Հայկական վարորդական իրավունքների հարցը կլուծվի մոտ ժամանակներս. դեսպան Վոլինկին
20/09/2017 17:45
Նմանատիպ
Ռուսաստանի Դաշնությունում հայկական վարորդական իրավունքների ճանաչման հարցը կլուծվի մոտ ժամանակներս և ՌԴ-ում աշխատելու հնարավորություն կստեղծվի: Այս մասին լրագրողների հետ զրույցում ասաց ՀՀ-ում Ռուսաստանի Դաշնության արտակարգ և լիազոր դեսպան Իվան Վոլինկինը:
«Դեռ հստակ ժամկետներ չկան, բայց այն, որ այդ հարցը կլուծվի` միանշանակ է: Հարցը նրանում է, որ խորհրդարանում ընդունվել էր օրենսդրական ակտ և, որպեսզի որոշ փոփոխություններ մտցվեն հարկավոր է լրացուցիչ օրենսդրական ակտ: Եվ քանի որ խորհրդարանները նոր են սկսել իրենց աշխատանքը, մոտակա ժամանակում հարցը կլուծվի»,- նշեց Վոլինկինը:
2017 թվականի հունիսի 1-ից ՌԴ-ում ուժի մեջ են մտել այլ երկրների վարորդական իրավունքներով վարելու սահմանափակումները:
Հետևեք մեզ նաև Telegram-ում