AM | RU
USD
EUR
RUB

Մեզ մոտ ֆուտբոլային անկումը սկսվել է շատ ավելի վաղուց, քան կարելի է պատկերացնել

 
 

Թեպետ Հայաստանը երբեք ֆուտբոլային գերտերություն չի եղել, բայց այնուամենայնիվ մենք ունեցել ենք գեղեցիկ ֆուտբոլային ավանդույթներ, մշակույթ ու պատմություն: Ունեցել ենք ֆուտբոլային դպրոց, որը մշտապես ապահովել է հայկական ֆուտբոլի շարունակականությունը:

Դեռևս շատ չի անցել խորհրդային ժամանակներից ու բացի անկախության սերնդից, բոլորը կհիշեն, որ ցանկացած հանդիպում ուղեկցվում էր լեփ լեցուն հանդիսատեսներով: Մարդիկ պարզապես ապրում էին ֆուտբոլով: Այժմ նույնպես մարդիկ ապրում են ֆուտբոլով, սակայն հայկական ֆուտբոլն այլևս գոյություն չունի: Այն ինչ այսօր կա, ֆուտբոլ անվանելը պարզապես զավեշտ է:

Բայց դրանում մեղավոր են անխտիր բոլորը, ովքեր կապ ունեն ֆուտբոլի հետ: Առաջին հերթին մեղավոր է ֆուտբոլային ղեկավարությունը, հետո երկրի բարձրագույն իշխանությունը, որը իր անտարբերությամբ ֆուտբոլը հանձնել է մեկ մարդու գերիշխանությանը, ինչի արդյունքում մենք ունենք խայտառակ պատկեր: Մեղավոր են նաև ֆուտբոլիստները, թեպետ նրանց մեղավորություն ամենափոքրն է, բայց այնուամենյնիվ մեղավոր են և նրանք:

Գաղտնիք չէ, որ Հայաստանի ներքին առաջնությունը չի հետաքրքրում աշխարհին, թեպետ այն իր ցածր մակարդակի պատճառով չի հետաքրքրում նաև հայաստանցիներին ու դժվար է պատկերացնել, որ որևէ եվրոպական ակումբի սկաուտներ կժամանան Հայաստան հետևելու մեր ներքին առաջնությանը: Բնականաբար մեր ֆուտբոլիստների համար միայն միջազգային խաղերն են այն հարթակը, որտեղ կարող են հայտնվել ուշադրության կենտրոնում ու եվրոպական ակումբներ տեղափոխվելու հույս ունենալ: Անշուշտ նրանց մեծամասնությունը խաղում է Հայաստանից դուրս, սակայն այն ակումբները, որոնք ներկայացնում են, նույնպես առանձնապես մեծ համարում չունեն ու նույնպես գտնվում են սկաուտների հիմնական ուշադրությունից այն կողմ:

Բայց ինչևէ, խաղում են այնքան, որքան կարող են ու հետևաբար ֆուտբոլի զարգացումը դրված է ոչ թե նրանց ուսերին, այլ ֆուտբոլային ղեկավարության: Այսօրվա պարտությունը լեհերից ֆուտբոլային ողբերգություն կարելի է համարել ոչ թե բուն պարտության, այլ անհույս ապագայի առումով: Պարտվել կարող են բոլորը, այդ թվում և խոշոր հաշվով: Չմոռանանք, որ դեռևս ոչ վաղ անցյալում ֆուտբոլային գերաստղ Բրազիլիան խոշոր հաշվով պարտվեց Գերմանիային: Ընտրական փուլի արգելքը չհաղթահարել նույնպես կարող են բոլորը: Փաստենք, որ աշխարհում եթե չեմ սխալվում միայն Բրազիլիան է, ով անխտիր մասնակցել է աշխարհի բոլոր առաջնություններին: Բայց յուրաքանչյուր ֆուտբոլային քիչ թե շատ պատմություն ունեցող երկիր, դրանից հետո արել է հետևություններ, շտկումներ ու հաջորդ մրցաշարերին ներկայացել նոր դեմքով ու կազմով:

Սակայն մեզ մոտ ֆուտբոլային անկումը սկսվել է դեռևս շատ ավելի վաղուց, քան կարելի է պատկերացնել: Նորանկախ Հայաստանում ֆուտբոլին առաջին հարվածը հասցվեց այն ժամանակ, երբ «Հրազդան» և Հանրապետական մարզադաշտերը վերածվեցին տոնավաճառների: Առաջին հայացքից թվում է դա հնարավոր է անմիջական կապ չունենա ֆուտբոլի հետ, որովհետև ցանկության դեպքում կարելի է լավ խաղալ, առանց հաշվի առնելու մեր մարզադաշտերի անհեթեթ կարգավիճակը: Սակայն դա այդպես չէ: Դա վառ ապացույցն է մեր ֆուտբոլի նկատմամբ ունեցած անլուրջ վերաբերմունքի: Լավ աշխատելու համար ոչ միայն պետք է տաղանդ ու աշխատասիրություն, այլ նաև այդ ամեն ինչին նպաստող մթնոլորտ ու միջավայր: Հնարավոր չէ լավ աշխատել, երբ աշխատավայրդ ավերված է:

Այնուհետև դրան հաջորդեցին ներքին առաջնությանը մասնակցող ակումբների նկատմամբ կամայական մոտեցումներն ու անձնական շահից ելնելով այս կամ այն ակումբին գերիշխող կարգավիճակի շնորհումը: Բնականաբար դա չէր կարող չսպանել ֆուտբոլը, դա չէր կարող չազդել ոչ միայն արդեն դաշտում խաղացող ֆուտբոլիստների, այլ նաև ֆուտբոլային կյանք մուտք գործող պատանի սերնդի վրա:

Երբ Ֆուտբոլի ֆեդերացիայի նախագահը արգելում է հավաքականի առաջատար ֆուտբոլիստների հրավերքը հավաքական ու երբ այդ արգելքը անկարող են լինում հաղթահարել նույնիսկ մարզիչները, ապա դա նաև հարված է մարզչական հեռանկարին, քանի որ որևէ իրեն հարգող արտասահմանցի մասնագետ չի ցանկանա հայտնվել ստրկական կարգավիճակում ու ընդունել մեկ մարդու թագավորական գերիշխանությունը:

Արգելելով Յուրա Մովսիսյանի ու Ռոբերտ Արզումանյանի մուտքը հավաքական, դրանով թիմը ոչ միայն դարձավ անատամ, այլև ստեղծվեց բարոյահոգաբանական անառողջ մթնոլորտ: Իվերջո Յուրա Մովսիսյանն ու Ռոբերտ Արզումանյանը սոսկ անհատներ են ու կարող են և սխալվել կամ ինչ որ ժամանակահատված ցույց չտալ այն խաղը, որը ակնկալվում է: Թեպետ չմոռանանք, որ վերջին անգամ Հայաստանը ՖԻՖԱ-ի վարկանիշային աղյուսակում 30-րդ հորիզոնականն էր զբաղեցրել, երբ նշված ֆուտբոլիստները ապահովում էին հարձակման գիծը:

Սակայն շեշտում եմ, որ հարցը միայն անհատները չեն: Խնդիրը այն ճնշող մթնոլորտն է, որն առկա է մեր ֆուտբոլում: Ցանկացած նմանատիպ իրավիճակ սպանում է ֆուտբոլային մշակույթը, սպանում է խաղալու ցանկությունն ու կոտրում հնարավոր մոտիվացիան: Ցանկացած նմանատիպ քայլ կոտրում է նաև գալիք սերունդների ֆուտբոլով լրջորեն զբաղվելու ցանկությունը: Քանի որ որևէ մեկը չի ցանկանա Հայաստանում զբաղվել մի բանով, որը հեռանկար չունի ու ողջ մանկությունն ու պատանեկությունը վատնել միայն այն հույսով, որ հնարավոր է ինքն էլ մի օր Հենրիխ Մխիթարյանի պես հանդես գա եվրոպական գրանդ ակումբում:

Որքան էլ չարագուշակ թվա, քանի դեռ ֆուտբոլային ֆեդերացիան գտնվում է այսօրվա ղեկավարության ձեռքին, քանի դեռ թիմում տիրում է նման ճնշված մթնոլորտ, քանի դեռ ներքին առաջնությունը գտնվում է նման խղճուկ վիճակում, քանի դեռ մեզ՝ երկրպագուներիս պատում է ավելացող հուսահատությունը և մինչև երկրի բարձրագույն իշխանությունը գործնական, հստակ ու արմատական քայլեր չձեռնարկի իրավիճակը շտկելու, Հայաստանի հավաքականը երբեք չի մասնակցի որևէ միջազգային մրցաշարի փլեյ օֆֆ խաղերին, իսկ Հենրիխ Մխիթարյանը կլինի առաջին ու վերջին մարդը Հայաստանից, ով կխաղա եվրոպական գրանդ ակումբում:

Կարեն ԿԱՐԱՊԵՏՅԱՆ

Լրահոս
ՀՀ տարածքում կան դժվարանցանելի և փակ ավտոճանապարհներ, որոշ տեղերում տեղ- տեղ առկա է մերկասառույց «Ժամանակ». Բունտ է հասունանում «Հրապարակ». Պարգևավճարները ժամանակին բաց տեղեկատվություն են եղել «168 Ժամ». Հունիսին Փաշինյանն ու Ալիևը համաձայնագիր են ստորագրելու «Ժամանակ». Հայաստանում կսկսվի՞ «դեղին բաճկոնավորների» շարժում «Հրապարակ». «Նակոլկա Շուշոյից» շարունակ դժգոհում են «Ժողովուրդ». Արամ Հարությունյանի նկատմամբ մեկ այլ դրվագով էլ է քրգործ հարուցված եղել «Հրապարակ». Արագածոտնի մարզպետը հորդորել է, որ պարգևատրումների հրամանը չտեղադրվի մարզպետարանի կայքում «Փաստ». Գոտիականությունը փոխել են, որ լիցենզիայի գումարները քիչ վճարեն ՕՐՎԱ ԽՈՐՀՈՒՐԴԸ: Հունվարի 24 «Ոչ պաշտոնական դիվանագիտություն». Փաշինյան-Ալիև դավոսյան հանդիպման հետքերով… Վլադ Ասատրյանն ընտրվել է Ճարտարապետության և շինարարության Հայաստանի ազգային համալսարանի հոգաբարձունների խորհրդի նախագահ Աշոցքի ավտոճանապարհներին թույլ ձյուն է տեղում Փաշինյանն ու Բոլթոնը քննարկել են երկկողմ հարաբերություններն ու իրավիճակը տարածաշրջանում ԵՄ դեսպանի հետ հանդիպմանն Արարատ Միրզոյանը կարևորել է ՀՀ քաղաքացիների համար ԵՄ վիզաների դյուրացման երկխոսության մեկնարկը Ստեփանակերտը ողջունում է Փաշինյան-Ալիև հանդիպումները՝ բանակցային գործընթացի շարունակման առումով Արմեն Աշոտյան. «Փաշինյանը խուսափեց հիմնական հարցերից և խորացրեց առկա անհանգստությունը Ղարաբաղյան հակամարտության կարգավորման ներկայիս փուլի շուրջ» Ֆինլանդիայի նախագահ․ ԼՂ հարցի լուծման համար ավելի շատ օպտիմիզմ կա Կոտայքի մարզում կհիմնվի վերելակների արտադրություն և կմեկնարկեն ներմարզային երթուղային ցանցը հիմնովին բարելավելու աշխատանքներ Փաշինյանը մանրամասներ է ներկայացրել Ալիևի հետ հանդիպումից Դավոսում Նիկոլ Փաշինյանի հետ հանդիպմանը մի խումբ գործարարներ Հայաստանում նոր ներդրումներ կատարելու ցանկություն են հայտնել Արցախա-ադրբեջանական սահմանին հրադադարի խախտումների քանակը կտրուկ նվազել է. Դավիթ Բաբայան Բողոքի ակցիա` քաղաքապետարանի դիմաց. պահանջում են տրանսպորտի խնդիրների շուտափույթ լուծում Պեսկով. Պուտինի օրակարգում Փաշինյանի հետ հանդիպում դեռ չկա Հայաստանում տեղի կունենա առաջին «Ավրորա» ֆորումը Stratfor. Ի՞նչ է նշանակում հայ-ռուսական հարաբերությունների սառնությունը Ադրբեջանն ու Թուրքիան Հայաստանի համար պատրաստում են փաթեթային համաձայնագիր Թուրքիան չարաշահում է Ինտերպոլը՝ վարչակարգի հակառակորդներին արտահանձնելու համար ՀՀ տարածքում կան դժվարանցանելի և փակ ավտոճանապարհներ, որոշ տեղերում առկա է մերկասառույց «Ժամանակ». ԵՄ-ի կողմից Նաիրա Զոհրաբյանը առաջարկ է ստացել «Հրապարակ». ԱԺ նախկին նախագահ Սամվել Նիկոյանի կնոջ դեղատունը ՀԴՄ չխփելու համար տուգանվել է «Ժողովուրդ». Արմեն Մարտիրոսյանը մեկնել է Կանադա մշտական բնակության «Հրապարակ». ՀՖՖ նախագահ Արթուր Վանեցյանի խորհրդական է նշանակվելու Զոհրապ Եգանյանը «Ժողովուրդ». ՅՈՒՆԵՍԿՕ-ում քոչարին գրանցվել է որպես Նախիջևանի ազգային խմբակային պար ՕՐՎԱ ԽՈՐՀՈՒՐԴԸ: Հունվարի 23 Ալիևի հետ հանդիպելու Փաշինյանի անհագ ցանկությունը Նիկոլ Փաշինյանը և Իլհամ Ալիևը մտքեր են փոխանակել ԼՂ հակամարտության կարգավորման հետագա քննարկումների մասին Փաշինյանը ներկայացրել է ԵԱՏՄ-ում Հայաստանի նախագահության առաջնահերթությունները Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ Ուկրաինայի նախագահի ընտրություններում Սաակաշվիլին իր աջակցությունն է հայտնել Տիմոշենկոյին
Խմբագրի ընտրություն
website by Sargssyan