«Ժամանակ». Մանկապարտեզում երեխաներին պատանդ վերցրածը ցանկացել է վրեժ լուծել զոքանչից

Արմավիրի «Մանուշակ» մանկապարտեզում երեխաների ու մանկապարտեզի աշխատակիցների պատանդ վերցրած Արգամ Հովակիմյանը, ըստ նրա ճանաչողների, զբաղվել է մանր ձեռներեցությամբ՝ Հայաստանից Ռուսաստան և Ռուսաստանից Հայաստան ապրանքներ տանել վաճառելով։

«Ժամանակ»-ը գրել է, որ նրան հոգեկան հավասարակշռությունից հանել է կնոջից բաժանվելը, ինչպես նաև կնոջ հղիության արհեստական ընդհատումը։ Այս ամենի համար Արգամը մեղավոր է համարել զոքանչին, և միշտ խոսել է նրանից վրեժ լուծելու մասին։

Թերթը հավելել է, որ Արգամի զոքանչն այդ մանկապարտեզի տնօրենն է: