Կատալոնիայի իշխանությունները «խորհրդանշական ակտ» են համարում անկախության հռչակումը
Նմանատիպ
Կատալոնիայի Ժեներալիտետի ղեկավար Կառլես Պուչդեմոնի, ինչպես նաեւ այլ քաղաքական գործիչների կողմից անկախության հռչակագրի ստորագրումը խորհրդանշական ակտ է: Այդ մասին, ինչպես տեղեկացնում է «Արմենպրես»-ը, հայտարարել է Կատալոնիայի կառավարության պաշտոնական ներկայացուցիչ Ժորդի Տուրուլը:
«Ստորագրումը խորհրդանշական ակտ է, որի օգնությամբ մենք բոլորս հավաստեցինք անկախություն հռչակելու մեր հանձնառությունը»,- ասել է Տուրուլը TV3 կատալոնյան հեռուստաալիքին տված հարցազրույցում: Նա նաեւ կոչ է արել Իսպանիայի վարչապետ Մարիանո Ռախոյին՝ նշանակել Կատալոնիայի իշխանությունների հետ բանակցությունների «օրը, վայրը եւ ժամանակ»:
Քաղաքական գործիչը նաեւ հայտարարել է՝ եթե Իսպանիայի կառավարությունը գործի դնի Սահմանադրության 155-րդ հոդվածը, դա կնշանակի, որ «նրանք չեն ցանկանում երկխոսություն վարել, իսկ մենք կկատարենք մեր պարտավորությունները»: Այդ հոդվածը թույլ է տալիս Կատալոնիային մասնակիորեն զրկել ինքնակառավարումից, հաղորդել է ՌԻԱ Նովոստին:
Հետևեք մեզ նաև Telegram-ում