AM | RU
USD
EUR
RUB

Ամերիկացի գրողը, հայ արտադրողն ու նրանց միավորող «Խատուտիկի գինին»

 
 

Ամերիկացի հայտնի գրող Ռեյ Բրեդբերրիի «Խատուտիկի գինի»-ն Գագիկ Թամազյանին դիվանագիտությունից տարավ դեպի գինեգործություն: Բրեդբերրիի նկարագրած արևահատ խատուտիկի գինին մի հեքիաթ էր, որը Գագիկը որոշեց իրական դարձնել: Դրա համար երեք տարի պահանջվեց: Դպրոցական տարիքից քիմիայի ու կենսաբանության հանդեպ ունեցած սերն այստեղ շատ օգնեց նորարար երիտասարդին: Փորձերն ու փորձարկումներն իրենց հերթին, տարբեր գինեգործների հետ հանդիպումներն ու գինետներ այցելություններն` իրենց, անիրական թվացող գաղափարն իրական դարձրին: Եվ արդեն 9 ամիս է, «Խատուտիկի գինի»-ն տարբեր գինետների էքսկլյուզիվն է համարվում:

«Խատուտիկը հավաքում և չորս ժամվա ընթացքում մշակում ենք, այսինքն` թերթիկները մեկ-մեկ պոկում ենք, որպեսզի չկորցնի համահոտային հատկությունները: Քանի որ ծաղիկը չենք կարող լվանալ, որովհետև կկորցնենք ծաղկափոշին, ուստի հավաքում ենք միայն մաքուր վայրերից, հիմնականում` Արագածի փեշերից»,-Աշտարակի իր գինեգործարանում կազմակերպվող տեխնոլոգիական գործընթացի առաջին քայլը սիրով բացահայտում է երիտասարդ գինեգործը:

Խատուտիկի գինին, ինչպես Գագիկն է ասում, բիզնես-նպատակ չէր հետապնդում ոչ սկզբում, ոչ էլ հիմա, բայց այն դարձավ «Butterfly» ընկերության այցեքարտը: Դրա մասին ամենաթարմ վկայությունն այս տարվա ապրիլին անցկացված «Երևանի գինու օրեր» փառատոնն է. 300 մլ տարողությամբ ապակե շշերով սպիտակադեղնավուն «Խցանված ամառն»-ը ոչ միայն ամենաքննարկվողն էր, այլև` ամենաշատ վաճառվածը: Սակայն բազմաթիվ հաջող դեգուստացիաներն էլ Գագիկին չկարողացան համոզել «Խատուտիկի գինի»-ն դիտարկել բիզնես տեսանկյունուց. ոչ թե գինի, այլ`«քվինտ- էսենցիա» (իդեալական համաձուլվածք) ալքիմիական հասկացությունով բնորոշվող խմիչքը հեղինակը չէր կարող բիզնես-գործիք դարձնել:

Գինեգործական բիզնեսի ուղղությամբ երիտասարդը մտածեց այն ժամանակ, երբ իր մշակած տեխնոլոգիայով առաջին անգամ բանանից ստացավ գինի: «Գինի պատրաստող ցանկացած մարդու որ հարցնեք, թե ինչից է հնարավոր գինի ստանալ, կպատասխանի` խաղողից: Բայց մենք գինի ստանում ենք նաև այլ պտուղներից` իմ մշակած տեխնոլոգիայով: Ստանում ենք բանանի հյութ, հետո փոխում ենք նրա մոլեկուլային կառուցվածքը և ստանում խաղողի հյութ` պահպանելով, սակայն, համահոտային հատկանիշները, որից հետո ավանդական տեխնոլոգիայով դրանից ստանում ենք գինի»,-ասում է Գագիկն ու հավելում, որ իրենց ստացած գինին ունի յուրահատուկ համ, բայց ոչ երբեք` բանանի: Գինեգործության մեջ ունեցած չորսամյա փորձն ու տեսական գրականությունն են Գագիկին հիմք տալիս պնդելու, որ բանանից, նարնջից կամ այլ պտղից բնական ճանապարհով ստացված գինին ոչ մի դեպքում հումքի համը չի կարող ունենալ, իսկ եթե ունի, ուրեմն գինու մեջ հավելանյութեր կան:

Բանանին հաջորդեց նարինջը, հետո` կակաոն: Գինու առաջին երկու տեսակները փորձարարական փուլը հաջողությամբ անցել, բայց դեռ շուկայում չեն հայտնվել, իսկ երրորդը դեռ պիտի փորձարկվի:

Գագիկը վստահեցնում է` հայ սպառողը հնարավորություն կունենա ձեռք բերելու «Butterfly»-ի տեսականին, բայց թիրախային շուկան գինեգործը Եվրոպայում է տեսնում: «Հայաստանում էքսկլյուզիվի սիրահարներ այդքան էլ չկան, դրա համար էլ մտածում եմ արտադրանքն արտասահմանում իրացնելու ուղղությամբ: Հավանաբար կարտադրվի Հայաստանում ու կարտահանվի եվրոպական երկրներ` հիմնականում Գերմանիա»,-ասում է «Butterfly»-ի հիմնադիրը:

Երիտասարդ գինեգործը հավատում է, որ ինչպես կարողացավ խատուտիկից գինի ստանալ` այն դեպքում, երբ ոչ ոք չէր հավատում դրան, այնպես էլ կկարողանա զարմացնել եվրոպացի սպառողին` հայկական արտադրության բացառիկ գինիներով:

Լիլիթ ՊՈՂՈՍՅԱՆ

Լրահոս
ՀՀ տարածքում կան դժվարանցանելի և փակ ավտոճանապարհներ, որոշ տեղերում տեղ- տեղ առկա է մերկասառույց «Ժամանակ». Բունտ է հասունանում «Հրապարակ». Պարգևավճարները ժամանակին բաց տեղեկատվություն են եղել «168 Ժամ». Հունիսին Փաշինյանն ու Ալիևը համաձայնագիր են ստորագրելու «Ժամանակ». Հայաստանում կսկսվի՞ «դեղին բաճկոնավորների» շարժում «Հրապարակ». «Նակոլկա Շուշոյից» շարունակ դժգոհում են «Ժողովուրդ». Արամ Հարությունյանի նկատմամբ մեկ այլ դրվագով էլ է քրգործ հարուցված եղել «Հրապարակ». Արագածոտնի մարզպետը հորդորել է, որ պարգևատրումների հրամանը չտեղադրվի մարզպետարանի կայքում «Փաստ». Գոտիականությունը փոխել են, որ լիցենզիայի գումարները քիչ վճարեն ՕՐՎԱ ԽՈՐՀՈՒՐԴԸ: Հունվարի 24 «Ոչ պաշտոնական դիվանագիտություն». Փաշինյան-Ալիև դավոսյան հանդիպման հետքերով… Վլադ Ասատրյանն ընտրվել է Ճարտարապետության և շինարարության Հայաստանի ազգային համալսարանի հոգաբարձունների խորհրդի նախագահ Աշոցքի ավտոճանապարհներին թույլ ձյուն է տեղում Փաշինյանն ու Բոլթոնը քննարկել են երկկողմ հարաբերություններն ու իրավիճակը տարածաշրջանում ԵՄ դեսպանի հետ հանդիպմանն Արարատ Միրզոյանը կարևորել է ՀՀ քաղաքացիների համար ԵՄ վիզաների դյուրացման երկխոսության մեկնարկը Ստեփանակերտը ողջունում է Փաշինյան-Ալիև հանդիպումները՝ բանակցային գործընթացի շարունակման առումով Արմեն Աշոտյան. «Փաշինյանը խուսափեց հիմնական հարցերից և խորացրեց առկա անհանգստությունը Ղարաբաղյան հակամարտության կարգավորման ներկայիս փուլի շուրջ» Ֆինլանդիայի նախագահ․ ԼՂ հարցի լուծման համար ավելի շատ օպտիմիզմ կա Կոտայքի մարզում կհիմնվի վերելակների արտադրություն և կմեկնարկեն ներմարզային երթուղային ցանցը հիմնովին բարելավելու աշխատանքներ Փաշինյանը մանրամասներ է ներկայացրել Ալիևի հետ հանդիպումից Դավոսում Նիկոլ Փաշինյանի հետ հանդիպմանը մի խումբ գործարարներ Հայաստանում նոր ներդրումներ կատարելու ցանկություն են հայտնել Արցախա-ադրբեջանական սահմանին հրադադարի խախտումների քանակը կտրուկ նվազել է. Դավիթ Բաբայան Բողոքի ակցիա` քաղաքապետարանի դիմաց. պահանջում են տրանսպորտի խնդիրների շուտափույթ լուծում Պեսկով. Պուտինի օրակարգում Փաշինյանի հետ հանդիպում դեռ չկա Հայաստանում տեղի կունենա առաջին «Ավրորա» ֆորումը Stratfor. Ի՞նչ է նշանակում հայ-ռուսական հարաբերությունների սառնությունը Ադրբեջանն ու Թուրքիան Հայաստանի համար պատրաստում են փաթեթային համաձայնագիր Թուրքիան չարաշահում է Ինտերպոլը՝ վարչակարգի հակառակորդներին արտահանձնելու համար ՀՀ տարածքում կան դժվարանցանելի և փակ ավտոճանապարհներ, որոշ տեղերում առկա է մերկասառույց «Ժամանակ». ԵՄ-ի կողմից Նաիրա Զոհրաբյանը առաջարկ է ստացել «Հրապարակ». ԱԺ նախկին նախագահ Սամվել Նիկոյանի կնոջ դեղատունը ՀԴՄ չխփելու համար տուգանվել է «Ժողովուրդ». Արմեն Մարտիրոսյանը մեկնել է Կանադա մշտական բնակության «Հրապարակ». ՀՖՖ նախագահ Արթուր Վանեցյանի խորհրդական է նշանակվելու Զոհրապ Եգանյանը «Ժողովուրդ». ՅՈՒՆԵՍԿՕ-ում քոչարին գրանցվել է որպես Նախիջևանի ազգային խմբակային պար ՕՐՎԱ ԽՈՐՀՈՒՐԴԸ: Հունվարի 23 Ալիևի հետ հանդիպելու Փաշինյանի անհագ ցանկությունը Նիկոլ Փաշինյանը և Իլհամ Ալիևը մտքեր են փոխանակել ԼՂ հակամարտության կարգավորման հետագա քննարկումների մասին Փաշինյանը ներկայացրել է ԵԱՏՄ-ում Հայաստանի նախագահության առաջնահերթությունները Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ Ուկրաինայի նախագահի ընտրություններում Սաակաշվիլին իր աջակցությունն է հայտնել Տիմոշենկոյին
Խմբագրի ընտրություն
website by Sargssyan