AM | RU
USD
EUR
RUB

Արմեն Ջիգարխանյանը հիվանդանոցում է. դերասանի քույրը մանրամասներ է հաղորդել եղբոր վիճակից եւ սկանդալային միջադեպից

 
 
 

Դերասան, բեմադրիչ, ժողովրդական արտիստ Արմեն Ջիգարխանյանը հիվանդանոցում է: Դերասանի քույրը` Մարինա Ջիգարխանյանը, «Կոմսոմոլսկայա պրավդա» պարբերականին մանրամասներ է ներկայացրել եղբոր առողջական վիճակից եւ նրա շուրջ ծագած սկանդալային միջադեպից:

Օրեր առաջ դերասանի կինը` Վիտալինա Ցըմբալյուկ- Ռոմանովսկայան, հաղորդել էր, որ Արմեն Ջիգարխանյանին առեւանգել են: Դերասանի կինը դրանում մեղադրել է ամուսնու գործընկերներ Հայրապետ Հովհաննիսյանին ու Արթուր Սողոմոնյանին, ովքեր, ըստ Ջիգարխանյանի կնոջ, աչք են դրել թատրոնի վրա: Վիտալինան այս մասին հաղորդել է նաեւ ոստիկանությանը:

Հետագայում հայտնի է դառնում, որ կնոջ մասին ոստիկանությունում հաղորդում է տվել նաեւ հենց ինքը` Ջիգարխանյանը: Համացանցում լուրեր են պտտվում, որ Արմեն Բորիսովիչը «վռնդել» է Վիտալինային ոչ միայն իր կյանքից, այլեւ թատրոնից:

Դերասանի քույրը, սակայն, պարբերականին տված հարցազրույցում նշել է, որ Արմեն Ջիգարխանյանը երիտասարդ չէ, եւ բավական լուրջ հիվանդություններ ունի: «Դա պետք է հաշվի առնել: Նախ՝ նրան օգնություն ցուցաբերեց շտապօգնությունը, ապա եղբորս նորից թատրոն բերեցին, իսկ հետո նորից հիվանդանոց տեղափոխեցին»,-ասաց նա:

Մարինա Ջիգարխանյանի խոսքով` այս ամենը կատարվել է նյարդային պոռթկումների պատճառով: «Ես խոսել եմ հիվանդանոցի գլխավոր բժշկի հետ: Եղբորս հետ ամեն ինչ կարգին է, նա այժմ բժիշկների հսկողության տակ է: Նրա մոտ շաքարն էր բարձրացել, իսկ երբ մարդու շաքարը բարձրանում է, նա իրեն շատ վատ է զգում եւ հաճախ ոչ ադեկվատ քայլեր է անում: Նրան արդեն օգնություն են ցուցաբերում, նա բուժվում է»,-ասել է Մարինա Ջիգարխանյանը:

Անդրադառնալով` Ջիգարխանյանի կնոջ դեմ ուղղված մեղադրանքներին եւ ոստիկանությանը տված հաղորդմանը, դերասանի քույրն ասաց, որ Արմեն Ջիգարխանյանը ոստիկանություն հաղորդում չի ներկայացրել: «Կան մարդիկ, ում դուր է գալիս միջամտել ուրիշների ընտանեկան հարցերին: Ամեն բան սկսվեց նրանից, որ Արմենի մոտ եկել էին ընկերները, հետո եղբայրս իրեն վատ է զգացել եւ նրան հիվանդանոց են տեղափոխել: Արմենի ընկերները, չգիտես ինչու, այդ մասին չեն տեղեկացրել Արմենի կնոջը, եւ նա դրանից նյարդայնացել է, քանի որ միայն նա գիտեր, թե ինչ դեղեր պետք էր տալ եղբորս: Ես խոսել եմ Արմենի ընկերներից մեկի հետ եւ ասել, որ նման բան անել չի կարելի: Ամեն ինչ պետք է համաձայնեցված անել: Ես չգիտեմ, թե նրա այսպես կոչված «ընկերները» որտեղ են տարել եղբորս եւ ինչ փաստաթղթեր են ստորագրել տվել, երբ նա գտնվել է ոչ ադեկվատ վիճակում, սակայն նրանց այդ արարքը ես համարում եմ խայտառակություն»,-թղթակցի հետ զրույցում պատմել է Ջիգարխանյանի քույրը հավելելով, որ նրա «ընկերներն» Արմենի վաղեմի բարեկամներն էին, ովքեր նրան լրիվ այլ հիվանդանոց էին տեղափոխել, փոխանակ տանելու այն բուժհաստատություն, որտեղ բժիշկները ծանոթ էին իր հիվանդության պատմությանը. «Փառք Աստծո, հիմա ամեն բան կարգին է»:

Թղթակցի այն հարցին, թե ինչու Վիտալինային չեն թողնում տեսակցել ամուսնուն, Մարինա Ջիգարխանյանը պատասխանել է, որ Արմենը հիմա այնպիսի վիճակում է, որ բժիշկները արգելում են տեսակցությունները, քանի որ դա կարող է նրա համար մեծ սթրես լինել:

Ջիգարխանյանի քույրը վստահեցրել է նաեւ, որ Վիտալինան շատ լավ անձնավորություն է, եւ եթե նա չլիներ, իր եղբայրն արդեն վաղուց կենդանի չէր լինի: «Վիտալինան շատ անգամներ է եղբորս դուրս բերել անդունդի միջից: Արմենն այդ օրը ամեն ինչ արել է հիվանդության բռնկման ազդեցության տակ: Եղբայրս այսօր ողջ է միայն Վիտալինայի աղոթքների շնորհիվ»,-եզրափակել է Մարինա Ջիգարխանյանը:

Լրահոս
Ապրիլի 20-ին 09:00-ի դրությամբ ոստիկանության բաժիններ է բերման ենթարկվել 16 քաղաքացի ԱՄՆ-ն մտահոգված է Թուրքիայում արտակարգ դրության պայմաններում ընտրությունների անցկացման հեռանկարով Փաշինյանն ու կողմնակիցները երթ սկսեցին Գյուլբենկյան փողոցից «Ժամանակ». Ճիշտ ժամանակն է, որ իշխանությունը Հրայր Թովմասյանին գործուղի հրապարակ «Ժողովուրդ». Դժվար է պատկերացնել, թե ինչի շուրջ կարող է տեղի ունենալ ակնարկվող երկխոսությունը «Իրատես». «Ծառուկյան» խմբակցության կեցվածքը խիստ անհանգստացրել է նաև այդ ուժի ընդդիմադիր թևին «Իրավունք». Նիկոլի ցույցերն անցնում են Խաչատուր Սուքիասյանի «բարձր հովանու ներքո» Իշխանությունը պատրաստ է լսել հասարակության տարբեր հատվածներից եկած ազդակները նաև բողոքի տեսքով Հայաստանում երկրի ղեկավարի նկարը պետական հիմնարկներում կախելու պարտադրանք երբեք չի եղել Ինձ համար իշխանությունը վայելք չէ Անձնական նկատառումներ չկային սահմանադրական բարեփոխումները նախաձեռնելիս Իշխանությունները պարտավոր են դրսևորել հանդուրժողականություն և զսպվածություն. Շարմազանովը` բողոքի ցույցերի մասին Ցանկություն չկա հարկադրանքի միջոց կիրառելու, բայց չի կարող երկրում տիրել ամենաթողության Նիկոլ Փաշինյանը հայտարարեց փողոցները փակելու մարտավարությանը վերադառնալու մասին ԵՄ-ն Թուրքիայից պահանջել է բարիդրացիական հարաբերություններ պահպանել հարևանների հետ և վերացնել արտակարգ դրության ռեժիմը Բերման ենթարկվածները «Ելք»-ի պատգամավորներին փոխանցել են, որ ոստիկանները հիմնականում իրենց նկատմամբ հարգալից վերաբերմունք են դրսևորել Կառավարության կազմավորման գործընթացը կավարտվի երկու-երեք օրվա ընթացքում Կառավարության նոր ծրագրով նախատեսվում է տարեկան ապահովել 5 և ավելի տոկոս տնտեսական աճ Վաղաժամ ընտրությունների առաջարկը թուրքական մեջլիսում քննարկվելու է շաբաթվա վերջին Պետության կարիքների համար երկարացվում է սեփականության օտարման մասին օրենքի բողոքարկման ժամկետը Հայաստանի ժուռնալիստների միությունը կոչ է անում հարգել լրագրողի մասնագիտական գործունեությունը ՀՀ պաշտպանության նախարարությունում անցկացվում է զինկոմիսարիատների ղեկավար կազմի եռօրյա ուսումնական հավաք Փոքր ավիացիայի ոլորտում իրականացվելու է խոշոր ներդրումային ծրագիր Չենք երազել աշխատել այսպիսի պայմաններում. Դավիթ Հարությունյանը փաստում է՝ կառավարության շենքի շրջափակումն անօրինական գործողություն է Կառավարությունը նոր նախագծով նոր կարգավորումներ է մտցնում ԴԱՀԿ-ի և պարտապանի հարաբերություններում Տեղի ունեցող ցույցերը բացասական ազդեցություն են ունենալու տնտեսության զարգացման վրա Կառավարության նիստի վերջում Սերժ Սարգսյանը կառավարության անդամներին մաղթել է բարձր տրամադրություն ԵԱՀԿ/ԺՀՄԻԳ տնօրենը Հայաստանի իշխանություններին ու ընդդիմությանը երկխոսության կոչ է արել Ակցիաներն ու հանրահավաքները որոշ դեպքերում անցնում են խաղաղ լինելու սահմանագիծը ՀՀ երրորդ նախագահի բնակարանային խնդիրը լուծելու պահը չէ. Սերժ Սարգսյանի խոսքը ՀՀ կառավարության նիստի ժամանակ Արցախում ռազմավարական գրեթե բոլոր ուղղություններով արձանագրվել է առաջընթաց. Բակո Սահակյան Սերժ Սարգսյանը բնակվելու է կառավարական ամառանոցում վարչապետին հատկացված առանձնատանը Կառավարության առաջին նիստն անցել է առանց մեծ բանավեճերի Բելառուսի վարչապետն ընդունել է ԱՊՀ երկրների պետական գործակալությունների ներկայացուցիչներին Հայաստանի Նախագահը Չինաստանի դեսպանի հետ քննարկել է տարբեր բնագավառներում գործակցության ընդլայնման հարցեր Համոզված ենք՝ Հայաստանում իրադրությունը կկարգավորվի ժողովրդավարական ճանապարհով ԿԳՆ-ն հերքում է աշխատակիցների համար որոշ կայքերի արգելափակված լինելու լուրերը Շիրակի ոստիկանությունը հերքում է Գյումրիում ցուցարարների կողմը ոստիկանների անցնելու լուրը ՌԱԿ-ը կոչ է անում չանտեսել երիտասարդության ընդվզումն ու բողոքը Հայաստանը պատրաստ է առաջ մղել ԵՄ հետ քաղաքական երկխոսությունը. Արմեն Սարգսյանն ընդունել է Պյոտր Սվիտալսկուն
Խմբագրի ընտրություն
website by Sargssyan