Վարչապետը պահանջեց հատուկ ուշադրություն դարձնել խոշոր ջրամբարների թերլցման խնդրին
Նմանատիպ
Ջրային տնտեսության պետական կոմիտեի նախագահը վարչապետ Կարեն Կարապետյանին զեկուցել է, որ վերջին շրջանում առավել դրսևորվում են հանրապետության խոշոր ջրամբարների թերլցման ռիսկերը:
«Դրանով պայմանավորված՝ առաջանում են ոռոգման նպատակով ջրամատակարարման խափանման դեպքեր: Հանրապետության մակերևութային, մասնավորապես ջրամբարները սնող ջրահոսքերը կարգավորելու, ջրամբարների առավել լցվածություն ապահովելու, ոռոգման անխափան ջրամատակարարում իրականացնելու նպատակով, ինչպես նաև ի լրումն փոքր և միջին ջրամբարաշինության ծրագրերի մշակման վերաբերյալ նախորդ հանձնարարականի՝ հանձնարարում եմ Բնապահպանության նախարարին և Ջրային տնտեսության պետական կոմիտեի նախագահին՝ 1-շաբաթյա ժամկետում կառավարության աշխատակազմ ներկայացնել ջրամբարները սնող ջրահոսքերի հուների մաքրման աշխատանքների կատարման վերաբերյալ առաջարկություն և գործողությունների ծրագիր»,- ասաց վարչապետը: Կարեն Կարապետյանը հատկապես Բնապահպանության նախարարությունից պահանջեց հատուկ ուշադրություն դարձնել այս հանձնարարականի վրա:
Հետևեք մեզ նաև Telegram-ում