ՀՀ Նախագահի աշխատակազմի կրճատման արդյունքում տնտեսված միջոցները կուղղվեն պահուստային ֆոնդ

Հայաստանի Նախագահի 2017 թվականի սեպտեմբերի 1-ի կարգադրությամբ ՀՀ Նախագահի աշխատակազմի աշխատողների ընդհանուր թիվը փոխվել է, որի արդյունքում աշխատողների քանակը նվազել է 54 հաստիքային միավորով: Դրանով պայմանավորված ՀՀ կառավարությունը վերաբաշխում է կատարելու 2017 թվականի պետական բյուջեում. հարցը գտնվում է գործադիրի հոկտեմբերի 5-ի նիստի օրակարգում:

Համաձայն վերը նշվածի` ՀՀ Նախագահի աշխատակազմին 2017 թվականի պետական բյուջեով հատկացված միջոցներից 29 մլն դրամը կուղղվի կառավարության պահուստային ֆոնդ: