AM | RU
USD
EUR
RUB

Հայկական արմատների ուժը. «Արդեան»

 
 

Եգիպտոսից Հայաստան, Հայաստանից Միացյալ նահանգներ, այնտեղից` նորից Հայաստան: Երեք աշխարհամասերով պտույտը Վազգեն Բրուտյանին, ի վերջո, բերեց մանկության հուշերի քաղաք: Միացյալ նահանգներում կրթություն ստանալն ու այնտեղ սեփական գրասենյակ ունենալը Վազգենին չկարողացան հեռացնել իր արմատներից: 2013թ. Լոս Անջելեսում թողնելով տարիների ընթացքում ստեղծած կարիերան` մասնագիտությամբ ճարտարապետ Վազգեն Բրուտյանն, ի վերջո, եկավ ու հաստատվեց Երևանում: «Ես հաճախ էի գալիս Հայաստան, քանի որ ուզում էի տեսնել` ինչպես կարող եմ մասնակից դառնալ հայրենիքիս կայացմանն ու զարգացմանը: Երբ իմացա «Թումո»-ի մասին, որը ոչ միայն Կովկասում, այլև ամբողջ աշխարհում եզակի գաղափար է, հասկացա, որ այդտեղ կարող եմ օգտակար լինել: Երկու անգամ` կարճ ժամանակով, եկա ու դասավանդեցի աշակերտներին: Այդ ընթացքում զգացի, որ աշակերտներս շատ տաղանդավոր են, նրանց ուղղություն տալով կարելի է մեծ աշխատանք կատարել: Եվ ահա երրորդ անգամը եկա ու մնացի: Ու արդեն չորս տարի է այստեղ եմ, ինչի համար շատ ուրախ ու գոհ եմ»,-ասում է «Արդեան» դիզայներական ընկերության հիմնադիրը:

Վազգեն Բրուտյանը վստահ է` մարդ, որտեղ էլ գնա, պետք է վերադառնա հայրենիք ու փորձի այնտեղ ինչ-որ բան արարել, ստեղծել: 14 տարեկանում ընտանիքի հետ հարկադրված Լոս Անջելես տեղափոխված Վազգենը հենց այդպես էլ արեց: «Թումոյում ստացած գիտելիքները կարելի է օգտագործել` աշխատատեղեր ստեղծել: Մեր նպատակը Հայաստանում դիզայնի ոլորտը զարգացնելն է: Բայց մյուս ոլորտներն էլ հեշտությամբ կարելի է զարգացնել, միայն թե աշխատանք ու երևակայություն է պետք»,-ասում է  «Արդեան»-ի հիմնադիրը:

«Թումո» ստեղծարար տեխնոլոգիաների կենտրոնի առաջին ստարտափը` «Արդեան»-ը, նրա շնորհալի սաների հետ Վազգենի` մեկ տարի տևած աշխատանքի արդյունքում ծնվեց: Լինելով հայկական հնագույն մշակույթի սիրահար և արդիական ճարտարապետության ներկայացուցիչ` Վազգենը միշտ մտածում էր հինն ու արդիականը միաձուլելու մասին: Եվ ահա 2014 թվականից հայկական մշակութային ժառանգությունը սկսեց նոր լեզվով ու նոր ընկալմամբ ներկայացվել «Արդեան»-ի այցելուներին: Աբովյան փողոցի վրա տեղակայված ցուցասրահ-վաճառակետում Նարեկացու աղոթքներով ու հայկական զարդանախշերով համեմված արվեստի գործերն` առանձին, վզկապներն, ապակեղենն ու մյուս գործերը` առանձին, յուրաքանչյուրն իր տեղում, իր ասելիքով ու ներքին խորհրդով «ողջունում» ու «ճանապարհում են» այնտեղ մտնող յուրաքանչյուրին:

«Արդեան»-ի աշխատանքներում Նարեկացու գործերից մեջբերումները, Վազգենի խոսքով, մեծ խորհուրդ ունի, որը, հավանաբար, անգամ հայերի մասին չլսած ու հայերեն չիմացող մարդը կհասկանա, քանի որ նա գրել է համամարդկային լեզվով: Այն առումով առանձնապես ուշագրավ են 2015թ. ապրիլին` Ցեղասպանության 100-ամյակին նվիրված ցուցահանդեսում ներկայացված գործերը, որոնք ցուցասրահի աջ ու ձախ կողմերում, պատմության վկաների պես, հսկում են անցուդարձը:

Հետագայում նոր ցուցահանդեսներ էլ, նոր գործեր էլ կլինեն, ասում է «Արդեան»-ի հիմնադիրը և վստահեցնում` Հայաստանն աշխարհում պետք է ճանաչելի դառնա` որպես գաղափարներ ծնող երկիր:

Լիլիթ ՊՈՂՈՍՅԱՆ

Լրահոս
ԵԱՀԿ գործող նախագահը կայցելի Երևան և Բաքու՝ ղարաբաղյան կարգավորման հարցը քննարկելու համար Պարոնայք, իսկ երբեմն էլ` տիկնայք ավելի լավ է ոչինչ մի ձեռնարկեք Հայաստանի նոր իշխանությունները չունեն երկրի զարգացման և ոչ մի ռազմավարական ծրագիր Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում Կիսանախագահական համակարգի անցնելու առաջարկությունը նման է կրկեսի. Սահմանադրագետ ՌԴ-ում քաղաքական մակարդակով որոշում կա հայկական վարորդական վկայականով ավտոմեքենա վարելու արգելքը հանելու. Մելքումյան Ամենայն հայոց բանաստեղծի ծննդավայրում հնչում են նրա ստեղծագործությունները Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումն ակնկալվում է այս տարի ՊԵԿ-ը կանխել է մաքսային կանոնների խախտմամբ Հայաստան ոսկյա զարդեր ներկրելու փորձը ԻՊ-ն Աֆղանստանում ստեղծել է ահաբեկչական նոր «ցանց» Արարատ Միրզոյանը հայտնում է սահմանադրական փոփոխությունների օրակարգի առկայության մասին Թուրքիայի Մեջլիսի նախագահը հրաժարական է տվել «Քարվաճառի դիվերսանտները». Ադրբեջան՝ պետություն, որտեղ հայ սպանելը հերոսություն է ԱԺ խմբակցությունները Կալաշնիկովի հետ հանդիպմանը քննարկել են նաև Վերին Լարսի այլընտրանքային ճանապարհի հարցը Կնոջ պաշտպանված ու բարձր գնահատված դերը թե՛ առողջ հասարակության, թե՛ ամուր պետության պարտադիր երաշխիք է.ՄԻՊ Իսրայելական տխրահռչակ Aeronautics ընկերությունը հայտարարել է Ադրբեջանի հետ նոր գործարքի մասին Հնդկաստանում ՌՕՈՒ երկու ինքնաթիռ է բախվել ԱԱԾ-ն հաստատում է Սեդրակ Քոչարյանին մեղադրանք առաջադրելու լուրը Սպանությունից 15 տարի անց ԵԱՀԿ ԽՎ ձմեռային նստաշրջանին մասնակցելու համար ՀՀ ԱԺ պատվիրակությունը կմեկնի Վիեննա ԵՄ-ն Ռուսաստանին ընդգրկել է մարդու իրավունքները համակարգային խախտողների ցանկում Սբ. Գևորգ եկեղեցում ադրբեջանցու նկարահանած տեսանյութը նոր չէ. Վիրահայոց թեմը պարզաբանում է Հայաստանը որևէ կերպ չարձագանքեց ռուսական առաջատար ԶԼՄ-ներին Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար Կարեն Սարգսյանն ազատվել է հատուկ հանձնարարությունների գծով Արցախի նախագահի ներկայացուցչի պաշտոնից Արամ Առաջինը եկել է Հայաստան Նախարարի տիկնոջ ընկերությունը 2.5 անգամ, իսկ «Աստղիկ» ԲԿ-ն մեկ միլիարդ դրամով ավելի պետական ֆինանսավորում կստանա Կալանավորը փախել է Հանրապետական հիվանդանոցից Ապարանի և Արագածի ավտաճանապարհներին բուք է Հայաստանի մշակութային օրացույցում փետրվարի 19-ը տոն է. նշվում է Թումանյանի 150-ամյակը «Փաստ». Խորհրդարանակա՞ն, թե՞ կիսանախագահական «Ժամանակ». Ինչու է Փաշինյանը ԿԲ ղեկավարի պաշտոնում ցանկանում իր մարդուն տեսնել «Ժողովուրդ». Օպտիմալացման ենթակա գերատեսչությունները կշարունակեն աշխատանքը շունչները պահած «Հրապարակ». Վարչապետի՞, թե՞ քաղաքապետի օգնական «Ժամանակ». Կարեն Կարապետյանը Ծառուկյանի խնամու դաչայում հավաք է կազմակերպել «Հրապարակ». Թեժ պայքար սփյուռքի գործերի գլխավոր հանձնակատարի պաշտոնի համար «Իրատես». Երբևէ «բացվելու» են Սիրիա զորք ուղարկելու որոշման էջերը «Ժողովուրդ». Դատավորը դիմել է ՍԴ ՕՐՎԱ ԽՈՐՀՈՒՐԴԸ: Փետրվարի 19 ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկությանը
Խմբագրի ընտրություն
website by Sargssyan