանրությանը մարտի 1-ի գործի վերաբերյալ Ոստիկանները հայտնաբերել են «ԶԻՆՎՈՐԻ բաժին» գրառմամբ մսի պահածոներով մեքենաներ. բեռնվել են Նազիկ Ամիրյանի ցուցումով Մանվել Գրիգորյանի քրեական գործով այլ կասկածյալներ ևս կան. Արթուր Դավթյան Մանվել Գրիգորյանը նեղ մասնագիտական բժշկական օգնության կարիք ունի. փաստաբան Մանվել Գրիգորյանը ԱԱԾ աշխատակիցների կողմից հայտնաբերված ապրանքների հետ որևէ առնչություն չունի. պաշտպան Մանվել Գրիգորյանին պատկանող տարածքներում արված բացահայտումներն անակնկալ են եղել ՀՀԿ-ի համար 81 կողմ, 3 դեմ ձայներով ԱԺ-ն տվեց իր համաձայնությունը. Մանվել Գրիգորյանի նկատմամբ քրեական հետապնդում կհարուցվի Ոստիկանությունը Հովհաննես Հովսեփյանի և նրա թիկնազորի մեքենաներում հայտնաբերել է ինքնաձիգ և ատրճանակ, առկայծող փարոսիկներ, ռադիոկապ (տեսանյութ) Հակառակորդն Արցախի ՊԲ սահմանային դիտարկում իրականացնող անօդաչու թռչող սարք է խոցել ԱԺ-ում մեկնարկել է Մանվել Գրիգորյանին անձեռնմխելիությունից զրկելու քվեարկությունը ՀՀԿ-ն կողմ կքվեարկի Մանվել Գրիգորյանին անձեռնմխելիությունից և ազատությունից զրկելու միջնորդություններին Այս հարցում տարբեր ճամբարներ չկան. ՀՅԴ-ն կողմ կքվեարկի Մանվել Գրիգորյանին անձեռնմխելիությունից զրկելուն ՀՀ գլխավոր դատախազը ԱԺ-ին ներկայացրեց Մանվել Գրիգորյանին անձեռնմխելիությունից ու ազատությունից զրկելու հիմքերը Մանվել Գրիգորյանը շարքային դավաճան է, «մարադյոր է». Նաիրա Զոհրաբյան Ո՞նց կարելի էր հերոսից իջնել տուշոնկա գողացողի մակարդակի. Սարոյանը՝ Մանվել Գրիգորյանին Բանակի, զինվորի նկատմամբ ոտնձգություն կատարողը պետք է խստագույնս պատժվի. Գևորգ Կոստանյան Արդարադատության նախարարի տեղակալն ընդունել է Եվրոպական խորհրդարանի պատվիրակությանը Մունդիալ-2018. ինչ հանդիպումներ կան այսօր Զենքի սպառնալիքով մարդուն առևանգելու համար քաղաքացին ներգրավվել է որպես մեղադրյալ ԱԺ արտահերթ նիստ. օրակարգում Մանվել Գրիգորյանին անձեռնմխելիությունից զրկելու հարցն է. ՈւՂԻՂ Որոշ հեռուստաընկերություններ որոշել են հակապետական քարոզչություն իրականացնել. վարչապետ ՕՐՎԱ ԽՈՐՀՈՒՐԴԸ: Հունիսի 19 ԵԿՄ-ին փոխանցված պարագաների նպատակային օգտագործման գնահատականը պետք է տան իրավապահները 14-ամյա Հայկ Հարությունյանը դեռ չի հայտնաբերվել. դատախազությունը քրեական գործ է հարուցել սպանության հատկանիշներով ՀՀ գլխավոր դատախազությունը մանրամասներ է հաղորդել Մանվել Գրիգորյանին պատկանող տարածքներում կատարված խուզարկությունից Նիկոլ Փաշինյանը կարևորում է Գերմանական զարգացման բանկի հետ համագործակցության ակտիվացումը Բրյուսովի համալսարանում պահեստից խոշոր յուրացումներ կատարելու համար մեղադրանք է առաջադրվել պահեստապետին Մանվել Գրիգորյանին պատկանող տարածքում պահվող վագրը տեղափոխվում է Երևանի կենդանաբանական այգի ԱԱԾ-ն ռեպրեսիաներով չի զբաղվում և չի զբաղվի. Վանեցյան ՀՀ նախագահը ԶՈՒ շտաբի պետի տեղակալներ և առաջին բանակային կորպուսի հրամանատար է նշանակել Ստեփան Գալստյանը նշանակվել է զինված ուժերի գլխավոր շտաբի պետի տեղակալ Կենդանաբանական այգին աշխատանքներ է տանում Մանվել Գրիգորյանին պատկանող վայրի կենդանիների խնամքն ապահովելու համար ՊՆ փոխնախարարը ձեռնպահ է մնում Մանվել Գրիգորյանին պատկանող տարածքներում ԱԱԾ-ի բացահայտումները մեկնաբանելուց Օնիկ Գասպարյանը նշանակվել է զինված ուժերի գլխավոր շտաբի պետի առաջին տեղակալ Կոռուպցիայի հետ որևէ կոմպրոմիս չի լինելու. Նիկոլ Փաշինյան Հաջորդ կոռուպցիոն բացահայտումը կլինի «Երևան» հիմնադրամի հետ կապված. ԱԱԾ տնօրեն Մանվել Գրիգորյանը վստահ է՝ իր անունը կվերականգնի. պատգամավորը գործընկերներին կոչ է արել համաձայնություն տալ՝ իրեն անձեռնմխելիությունից զրկելու Արյունաբանական կենտրոնի անձնակազմը դեմ է ՀՀ ԱՆ գլխավոր արյունաբանի նշանակմանն առանց իրենց համաձայնության
Խմբագրի ընտրություն
website by Sargssyan