AM | RU
USD
EUR
RUB

ԵՄ-ի հետ վիզաների ազատականացման գործընթացում շատ բան կախված է նրանից, թե ՀՀ-ն ինչպես կիրագործի գործընկերության պայմանագրի կետերը

 
 

ԵՄ-ի հետ վիզաների ազատականացման գործընթացում շատ բան կախված է նրանից, թե ինչ չափով, ինչ մակարդակով և ինչ որակով Հայաստանը կիրագործի ԵՄ հետ ստորագրվելիք համապարփակ և ընդլայնված գործընկերության համաձայնագիրը: Կարևոր է նաև այն, թե ՀՀ-ն որքանով կկարողանա թուլացնել իր կախվածությունը Ռուսաստանից: Այսինքն՝ վիզաների ազատականացումը մեծամասամբ Հայաստանից է կախված, ԵՄ-ն հստակ ցույց է տալիս, որ ինքը պատրաստ է:

Tert.am-ի հետ զրույցում նման կարծիք հայտնեց Ռազմավարական և ազգային հետազոտությունների հայկական կենտրոնի (ՌԱՀՀԿ) քաղաքական փորձագետ Էդգար Վարդանյանը:

Նշենք, որ Եվրախորհրդարանը կոչ է արել Եվրամիության կառավարությանն ու Արտաքին գործերի նախարարությանը երկխոսություն սկսել Հայաստանի հետ՝ վիզաների ազատականացման շուրջ։ «Հայաստանի հետ բանակցությունները՝ համապարփակ և ընդլայնված գործընկերության պայմանագրի շուրջ, ավարտվել են, ինչը հաջող օրինակ է, թե ինչպես կարող են Եվրասիական միությանն անդամակցությունը և մասնակցությունը Եվրամիության հարևանության ծրագրերին համատեղվել: Հաշվի առնելով այդ առաջընթացը՝ եվրոպացի պատգամավորները հորդորում են Հայաստանի հետ ևս առանց վիզաների ռեժիմ սահմանել»,- ասվում է հայտարարությունում:

Ըստ Էդգար Վարդանյանի՝ այս հայտարարությունով Եվրամիությունը Հայաստանի հետ հարաբերությունները խորացնելու հստակ պատրաստակամություն է ցույց տալիս:

«Հայաստանի իշխանությունների կողմից վերջին շրջանում հաճախ է ասվում, որ եվրոպացիների պատճառով 2013 թ. չստորագրվեց Խորը և համապարփակ ազատ առևտրի համաձայնագիրը: Այս հայտարարությունը ցույց է տալիս, որ Եվրամիությունը միշտ պատրաստ է եղել և հիմա էլ պատրաստ է խորացնել Հայաստանի հետ հարաբերությունները: Անկախ Հայաստանի ԵԱՏՄ անդամակցությունից, ԵՄ-ում կա կամք, պատրաստակամություն, ցանկություն հարաբերությունների խորացման»,- նշեց քաղաքագետը:

Էդգար Վարդանյանի համոզմամբ՝ Հայաստանն այդքան էլ շահագրգռված չէ ԵՄ-ի հետ լուրջ, խորքային հարաբերություններ ունենալու հարցում: Սա է փաստում նաև այն հանգամանքը, որ Հայաստանն անընդհատ ԵՄ հետ համաձայնագրի չստորագրելու մեղքը բարդում է ԵՄ-ի վրա: Հայաստանի՝ շահագրգռվածություն չունենալու հիմնական խոչընդոտը, ըստ նրա՝ Մոսկվայից կախված լինելն է:

«Մոսկվան մշտապես սահմանափակելու է Հայաստանի եվրաինտեգրման խորացման գործընթացները, բայց իհարկե, դա ինչ-որ չափով հնարավոր լինելու է: Ինչ-որ չափ է, օրինակ՝ ներկայիս համաձայնագիրը: Դա այն չափն է, որն ընդունելի է Կրեմլի համար, բայց դրանից ավելի հարաբերությունների խորացումն արդեն կանհանգստացնի նրան»,- նկատեց նա:

Այս ամենից բացի, ԵՄ-ի հետ վիզաների ազատականացման գործընթացում շատ բան կախված է նրանից, թե ինչ չափով, ինչ մակարդակով և ինչ որակով Հայաստանը կիրագործի ԵՄ-ի հետ ստորագրվելիք գործընկերության պայմանագիրը:

«Մյուս կողմից էլ Հայաստանը հասկանում է, որ իրական ժողովրդավարացման ուղի պետք է բռնի, եթե ցանկանում է ԵՄ-ի հետ ավելի խորացնել իր հարաբերությունները: Վիզաների վերացման խնդիրը մեծապես կախած է նրանից, թե Հայաստանը, ըստ այդ համաձայնագրի՝ որքանով պատրաստ կլինի լուրջ քայլեր կատարել բարեփոխումների ճանապարհին: Եթե լուրջ առաջընթաց գրանցվի, ԵՄ-ն արդեն ցույց է տվել, որ նա պատրաստակամ է այս հարցը լուծել»,- նշեց քաղաքագետը:

Էդգար Վարդանյանի խոսքով՝ Եվրամիության համար կարևոր է տեսնել, թե Հայաստանը ժողովրդավարացման ուղի բռնելու հստակ, իրական քայլեր իրականացնելո՞ւ է, թե իմիտացիա է անելու: Ըստ քաղաքագետի՝ Հայաստանի իշխանություններն այս պահին ժողովրդավարացման իրական կամք չունեն:

«Հասկանալի է, որ վիզաների ազատականացումը տարիների գործընթաց է, ինչպես եղավ Վրաստանում, Ուկրաինայում: Չի բացառվում, որ կարող է նաև արագացված տեմպերով իրավիճակը զարգանալ, բայց դա արդեն կախված կլինի նրանից, թե Հայաստանը որքանով կկարողանա թուլացնել իր կախվածությունը Ռուսաստանից»,- ասաց նա:

Այս բոլոր գործոնները հաշվի առնելով՝ Էդգար Վարդանյանը նշում է, որ ԵՄ-ի հետ վիզաների ազատականացման հավանականությունը 50:50 է, բայց մեծամասամբ դրա կյանքի կոչումը Հայաստանից է կախված:

Նրա կարծիքով՝ վիզաների ազատականացումը նաև կարող է բերել արտագաղթի նոր ալիքի, և այս առումով էլ Հայաստանը պետք է ցույց տա, թե ինչպես է հաղթահարելու այս խնդիրը:

«Հաշվի առնելով Վրաստանի փորձը՝ Հայաստանը նաև պետք է ցույց տա, թե ինչպես է հաղթահարելու արտագաղթի խնդիրը: Վրաստանի դեպքում, օրինակ, շատ շատերը օգտվելով առիթից, իբրև թե տուրիստական նկատառումներից ելնելով, գնում են Եվրամիության երկրներ և չեն վերադառնում»,- ընդգծեց նա:

Լրահոս
Հայաստան-ՆԱՏՕ համագործակցությունը չի հակասում ՀԱՊԿ շրջանակում մեր գործընկերային պարտավորություններին «Հայաստան» հիմնադրամի գործադիր վարչության տնօրենի թափուր պաշտոնի համար մրցույթ է հայտարարվել Այժմ կառուցողական նախաձեռնությամբ հանդես գալու Թուրքիայի հերթն է. Դավիթ Տոնոյան Ամենայն Հայոց Կաթողիկոսը հայրապետական այցով մեկնել է Մոսկվա Ապրիլյան ագրեսիայի սցենարի կրկնվելու դեպքում հայկական կողմը կարող է և չխուսափել իր ամբողջ զինանոցի կիրառման «գայթակղությունից». Դ. Տոնոյան Հայաստանի ռուսական ռազմաբազայում մեկնարկել են լայնամասշտաբ զորավարժություններ Իշխանություններին կօգնի էյֆորիան, եթե ԱԺ արտահերթ ընտրությունները շուտ կայանան. Ալեքսանդր Իսկանդարյան Արամ Թամազյանն ազատվել է քննչական կոմիտեի նախագահի տեղակալի պաշտոնից Օդի ջերմաստիճանն աստիճանաբար կբարձրանա 5-6 աստիճանով ԵԿՄ-ի նոր սկանդալը շուտով կպայթի. անդամների կեսը նախագահ է ուզում, մյուսները դեմ են Իրանում մեկ օրում 4 երկրաշարժ է գրանցվել. տուժածների թիվը գերազանցում է 200-ը Փանիկի միջադեպից հետո պետք է միայն ներողությունով բավարարվել. Կարեն Քոչարյան Գարեգին Բ-ն և Բունդեսթագի պատգամավորը քննարկել են երկու ժողովուրդների բարեկամական կապերի խորացմանն ուղղված քայլերը Պաշտոնաթող գեներալներից կհավաքվեն ապօրինի հրամանով նրանց տրված «գոլդ» համարանիշերը.Դավիթ Սանասարյան Հակակոռուպցիոն միջոցառումների արդյունքում բացահայտվել է շուրջ 29,2 մլրդ դրամի իրավախախտում Սփյուռքահայ երիտասարդները հյուրընկալվել են ռազմական համալսարանում Տոնական տրամադրություն Գեղարքունիքի մարզի Դրախտիկ բնակավայրում «Արսենալ»-ը մեկնարկային տուրում կխաղա մրցաշարի գործող չեմպիոն «Մանչեսթեր Սիթի»-ի հետ Վարչապետի ընտանիքը տասն օր շարունակ կհյուրընկալի «Քայլ դեպի տուն» ծրագրի մասնակիցներից մեկին Իրանում տեղի ունեցած երկրաշարժի հետևանքով տուժել է 146 մարդ ՀՀ պաշտպանության նախարարը հարավարևմտյան սահմանագոտում քննարկել է առաջնագծի վերազինման շարունակականությունը Մխիթարյանը «Արսենալ»-ի հետ ժամանել է Սինգապուր Հայաստանում անձրև և ամպրոպ է սպասվում 200 մլն դոլարի դիմաց տրամադրած զենք-զինամթերքը ժամանակակից, արդիական, անգամ ՌԴ սպառազինության մեջ չգտնվող սպառազինություն է Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Բնապահպանն ահազանգում է Սևանա լճի մամռակալման վտանգի մասին «Շահարտ» ՍՊԸ տնօրինությունը յուրացրել է ավելի քան 43 մլն դրամ Վարդենիսի սոցիալական աջակցության տարածքային գործակալությունում յուրացումներ են բացահայտվել Սոցիալական աջակցության Ստեփանավանի տարածքային գործակալության պետը կձերբակալվի Մարտական կորուստ ադրբեջանական բանակում Արծրուն Հովհաննիսյանը ադրբեջանական կողմում գտնվող վերահսկելի տարածքների լուսանկարներ է հրապարակել Դավիթ Տոնոյանը խրախուսել է ծառայության ընթացքում աչքի ընկած զինծառայողներին Հուլիսի 25-ից շոգը կվերադառնա. Երևանում օդի ջերմաստիճանը + 40-ի կհասնի Էջմիածնում շոգի պատճառով մանկապարտեզները մեկ ամիս չեն աշխատի Ոստիկանները բերման են ենթարկել Քոնչո մականվամբ «օրենքով գող» Նորայր Փիլոյանին Արարատ Զուրաբյանը՝ քաղաքապետի թեկնածու Ադրբեջանը ԼՂ շփման գոտում հայ դիրքապահների ուղղությամբ արձակել է ավելի քան 1300 կրակոց Բավրայում Մոլդովայի ՆԳՆ կողմից հետախուզվող ուկրաինացի է հայտնաբերվել Հայաստանում օդի ջերմաստիճանը կրկին կնվազի Երևանում դպրոցի նախկին տնօրենը 7.6 մլն դրամի յուրացում է կատարել. նա մասամբ հատուցել է պատճառված վնասը
Խմբագրի ընտրություն
website by Sargssyan