Սիրիական բանակը ԻՊ-ին շրջապատում Է Դեյր Զորի թաղամասերում
Նմանատիպ
Սիրիայի կառավարական զորքերը «Իսլամական պետություն» ահաբեկչական խմբավորման զինյալներին դուրս են մղել Դեյր Էզ Զորից հյուսիս ընկած Ալ Հուսեյնիա բնակավայրից: Այդ մասին ՌԻԱ Նովոստիին հայտնել Է սիրիական զինվորական մի աղբյուր:
«Սիրիական բանակը շարունակում Է հարձակումը Եփրատ գետի արեւելյան ափին, որի ընթացքում վերականգնվել Է հսկողությունը Դեյր Էզ Զորից հյուսիս ընկած Ալ Հուսեյնիա բնակավայրի նկատմամբ: Այսպիսով, ընթանում Է քաղաքի թաղամասերում մնացած ահաբեկիչների շրջապատման գործողությունը»,-պատմել Է գործակալության զրուցակիցը:
Աղբյուրի տվյալներով՝ հոկտեմբերի 16-ին անցկացված գործողության ընթացքում ոչնչացվել են մի քանի տասնյակ ահաբեկիչներ, ինչպես նաեւ ԻՊ-ի զրահատեխնիկան եւ խոշոր տրամաչափի գնդացիրներով արտաճանապարհային ավտոմեքենաներ:
Ինչպես հոկտեմբերի 13-ին հայտնել Է ՌԴ զինված ուժերի գլխավոր շտաբը, Դեյր Էզ Զորի շրջանում սիրիական զորքերի հարձակումը հաջողությամբ Է զարգանում: Գեներալ Հասան Սուխելի գրոհային ջոկատները ռուսական օդուժի աջակցությամբ ազատագրել են Եփրատի աջ ափը՝ քաղաքից հյուսիսարեւմուտք եւ արեւմուտք ընկած շրջանում՝ հսկողություն հաստատելով 4,6 հազար քառակուսի կիլոմետր ընդհանուր մակերեսով տարածքի նկատմամբ:
Հետևեք մեզ նաև Telegram-ում