ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունը պաշտոնապես հայտարարում է․ (հերքում)
Նմանատիպ
1. ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերության վաճառքի մասին շրջանառվող լուրը բացարձակապես չի համապատասխանում իրականությանը։
2. ՌՈՍԳՈՍՍՏՐԱԽ ԱՐՄԵՆԻԱ ընկերության համար իր աշխատակիցները և հաճախորդներն միշտ եղել են ամենամեծ արժեքը։ Այդ իսկ պատճառով Ընկերությունը որդեգրել է ազնիվ գործելու քաղաքականությունը, ինչը և ապացուցել է գործունեության ողջ ընթացքում։ Շեշտում ենք, որ ընկերությունում տիրող խուճապի մասին լուրը բացարձակապես չի համապատասխանում իրականությանը։ Բոլոր ցանկացողներին հրավիրում ենք այցելել ՌՈՍԳՈՍՍՏՐԱԽ ԱՐՄԵՆԻԱ ընկերության ցանկացած գրասենյակ և անձամբ համոզվել դրանում։
3. Որևիցե աշխատակից չի կրճատվել, ավելին՝ անցյալ տարվա համեմատ աշխատակիցների թիվը զգալիորեն ավելացել է, առկա թափուր աշխատատեղերի մասին հայտարարությունները հրապարակված են www.RGS.am կայքում:
4. Տարվա համար աշխատակիցների առջև դրված խնդիրներն կատարվել են առավելագույնս (ի դեպ, ըստ պաշտոնական տվյալների և բոլոր անկախ մասնագիտական հրապարակումների` այս տարվա արդյունքներով ՌՈՍԳՈՍՍՏՐԱԽ ԱՐՄԵՆԻԱ ընկերությունն ապահովել է Հայաստանի ապահովագրական շուկայում ամենամեծ շահույթը – հեղ.)։
ՌՈՍԳՈՍՍՏՐԱԽ ԱՐՄԵՆԻԱ ընկերության ղեկավարությունը գիտակցում է, որ ընկերության արձանագրված բոլոր հաջողությունները հնարավոր են դարձել Ընկերության աշխատակիցների բարձր պրոֆեսիոնալիզմի, ինչպես նաև աշխատակիցների և հաճախորդների հավատարմության շնորհիվ: Օգտվելով առիթից ՌՈՍԳՈՍՍՏՐԱԽ ԱՐՄԵՆԻԱ ընկերությունը շնորհակալություն է հայտնում բոլորին իր կողքին լինելու համար:
Հետևեք մեզ նաև Telegram-ում